تويت
عــــيـــن الـــســــروق
لا عادها الله عشرةٍ ما جـاء وراهـا يالخفـوق
الا المذلـه والسهـر واهمـومـي المتخالـفـه
لفيت انـا ويـاك ياقلـب العنـا مثـل الحقـوق
نمطـر بساتيـن الغـرام بضحكتيـن وسالفـه
ولا لقينـا الا التجنـي والتعـالـي والـحـروق
وصارت عيوني عـن لذيـذ النـوم كنها حالفـه
ياصاحبـي ماعـاد تشعفنـي مخاييـل وبـروق
حتـى القلـوب الصافيـه ماعادهـا متوالـفـه
كنت اتعنا لك وانا عينـي مثـل عيـن السـروق
والجمر مـن بينـي وبينـك ماردعنـي صالفـه
ومادام ما تعـرف مواجيبـك ولا تعـرف حقـوق
ولا تقـدر طلبـت المسكيـن لـيـش اتحالـفـه
شفت الزهد من عشرةٍ تلت خفوقـي والعـروق
وخلت عناقيـد الخـزام بـروض قلبـي تالفـه
ان قلت فوق تقول تحت..وان قلت تحت تقول فوق
يعني غرامـك يالمعنّـا راي قلبـي اتخالفـه؟!
والله لو به في الهوى دستـور حامـي للحقـوق
انك في قلبـي ما خـذٍ تسعيـن الـف امخالفـه
تعليق