قصيده لاهل القنص................. راعي الولع

[ضباااااب]

الصيد يهل الولع قربت حراويّه

والقيظ زلّت نجومه عند حسابه

وراعي الولع دايمن نفسه شجاويّه

مشغول باله ووقته ما تهنا به

يرقب ودايم تخالفبه طواريّه

وكنه مبشر ليامن حمل زهابه

وقضّى لزومه وحاجاته ضروريّه

والسير مشتاق له قلبه ويهنا به

وشل اشقرن له على العادات ماريّه

صايد فصيله ويدمي كف مخلابه

اشقر بفعله يبيض وجه راعيّه

لي شاف جول الحباري شاف طلاّبه

قرناس بكرن حمر يبره ثناديّه

عاتق ومنكب وشكلن ما يحلابه

فعله على الدارجه بلوا سماويّه

من ضربته ما تحرك يوم تبلابه

والعازم اللي تجدف ما لها نيّه

يلحق طيار الخريش اللي تهجوا به

من صفقته ما تحول عادها حيّه

سهمن قوين عطيبن ضرب نشابه

كنه موجه بالاقمار الصناعيّه

هيهات يسلم عقيد الجول له ما به

هذي منى اللي تخالفبه طواريّه

يسلا هموم المدن عقبه وما شابه

ياخذ على حد اجازته السنويّه

شهرين ولا عليهن زود في حسابه

في قافرن عله من الغيث وسميّه

ما نسمع إلا ام سالم فيه لعابه

وخوة قرومن لهم في الطيب ماريّه

ليا حضر واحدن يكفي عن اللابه

جولات مقناص في قاعن خلاويّه

والسير في وسط روضن شابك اعشابه

يسوى ملاين واملاكن تجاريه

شوف الصحاري وشف الذود ترعابه

كلن على ما هوى قلبه مناويّه

والرزق عند الذي ما خاب طلابه

[همس الليل]

مشاركة: قصيده لاهل القنص................. راعي الولع

السلام عليكم ورحمة الله وبركاته

تسلم يمناك خيو ضبااااب على هالقصيده وعساك عالقوه يارب

[ضباااااب]

مشاركة: قصيده لاهل القنص................. راعي الولع

وعليكم السلام ورحمه الله
يسلموووووووووووووووو همس ع المرور والله لايهينج

[ضباااااب]

مشاركة: قصيده لاهل القنص................. راعي الولع

الله يسلمكم واشكركم ع المرور الطيب كويتي وشكوس