مالك العالم

[ماسح الدمعة]

أنت صادق والدليل اللي تقوله
إن حبك ما قدر قلبي يطوله
أنك انت ما عرفت انسان غيري
بس قلبي ما يجي بهذه السهوله

ياحبيبي روح جربها في غيري
لا أنا فالحب ترى ميت ضميري
بنصحك لله به مليون غيري
بس قلبي والله صعب إنك تنوله

لو فرضنا انك الشخص المثالي
صعب تفهمني انا وتفهم خيالي
عش حياتك وخلني عايش بحالي
ما أبي قلبي ولا حبك أطوله

احمد الله اني مرتاح بحياتي
لا أفكر بك ولا بذكرياتي
دامني عايش وأنا واثق بذاتي
مالك العالم أنا بعرضه وطوله