أَعْتِرِفْ لَهْ وَاعْتِرِفْ لِلّي يَبيهْ

[أسيرة الشوق]

أَعْتِرِفْ لَهْ وَاعْتِرِفْ لِلّي يَبيهْ



أَعْتِرِفْ لَهْ بِالمَحَبَّة وَاعْتِرِفْ لِلّي يَبِيهْ
................ وْروحِي تِشْهدْ بْمَعَزْتَهْ وِإنَّ قَلْبي مِهْتِوِيهْ



عاشِقَهْ وْهايِمْ في حُبَّهْ لو يِجيلَهْ إِلِّي يِجيهْ
.............. مابِي غِيرَهْ لِي خَليلْ وْهُوَّ يِغْلِي إلِّي يَبِيهْ



أَنا أحِبَّهْ وْهُو يِحِبْنِي هُو يَبينِي وَأنا أبِيهْ
..................هُو يُوِدْني وَأنا أوِدَّهْ وْدُومِ قَلْبِي يِلْتِعِيهْ



لُو يَبِينِي أحِطْ قَلْبِي لِعْبَهْ حِلْوَهْ بِينْ يْدِيهْ
............. وَانْقِشْ اسْمِي حاضِنْ اسْمَهْ وَاحْفِرَهْ ذِكْرى عَلِيْهْ


يَبْ يِحِضْنَهْ أَوْيِكِسْرَهْ يِفْعَلْ إِلِّي يِشْتِهِِيهْ
...............ما أَفَكِّرْ يُومِ هَجْرَهْ ْقَلْبِي ما يِزْعَلْ عَليهْ


أَعْتِرِفْ لَهْ وَاعْتِرِفْ لِلّي يَبيهْ




مابِي غِيرَهْ لِي عِشيقْ وْلا بِي أَعْشَقْ حَدْ سُواهْ
..............وْلابِي أَعرَفْ حَدْ قَبْلَهْ وْلا بَعَدْ أَعْشَقْ وَراهْ


مَهْما طارَوْا وِلاّ حَلّوْا مَا يِوَصْلُوا مُسْتَواهْ
..............لا سَماهُمْ هِي سَماهْ وْلا هَواهُمْ هُو هَواهْ



لِي تِبَسَّمْ أَوْ تِنَسَّمْ تِزْهِرْ الدِّنْيا مَعاهْ
...........وْلِيْ تِضايَقْ أَوْ تِكَدَّرْ حَنَّتْ الأَرْضْ لْرِضَاهْ



ماهُو ساحِرْ ما هُو شاعِرْ بَسْ هايِمْ فِي هَواهْ
.......... دامَهْ حَلَّقْ أَنا طايِرْ وِالمَلا حَلَّقْ وَراهْ


أَعْتِرِفْ لَهْ وَاعْتِرِفْ لِلّي يَبيهْ




إِعْتِرافِي بْمَحَبْتَهْ دايِمْ فْقَلْبِي يِنُوحْ
.............يَبِّي يِظْهَرْ مِنْ مُكانَهْ بَسْ كاتِمْتِهْ الجُرُوحْ



يَبِّي يِكْسِرْ جَوْ صَمْتَهْ يَبِّي يِصْرِخْ يَبْ يُبُوحْ
.............يَبْ يُقولْ إِنِّي أَحِبَّهْ قَبْل نارَهْ ما تُفوحْ



لِيشْ أَخَبِّي وْكِيفْ أَخَبِّي وِاسْمَهْ في طَرْفِي يُلوحْ
..............يُومْ أقولْ إِنِّي أَحِبَّهْ شَيْء واقِعْ هَبْ طُموحْ



هُو تِعَلَّى عَرْشِ قَلْبِي وِارْتِقَى عالي الصُروحْ
.......... دامَهْ واصِلْ ما هُو نازِلْ لِينْ رُوحِي ما تُرُوحْ


أَعْتِرِفْ لَهْ وَاعْتِرِفْ لِلّي يَبيهْ

ملطــوشــ

[الأصيلة]

رد: أَعْتِرِفْ لَهْ وَاعْتِرِفْ لِلّي يَبيهْ

يسلموووووووو يا الغلاااااا على الابيات الرائعة والله يعطيك العافية .

[ريانة العود]

رد: أَعْتِرِفْ لَهْ وَاعْتِرِفْ لِلّي يَبيهْ

منو هذا اسوووره اللي تبينه ويبيييييييييييييييييج ..؟

الاعتراف بالحق فضيله << شدخل :42:

صح السان كاتبها .. وانتظر اعترافج حبوبه

[جرووووح]

رد: أَعْتِرِفْ لَهْ وَاعْتِرِفْ لِلّي يَبيهْ

أَنا أحِبَّهْ وْهُو يِحِبْنِي هُو يَبينِي وَأنا أبِيهْ
..................هُو يُوِدْني وَأنا أوِدَّهْ وْدُومِ قَلْبِي يِلْتِعِيهْ


واااو رهيبه يا اسوووره ..
صح الله لسانج

جروووووووح

[ضباااااب]

رد: أَعْتِرِفْ لَهْ وَاعْتِرِفْ لِلّي يَبيهْ

قصيده جميله


صح السانج عالكلمات المبدعه


عساكم ع القوه

[أسيرة الشوق]

رد: أَعْتِرِفْ لَهْ وَاعْتِرِفْ لِلّي يَبيهْ

منـــــــــــورين عساكم ع القوه

^_^

لاتحرموني من تواصلكم

[وردة قــطــر]

رد: أَعْتِرِفْ لَهْ وَاعْتِرِفْ لِلّي يَبيهْ

ماجاوبتي على سؤالها

يعطيج العافيـه اسوره

[ريانة العود]

رد: أَعْتِرِفْ لَهْ وَاعْتِرِفْ لِلّي يَبيهْ

اي ماجاوبتي على سؤالي ليش تتهربين ...................؟ اعترفي