تويت
طبعا الشاعر غني عن التعريف ماظني احد مايعرفه .. والله يوفقه انشءلله ويوفز باللقب .. والله يتاهل ابن فطيس..
القصيده الرئيسيه كامله
وهذي مقاطعها اللتي شارك بها امام اللجنه ..
..
..
..
..
وهذي هي كامله بالترتيب ..
البدايه مع الوطن ..
والثانيه ... إجتماعيه
والثالثه .. في وصف الطير والمقناص من الشاعر الصقّار
والرابعه عاطفيّه
والخامسه بشتى مواضيعها
والسادسه غزليّه اشتهرت قبل شاعر المليون في المسجات والآن زيادة الخير خير ...
وهذي القصيدة الرئيسيه .. بحثت عنها واهديها لكم
تعبت والله عليهم لاتبخلون علي بردودكم :28:
اختكم/ ريانـــه..
القصيده الرئيسيه كامله
وهذي مقاطعها اللتي شارك بها امام اللجنه ..
قطر موطني وانا مثل من تربـوا فيـه
راع البل وراع المال والغيص والفـلاح رجال ٍ الى سمعوا نـداه اجمعـوا لبيـه
تطيح الغتر والروس .. بس العلم ما طاح
سواعد الامير وفالمحافل فخر و وجيـه
ونارد حياض الموت كنحن خرز مسباح
الموت تالي العمر والدنيا مقيـل
والاخرة هي منتهانا لا محـال
وديني وحب الناس والخلق النبيل
ثلاث هي دربي الى حسن المئال
الله يقدرني علـى رد الجميـل
والله يجمّلني الى جالـي مجـال
..
اندوج بأشقر صافي الظهر والذيل
مطروح قد ريشة ظهره محروقه
يطلع وطلعه لا طلع.. طلع دربيل
زود ٍ على طلعه وطبعه.. لحوقه
له هيبة فالجـو قبـل المحابيـل
فرخ العقاب ايخاشره في حقوقـه
..
لاتحسب الجفن من دمعه عقيم
يستحي منك والى اقفيت انثره
ولايغرك وان بدا جسمي سليم
والله انه مثل سور المقبـره
والله ان احر من دمع اليتيـم
دمعة الرجال من فرقا مـره
..
غاسل ٍ كفي من مصافحة بعض اليدين
وقافل ٍ بوجيه اهلها صناديق البريـد
اشهد اني للبلاوي على الدنيـا مديـن
كل ما راجعت نفسي طلعت المستفيـد
المواقف تشخل الناس والطيّب يبيـن
كل عام يطيح تسعه ويصفا لي وحيد
..
ودي بـك وابيـك وابـاك وابـغـاك
جمّعتهـا لرضـاك واختـار فيـهـا
كانك مشكك في الوفـا والغـلا هـااك
جوالـي اقـر القائمـه كـل ابيـهـا
رقمك مع (الصادر) ولا (وارد ) اسواك
والناس في اللي ( لـم يـرد عليهـا ).
وهذي هي كامله بالترتيب ..
البدايه مع الوطن ..
يقولـون سمعنـا قصيـد الـوطـن نبغـيـه
وانا اقـول هاكـم والوطـن يستحـق اروااح
ولكـن مـن اللـي بالقوافـي قـدر يوفـيـه
اشوف ان مدات الشعـر لـو تجـود شحـاح
تعجز المشاعر لو بغـرف البحـر واعطيـه
ولا اشيّن من الطبعه سـوى طبعـة السبـاح
عجزت افصح اللي في كنين الصـدر مخفيـه
واشوف السكات افصح الى ما انصف الافصاح
احبـه ولـو مابيّـن القـاف كيـف اغلـيـه
وحبـه شربتـه واجتمـع فـالـؤاد وســاح
قطر موطني وانـا مثـل مـن تربـوا فيـه
راع البـل وراع المـال والغيـص والفـلاح
رجـال ٍ الـى سمعـوا نـداه اجمعـوا لبيـه
تطيح الغتر والروس .. بس العلـم مـا طـاح
ولدنـا يجـي فـي لازم الـدار هـو وابيـه
مجـي المعيـد الموجـب لراعـي التـلـواح
سواعد الاميـر وفالمحافـل فخـر و وجيـه
ونارد حياض الموت كنحـن خـرز مسبـاح
