مسابقة : شاعر المنتدى / شاعرة المنتدى

[واحد رجال]

السلام عليكم ورحمة الله وبركاته

شحالكم يالأعضاء عساكم بخير :)

الصراحه انا حبيت ان حنا نسوي مسابقه شعريه بين الاعضاء

واللي يفوز على المركز الأول ياخذ لقب ( شاعر المنتدى )

فأنا قلت حق ولد فلان ووافق وريانه المشرفه على هالقسم وافقت

والحين مابقالنا غير القصايد اللي راح تنشر هني

لكل عضو وعضوه :)

وارجوا من الأعضاء اللي يبي يشارك يقول انا بشارك وينشر قصيده هنا وعقب ترتبها

ريانه العود في موضوع محدد ويتم الترشيح عليها من قبل الأعضاء ..

اللي مافهم يقولي ...

مع التقدير:
واحد رجال

[أسيرة الشوق]

مشاركة: مسابقة : شاعر المنتدى / شاعرة المنتدى

انا ما فهمت لووووووول

يعني احط قصيده هني ويحطون رد عليها
ولا قصيده انااكتبها
ولا شسالفه

[ريانة العود]

مشاركة: مسابقة : شاعر المنتدى / شاعرة المنتدى

اسوره حبوبه ركزي
يعني انتي تكتبين قصيده وتنشرينها هنا بس بشرط تكونين انتي اللي كاتبتها وكل واحد نفس الشي بيكتب له قصيده وفي النهايه بيتم الترشيح من قبل الاعضاء على الافضليه واللي تكون نسبة التصويت لقصيدته اكثر راح ينال على لقب شاعر المنتدى

[بوشهد]

مشاركة: مسابقة : شاعر المنتدى / شاعرة المنتدى

عاد هذي أسيرو الخبلة شيفهمها

مولت على البمبر

[أسيرة الشوق]

مشاركة: مسابقة : شاعر المنتدى / شاعرة المنتدى

اهئ اهئ هاوشوني و اضحكوا علي لوووووول

<<<زين عن الخبال خلوها في دوحه الخواطر مو انسب :)

وحلو انه تختارون موضوع " بليز خلكم رومانسين لوول و جي حركتات" لا تجون تقولون شي في السياسه ههههههه<<<اشدخل

زين انا بشارك بس مو الحين في صيف 2006 ان شاء الله هءهءهء

يعندي بعد 13/6 اسوره عندها استعداد بس مو كل موضوع يعني يمكن الموضوع ما يدش مخي لو شي لوول

وتسلمون على التوضيح واللعبه الحلو وعساكم على القوه :)

[ريانة العود]

مشاركة: مسابقة : شاعر المنتدى / شاعرة المنتدى

اوووكي خلاص بحط قوانين:


1-كل عضو مسموح انه ينزل قصيده وحده يرشحها من بد قصايده.ويشترط ان يكون اهو اللي كاتبها يعني مايسوي كوبي وبيست ويجي يقول انا اللي كاتبها خخخخ.

2- عندكم مهله تفكرون وتكتبون على راحتكم الين تاريخ 15-6 وبعدها ماراح نقبل اي قصيده للترشيح.

3- يشترط ان لاتقل القصيده عن 6 ابيات .

4- مافيه اي موضوع معين تكتب عنه يعني تقدرون تاخذون راحتكم واللي بتكتبون عنه احنا راضين به.

5- سوف يبدأ تصويت الاعضاء من تاريخ 15- 6 ولمدة خمس ايام((اعتقد انها كافيه)).


وبس

اتمنى للجميع التوفيق

[واحد رجال]

مشاركة: مسابقة : شاعر المنتدى / شاعرة المنتدى

هتسوووز ..

