وش تسوي لو عشقت انسان ما هو نصيبك..؟؟

[أسيرة الشوق]

قصيده عجبتني وحبيت انقلها لكم

وارجو ان تعجبكم


وش تسوي لو عشقت انسان ماهو من نصيبـك
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلـق الله حبيبـك
تعرف إن قربه محال .. و قلبك مصمم يحبه ؟!
و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه
كل دربٍ يرحل بطيفه .. على وجهك يجيبـك
كل حرفٍ يُكتب لغيره .. تحسه منكتب بـه !!
كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه
و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه
ساكنٍ بأصغر تفاصيلك و قلبـه مـا دري بـك
ماكنٍ بأقصى معاليق الكيـان اللـي لعـب بـه
وش تسوي لو مرضت بعشق من وصله طبيبك
و انت عارف لو ذبحك العشق ما داواك طبه !!


أسيرة الشوق

[عابر سبيل]

رد: وش تسوي لو عشقت انسان ما هو نصيبك..؟؟

صح لسانج وتسلم يمناج على هــ القصيد الطيب ..
وان شاء الله الكل يجيه الانسان الي يحبه ويكون نصيبه ..
تسلمين ويعطيج العافيه ..
ننتظر يديدج بشغف ..

[وردة قــطــر]

رد: وش تسوي لو عشقت انسان ما هو نصيبك..؟؟

انشاللـه يارب

يسلموو عالقصيده الحلـوه اسوره

[أسيرة الشوق]

رد: وش تسوي لو عشقت انسان ما هو نصيبك..؟؟

عابر سبيل

وردة قطر

منورين والله لايحرمني من تواصلكم

^^