وسيوف لولـي العهـد فـي لازمـه وايديـه
دروع عليـه وفالـلـوازم قـنـا ورمــاح
جنود الوطـن لحتـاج الامـر وذرا ً يذريـه
ولسـان ٍ فصيـح ٍ قاطـع ٍ يسكـت النبـاح
رجـال اللـوازم كلـنـا والعـهـد نوفـيـه
علـي بالطـلاق انـه كـلام مهـو بمـزاح
هـذا بعـض مافالصـدر للـدار يـا باغيـه
كتبتـه قصيـد وديـرتـي تستـحـق ارواح
والثانيه ... إجتماعيه
الموت تالـي العمـر والدنيـا مقيـل
والاخـرة هـي منتهانـا لا مـحـال
واعمال كل انسان لـه منهـا حصيـل
توضع على الميزان وان ما مال .. مال
وديني وحب النـاس والخلـق النبيـل
ثلاث هي دربي الـى حسـن المئـال
ماهي بلحية شـوق للطـرف الكحيـل
لا ذكّـر العقـل الجـوارح بالـزوال
الله يقـدرنـي عـلـى رد الجمـيـل
والله يجمّلنـي الـى جالـي مـجـال
والله يحـط الستـر لـي ظـل ظليـل
والله يقوّينـي علـى وصـل الحبـال
والله ينوّرنـي لصـار الصبـح ليـل
والله يقدّينـي الـى غـاب الـهـلال
والله يروّينـي السميـن مـن الهزيـل
لا ضيعوا ويش السمان مـن الهـزال
والله يكثّـر كـل ماهـو لـي قلـيـل
الاّ العيوب .. وكـل مانقصـه كمـال
والله لا يحوجنـي لمـدات البخـيـل
ويعيضني فـي كـل ماحـرّم حـلال
والله لا يذللـنـي لسـطـان الذلـيـل
والله لا يسقيني المذّلـة فـي الـزلال
والله يوفقنـي الـى اختـر الخلـيـل
والله يجنبنـي مجالـس قيـل .. قـال
والله يساعدنـي علـى القـول الدليـل
وستر من المنقـود والسنـة الرجـال
والله يقومنـي الـى شلـت الثقـيـل
ولا ينوخنـي لديـن عـبـاد مــال
والله يرحمنـي عقـب عمـر طويـل
وادخل مع السبعة تحـت ذاك الظـلال
والثالثه .. في وصف الطير والمقناص من الشاعر الصقّار
راع القنص مسجون وفراجه سهيل
وشلون ما يبغون شوفـه يشوقـه
اللي يعـدون الصقـاره غرابيـل
ما ذاقوا اللي فالصحـاري نذوقـه
انقوم صبح ونرقد من اول الليـل
في دار عشب ٍ تلحق الماء عروقه
انقـوم للمـذن مقـام ٍ بتهلـيـل
يوم ٍ طوال الليل نرقـب شروقـه
برض ٍ بها لبرق الدواغر مداهيل
قد مرها الوسمي وشافت بروقـه
نسيمها كن فيه من نكهـة الهيـل
يكفـخ بخفـاق ٍ قبضـه معلوقـه
ما شيف فيها الا ثر الصيد والسيل
وخاطي ثر ٍ للـي يـدور لنوقـه
الصيد فيها لـه مـداس ومقاييـل
كنك لها من كـل ديـره تسوقـه
وندوج بأشقر صافي الظهر والذيل
مطروح قد ريشة ظهره محروقـه
له هيبة فالجـو قبـل المحابيـل
فرخ العقاب ايخاشره في حقوقـه
على عيونه له قحوف ٍ مضاليـل
اقحوف شيخ ٍ تاج الامجاد فوقـه
يطلع وطلعه لا طلع.. طلع دربيل
زود ٍ على طلعه وطبعه.. لحوقـه
لاقفت تغرف الجو وتجر وتميـل
راع الحمامه دونهـا مـا يعوقـه
اذكر عليه اللي له الحول والحيـل
الى اتقت من تحت ذيلـه اسبوقـه
اطياره ايخلـي المقافـي مقابيـل
ارماش عين اللي قذى العج موقـه
هاذي طراة العمر من دون تقليـل
بهواية اللي ذوقنـا غيـر ذوقـه
وهذا اللي يحبب هل الطير بسهيل
وخوة رجال ٍ الخوى مـا تبوقـه
موجز عن المقناص ماهو بتفصيل
وكل ٍ يمدح ربح سوقـه بسوقـه
والرابعه عاطفيّه
قد عطيتك وانت ماضنـك لئيـم