تفضلوا .. هذي القصيده اللي ان شاء الله راح تدخل في المسابقه من قصايدي :)



(( اتــخــيــل صــورتــك ))


أشـهـد ان الـعـين طـاولـهـا الـسـهــر

.............................. صــار حــلـو الـنوم لـعـيـوني حـريـب

يـاغـزال غـبــت عـن عـيـنــي شـهــر

.............................. صـورتـك قـدام عـيـنـي مــاتــغــيــب

صـابـر والـقـلــب فــي حـالة خــطــر

.............................. مـانـفـع فـيـه الـمـداوي والـطـبـيــب

الـدواء لــلـقــلــب مــاســووا خـــبـر

.............................. دون شــوفـك لا ولا يــمــكـن يـطـيـب

لا ورب الـــبـيـت خـــلاق الــبـــشـــر

.............................. مـــادلــه قـلـبـي مـن فـراقك عطـيب

أتــــخـيـل صـورتـك طــول الـــدهــر

.............................. واتــذكـر مــاضـي الـوقـت الـعـجيـب

يـوم انـا ويـاك ثـالـثـنــا الـــقــمـــر

.............................. جـونــا صــافــي ولا مـعـنـا غـريــب

راحــت الايـام والـمـاضــي انـــدثـــر

.............................. ولــو رفـعـت الصوت مالـي مـن مجيب

بطـلـب المعـبـود يـلـهـمـنـي الـصـبـر

.............................. الـلـه الــلـي دايـــم عــفــوه قـريــب


وسلامتكم ..

ها وين قصايدكم :(

مع التقدير:
واحد رجال

[ريانة العود]

مشاركة: مسابقة : شاعر المنتدى / شاعرة المنتدى

صح السانك اخوي رجال
بس انا ماقدر اكتب هاليومين لان عندي امتحانات :)
يعني اصبر علي كم يوم وبعدين من هنا الين 15-6 باقي وقت
يالله اتمنى للكل التوفيق انشالله:)

[واحد رجال]

مشاركة: مسابقة : شاعر المنتدى / شاعرة المنتدى

اوكيك يالغلا حبيت اشجعكم بس

ويارب ماتنسونا عااد :)

والله الله ..

وبالتوفيق للكل إن شاء الله

[راعي الفزعات]

مشاركة: مسابقة : شاعر المنتدى / شاعرة المنتدى

ســلااااااااااااااام


دام الســالفه فيها شعر لازم انا اكتــب
مو مهم افوز المهم اكتب وخــلاص< روحه رياضيه خخخخخخخخخ

(( فــاااهمــني ))

انــا محــد يكلمــني
بـ هــل الاسلوب فاهمــني ...؟!!
ولا احــدا قوى مره
بكم كلــمه يجــرحني
اذا ظنــك بكلمــاتك بتحرجني وتقهــرني
انــا يافــلان ماتهمــني ولا كلمــاتكــ تهــزنــي
اذا طبعــك كــذا انــت ...
انا واااااااالــله ماخصنــي ...!!!!!
يــابن النــاس اسمــعني
في بالــك حطنــي وافهــمني
تـــــرى سنــك ماهو بسنــي...
وطبعــــكـ غير عن طبعــي ..
واذا قصــــدك تبي تذلنــــي
حشــى منـــت وااااااصـــلنـــــي ....



وســـلامتـــكــــم
اخـــوكــم / راعــي الفــزعــات

[واحد رجال]

مشاركة: مسابقة : شاعر المنتدى / شاعرة المنتدى

اعتقد هذي نثر ؟؟

لكن مشكور يالغلا

وماندري عادي يعني ولا لا ؟؟

[ريانة العود]

مشاركة: مسابقة : شاعر المنتدى / شاعرة المنتدى

لا لا احنا ماتفقنا كذي خخخخ
بس ممكن نحسبها له دام انه كتبها :)

[أسيرة الشوق]

مشاركة: مسابقة : شاعر المنتدى / شاعرة المنتدى

لــــــيش اشفيها يعني

المهم مشاركه

دوختوا راسي

انا عندي سؤال وشو المسابقه كل متى ومتى تردون تعيدونها لوول؟ "انا ويه الامتحاانات ما اظن اكتب الحين "

بالتوفيق رعوي و واحد

[ريانة العود]

مشاركة: مسابقة : شاعر المنتدى / شاعرة المنتدى

اسوره انتي بتخلصين تاريخ 13-6 والمسابقه بتخلص 15-6 وبعدها بيبدا الترشيح يعني اتوقع عندج يومين علشان تكتبين :) والمسابقه ماراح تنعاد

[بوشهد]

مشاركة: مسابقة : شاعر المنتدى / شاعرة المنتدى

القصيدة اللي كتبها راعي الفزعات موزونة وما عليها كلام