مبسووووووووووووووطه حدي!!

[الأصيلة]

[align=center]استلذيت بعذابك واشهدك مبسوووط حدي
ما يأنبني ضميري " واذلفي لا ردّك الله "

مات في قلبي غرامٍ لا يجيب ولا يودّي
ونصل سيف العشق فيني لا حشى ماعاد اسلّه

هاتي القران نحلف ! وين يدّك هذي يدّي !
والله اني ما ظلمتك لا ولا فكرت أذلّه

قلبك اللي من عرفني قال تدري منت قدّي
لعنبو ذيك المشاعر ضيّعت دربٍ أدلّه

احلفي ما كنت امسح دمع خدّك قبل خدّي
احلفي ما كنت معطي حضرتك ذا الحب كلّه

احلفي ما قلت مهما ابتعد انتي مردّي
احلفي ما افنيت عمري احشم عنادك واجلّه

احلفي ما كنت اسامح واغفر ذنوبك واعدّي
احلفي ما كنت اواسي هم في قلبك واشلّه

احلفي ما صحت وينك يا خلف جدّي وعدّي
احلفي ما كان حبي ورد بستانك وفلّه

احلفي ما باح لجلك وانتثر مكنون سدّي
احلفي ما كنت اداري سرك وحافظ محلّه

لا أبد ما كنت اصدّق اقرب الخلان ضدّي
لا حشى ما قد طرالي انّي فيومٍ أملّه

وين يا موتي حياتك! اتركي هالصمت ردّي
لو يفيد الصمت دمعي كنت أول من يهلّه

شدّي من ازر الحديث المنكسر في القلب شدّي
قولي غلطانه وكانت يا ربيع الوقت زلّه

قولي سامحني دخيلك جيتك بجزي ومدّي
اطلبك عفوك ومثلك ما يرد اللي وصل له

قولي ارجوك السموحه وانتي غلطاتك تعدّي
قولي اسئلك بغرامك لا تزيد القلب علّه

قولي استاهل عذابك واشهدك مبسوطه حدّي
حتى لو اخر كلامك "اذلفي لا ردك الله"[/align]

للشاعر القطري وجد الكتابة

[اماراتي عسل]

مشاركة: مبسووووووووووووووطه حدي!!

سلام عليكم


استلذيت بعذابك واشهدك مبسوووط حدي
ما يأنبني ضميري " واذلفي لا ردّك الله "

صح لسانك

[الأصيلة]

مشاركة: مبسووووووووووووووطه حدي!!

يسلموووو اخوي لمرورك الكريم وردك الطيب 0والله يعطيك العافية 0

[عـصـفـوـوـوـر]

مشاركة: مبسووووووووووووووطه حدي!!

قولي سامحني دخيلك جيتك بجزي ومدّي

روعه الكلماة رووعه

ربي يعطيج الصحه والعافيهه
ومشكوره على النقل المميز
وتسلملي نوامل يدج

^_^