والنصيحـه لليـالـي تـذكـره
لاتحرك جرحي الماضي الاليـم
ولاتحسب ان طول بعدك طهـره
كل جرح يهون يالجـرح القديـم
وكل شي قد مضا معـك اذكـره
جرحي وذكراك والليـل البهيـم
حزت فـوادي بمثـل المنشـره
العذول غراب وانا اكبـر غشيـم
والجروح الماء وطاريك حجـره
والزمان اكرم من الحـظ الكريـم
لانفتح لي باب صوبـك سكـره
وحبك اللي لاطرى لي رحت اهيم
قمت احسب اصغر كلامك واكبره
ليتني عـاد الهـوا تـوه فطيـم
انعذلـت لعاذلـي بـس خـيـره
مالقيت من الوفـاء يـااول نديـم
كون صدق الحزن وجهه وظهره
عقب رمح الشوق في وجه الصميم
سيف هجرك في قفاه وشف ثـره
وانت شكلك تحسبني فـي نعيـم
لنـي اخبـي صوابـي واستـره
لايغـرك حلـم رجـال حلـيـم
مهون اللي مـن سكوتـه فجـره
ولاتحسب الجفن من دمعه عقيـم
يستحي منك والى اقفيـت انثـره
ولايغرك وان بدا جسمـي سليـم
والله انـه مثـل سـور المقبـره
والله ان امر من ضحك الخصيـم
شوف حقي بين اياديـه اشكـره
والله ان احر مـن دمـع اليتيـم
دمعة الرجال مـن فرقـا مـره
والخامسه بشتى مواضيعها
غاسل ٍ كفـي مـن مصافحـة بعـض اليديـن
وقافـل ٍ بوجيـه اهلهـا صنـاديـق البـريـد
وشايف ٍ شي ٍ لـي اعـوام مالـي فيـه عيـن
وقاطـع ٍ خيـط الهقـاوي بسكيـن الوكـيـد
وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد
وطايح ٍ من عيني ارجـال عنـدي كـان ويـن
وحاقـر ٍ منهـو يقـيـس الاوادم بالرصـيـد
ومحتمي ٍ من غدر الاصحاب في حصن ٍ حصين
ولابس ٍ لرماح الاقـراب ثـوب ٍ مـن حديـد
وماضي ٍ منـي علـى اللـي تمشينـي يميـن
ما تجي منهـو قريـب ٍ والـى احتجتـه بعيـد
المواقـف تشخـل النـاس والطـيّـب يبـيـن
كل عـام يطيـح تسعـه ويصفـا لـي وحيـد
اشهـد ان خيـر المـدارس تجـارب الاوليـن
واشهد ان راي التجـارب هـو الـراي السديـد
واشهـد انـي للبـلاوي علـى الدنيـا مديـن
كـل مـا راجعـت نفسـي طلعـت المستفيـد
وانت ياللي عقبك الزيـن بيـن البيـض شيـن
مستحيل يطوفك الشعر وانـت اصـل القصيـد
القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد
انت ياللـي مـن بطيـن الفـؤاد الـى الاذيـن
والله ان حبـك مـع الوقـت ماينقـص يزيـد
في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد
اقهـر الضيقـه بذكـراك مـن حيـن لحيـن
وانثر دموعي على الوصـل مـن عيـد ٍ لعيـد
لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد
شف مكانك فـي مكـان ٍ عـن العالـم دفيـن
في مكـان ٍ مـن ورى مثـل عيـدان الجريـد
مكرم ٍ حبـك ولـه فالحشـى سمـن وسميـن
يقدع مـن الحـال واصـب لـه بـن الوريـد
افتضحـت مـن الهواجيـس بـك فالمسلميـن
كل من سولف علي قلت له وش قلـت؟ ..عيـد
الهوى سجـن العشاشيـق وانـا لـك سجيـن
وودي ان سجني مؤبـد ولـي حـارس وقيـد
عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد
صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد
والسادسه غزليّه اشتهرت قبل شاعر المليون في المسجات والآن زيادة الخير خير ...
