ياللي بأسبــاب الخيـ ــ ــ ـانه تفننت

[وردة قــطــر]

ياللـي بأسبـاب الخيـانه تـفننت
وش رجـعك عقـب الجـفا والقطـاعـه ؟؟


فـارق عيـوني وابـعد أرجـوك لا هـنت
دامــك تصـنعت المشـاعـر صنـاعـه ..


لـعبت لعـباتك بتـمثيل واتـقنت
وألـفت كـذباتك بـفن وبـراعـه ..


وخليـتني بالنـار يومـك تـمكنت
وقـعدت ادور فـي هـواك الشـفاعـه ..


لآن الحـجر مـن حالتـي وانـت مـالنـت
لأنـي اعطـيتك غــلا عـن قـناعـه ..


سـاويتك بروحـي ومـن قلبـي احـسنت
وزرعـت حبـك فـي ضـميري زراعــه ..

غــدرت بي واخلــفت ضنـي بـك وخنـت
اثـر الهـوا عنــدك مجـرد اشـاعـه ..


تقـول ابـرجع بالــهوى مثـل ماكـنت ؟
ضـاع الهـوى وانـت السـبب في ضياعـه ..


يـوم انـي اســهر بالغـرا بيل ويـن انت ؟؟
يـوم اتحـرى جــيتك كـل ســاعـه ..


ياللــي مــع الأيــام ضـدي تلــونت !!
يــامن تفــنن فــي وسـايل خداعـه !!


بـك مــن تواصـيف الغـدر لا تمسكنت
كــنه اخوك من الصـدر والرضـاعه !!


يالمـعدن اللـي حـكك من الــوقت بينت
بــّين صــداك اللـي خذيته بضـاعه ..


الــيوم عقب اللـي جرالــي تمعنت ؟
والحـر بعـيونه يبيــن طـباعـه !!


ربتــني الدنيـا علـى يديك وايقنت
ماكــل مـن يطـمح طموح استطاعه !!


كـانك مع الـعاذل وهمـي تــعاونت ؟!
فــأنا تخصـص بالصـبر والشجاعـه ..


وأن كــانك أسلوب التـحدي لـي أعلنت
ابشــر لـك بــرجل يشـمر ذراعــه ..


انـا كــذا طبـعي وبـأطباعي آمـنت
مـن عــافنا يحـرم علينـا اتباعـه ..


والـلي معـي صـادق بعيني لــه اسكنت
عنـدي عـن أسلوب الخيــانه مــناعه ..

تـدري ؟؟ ما دامــك للهوى اليـوم ماصنت
أقــولها بوجــهك وكلـــي قناعه ..


يلـــعن أبــو رجــل يذلـــه هوى بنت
إذا تــخلى لأ جلهـــا عــن طبـاعـه !!!


منقـوولـه .. وردة قــطــر

[ضباااااب]

رد: ياللي بأسبــاب الخيـ ــ ــ ـانه تفننت

صح السانج ع النقل

القصيده روعه

عساج ع القوه

[ريانة العود]

رد: ياللي بأسبــاب الخيـ ــ ــ ـانه تفننت

لـعبت لعـباتك بتـمثيل واتـقنت
وألـفت كـذباتك بـفن وبـراعـه ..


وخليـتني بالنـار يومـك تـمكنت
وقـعدت ادور فـي هـواك الشـفاعـه ..


لآن الحـجر مـن حالتـي وانـت مـالنـت
لأنـي اعطـيتك غــلا عـن قـناعـه ..


غــدرت بي واخلــفت ضنـي بـك وخنـت
اثـر الهـوا عنــدك مجـرد اشـاعـه ..


ربتــني الدنيـا علـى يديك وايقنت
ماكــل مـن يطـمح طموح استطاعه !!



وردووووه قلبتي المواجع ..

يعطيج الف عافيه على هالقصيده ..