تويت
كتبت الشعر مب حقج ولكن فاض بي بركان
واما انتي فلا تسوي قصيده في نظر عيني
حلفتيلي تصونيني اذا صار الزمن خوان
واول ما عثر حظي على دربج خذلتيني
كسر رمح الزمن صدري وجيتج اشتكي حيران
نزعتي الرمح من صدري وفي ظهري طعنتيني
حسافه كيف حبيتج؟؟نعم والله انا ندمان
غبي ادري نعم ادري ما دامج سكنتيني
خمس سنين من عمري وانا في لعبتج غرقان
اشيل الشوك من دربج وجرحي كان يدميني
وكنت ابجي اذ تبجي واكون لبسمتج فرحان
وكنت اقرب من رموشج لعينج يوم تبغيني
عرفتج للاسف صحراء وحولتج الى بستان
وشلتيني غصن اخضر وفي صخرج زرعتيني
حفرتج داخلي ظني تصوني عشرتي ازمان
وكنت احفر قبر موتي على ساحل شراييني
على كف الشقاء نامت جروحي والالم سهران
يحطمني .. يبعثرني.. وفي صحراج يرميني
ولكن عزتي تفرض اكون بدنيتي اشجان
وان ظنك ايي اركع لريولج ..ما عرفتيني
انا ما عدت اشحت من امثالج رضاء واحسان
اموت بعزتي ارحم ولا ذلج يغطيني
وما دام الوفاء عندج يدورله على عنوان
بدور لي على قلب يصون الحب وسنيني
ولو قلبي رجع حبك بولع فيه بالنيران
وبكسر انا ريلي اذا صوبج توديني
ولو دار الزمن ضدج وجيتي تطلبي الغفران
وجبتي الشمس في كفج لعندي ما بتلقيني
تقول الناس في وصفج : حليوه مثل عود البان
وانج اجمل واحلى مخلوق من طيني
وانج غاليه واثمن من الياقوت والمرجان
تقوم اكوان من شانج وتقعد لج بلاديني
حساافه غرهم شكلج وياما تخدع الالوان
عموما قد بقت كلمه اخيره لج وسمعيني
اذ انتي بنظر غيري ملاك في شكل انسان
قســـــ بالله ـــــــم ما تسوي قصيدة في نظر عيني
وســـــلامتكم
اتمنى تعجبكم القصيده
منقووله
تعليق