ودي بـك وابيـك وابـاك وابـغـاك
جمّعتهـا لرضـاك واختـار فيـهـا
شف ويش منها يتبع احكاك ورضـاك
اللي لك اسقـي مسمعـك لا ضميهـا
غديت (افر)احكـاي واسايـر احكـاك
انـا تـشّـرف لكنـتـي واهتويـهـا
مضمونهـا ودي بشوفتـك واهــواك
اللي دروب اهـل الـردى مـا تجيهـا
صانك ولـي امـرك وحبـك وداراك
لاقــدر ردع الحـظـوظ ومجيـهـا
نفسـك مهذبهـا وعـز الله ربّــاك
ايـدري ان جيـش الهيـام يغزيـهـا
الله قسم يبـلاك بـي وانـت يبـلاك
اللي سواتـي فـي العـرب يرتجيهـا
محبة (ن ) ذربه مـن القلـب تكسـاك
حبـة (ن) صـدق الهـوى يكتسيهـا
يامـرك قلبـك بالوفـا لـي وتنهـاك
اس (ن) علـى لامـاك تفـرك يديهـا
رزين عقـل ومـن مزايـا مزايـاك
فسـك تحـب وعفـتـك تمتطيـهـا
تطيع عقل (ن) ما بعـد زل واغـواك
شاعرك تعصـاه ..وانـت تعصيهـا
ماشفـت منـك الا عيونـك ويمنـاك
حبـة (ن) راع الـردى مـا يبيـهـا
يقبـض فـوادي لا تخيلـت فـرقـاك
اشف عيـن (ن) مـا سـواك يعنيهـا
وياعزوة اخوانـك ومطلـب هـذولاك
اس (ن) محـبـة والــدك تدعيـهـا
ناس (ن) تخـدم ابيـك كلـه لعينـاك
هـو يحسـب ان الله عليـه يهديـهـا
ياجعلها تفدى علـى الارض ماطـاك
لله بـمـن هــو مثلـهـا يبتليـهـا
لكـن لعـب فـي ياوليفـي تـغّـلاك
نفسي غـلاك مـن الصـدود يحديهـا
تبطـي علـي وانـا هنـا واتحـراك
كبـدي لواهيـب الصبـر تشتويـهـا
اجمّع علومـك امـن هنـاك وهنـاك
الله لـو انهـا تنشـرى لا اشتريـهـا
وعذرك (انا لاهي) يا ويش اللي الهاك
اهـي ومر(ن)منـت لاهـي تليـهـا
كانك مشكك في الوفـا والغـلا هـااك
والـي اقـر القائمـه كــل ابيـهـا
رقمك مع (الصادر) ولا (وارد ) اسواك
الناس في اللـي ( لـم يـرد عليهـا ).
وايــاك واياني...وايـانـي ايــاك
من غيبة (ن) من دون عـذر يحميهـا
وهذي القصيدة الرئيسيه .. بحثت عنها واهديها لكم
يالله عفوك يـوم تصفيـة الحسـاب
يومٍ حصاد لما زرعنا فـي السنيـن
يوم الحشر قرب ولا معنـا زهـاب
اليوم فـي الدنيـا وبكـره راحليـن
نجني ذنوب ونرتجي عفـو وثـواب
وعلى نصر ربـي لنـا مستعجليـن
تـدرون ليـه امالنـا كنهـا سـراب
تدرون ليه النصـر سيـف الاوليـن
الاوليـن اعمالهـم وفـق الكـتـاب
قاموا عليـه وباعـوا الدنيـا بديـن
وحنا غفلنـا بيـن مـا لـذ وطـاب
والنصـر سيـفٍ مايسلـه غافليـن
نصبح على شوف انتهاكات وخـراب
ونمسي على دمـع وتنهـات ونيـن
بصدورنا شي تذوب الـه الهضـاب
وافعالنا والواقـع ريـاح ..وطحيـن
وعلى العيون من الفتن مثل الضبـاب
معد درينا مـن يسـار ومـن يميـن
ما للضعيف الا الدعا لـو مايجـاب
ماغيره الا الشوف مكتـوف اليديـن
يالله زلزل تحـت الاعـداء التـراب
والطف بنا واحقن دمـاء المسلميـن
ندوعك ياقادر على جعـل السحـاب
جيـش لنصـرة قلـةٍ مستضعفيـن
اغرقهم بنـوع مـن انـواع العقـاب
غرق الغلام اللي يحسب انـه فطيـن
لوما عصى نوحٍ نجا به في رحـاب
سفينته وامضى معه في العمر حيـن
لكنـه اختـار الخسـاره والذهـاب
اصنع بهم صنعك به وانـت المتيـن
والا اخذهم يامجري ٍ سـود الحقـاب
اخذ العجوز اللي بقت فـي الغابريـن
ذوقـهـم اللهم انــواع الـعــذاب
اللي عثوا في ارضك امن المفسديـن
والطف بمن لبسوا من التقوى ثيـاب
عـبـادك المستهدفـيـن المتقـيـن
تكالبـت عليهـم انـيـاب الـذئـاب
ولا غير عونك يامعيـن الصابريـن
من بينهم شيبـه يعجـزون الشبـاب
من وقفته من طولها. فـي الركعتيـن
ومن بينهم بنت تـون بـلا حجـاب
احجابها لفـوا بـه الجـرح المكيـن
وطفلٍٍ عن عيون امه الثنتيـن غـاب
تبكيه عيـن وتلتفـت لأخيـه عيـن
من هول مايجري لهم شاب الغـراب
ياوسع حلمك وانت مافوقـك مديـن
ادعيك وانت ادرى بحال اهل المصاب
وامد كفي لك يـا اكـرم الاكرميـن
تعبت والله عليهم لاتبخلون علي بردودكم :28:
اختكم/ ريانـــه..
تعليق