تصدقين ,, البارحة اشتقت لك ..

[ضباااااب]

تصدقين,,
البارحة اشتقت لك
البارحة
كلي شجر واورقت لك!!
البارحة
أنا امتليت من شمس وجهك والحنين
واشرقت لك!!
البارحة
كنتي السوالف كلها وكنتي البها
وعيونك
الليل,, الطويل,,
وكل ما شتهى!!
وكنتي الحديث العذب,,
اللي أعيده,, وابتديه,,
كل ما انتهى,
البارحة,,
مليتي روحي بالحياة,,
كانت عيونك
دنيتي,,
وكل الجهات
كنتي اختصار احلي الأغاني كلها
وكل البنات
واشتقت لك
صرت أنا ظلك شجر,,
وأورقت لك,
حبيبتي,,
ليتك تجين
كل ليلة حلم
مثل ما جيتي البارحة
مثل ما كنتي البارحة
البارحة,,
كنتي فيني
احتضان الأزرق لكل السواحل والطيور
كنتي اعشاب البحر
كنتي المراكب,,
الميناء,,
المناديل اللي تلوح ف الغياب,, وف الحضور
وكان في حضنك نوارس
وكان فعيوني غرق
كنت أمد حبال لشراع بيدينك وامول,,
القى كل الماي في صدري شعور
البارحة
كنتي في بالي بخور
كنتي في عيني اماني
وكنتي أنتي ف الشفاه الذابلة ف الصمت
عرس,,
ويباب واغاني
الله يالبارح كثير اشتقت لك
وصرت بغيابك,, شجر
واورقت لك
وامتلت روحي سوى
واشرقت لك,

[ضباااااب]

مشاركة: تصدقين ,, البارحة اشتقت لك ..

منور الخاطره كويتي يسلموووووووووووووووووووووووووو

[همس الليل]

مشاركة: تصدقين ,, البارحة اشتقت لك ..

السلام عليكم ورحمة الله وبركاته

يسلمووووووو خيو ضباااب على هالخاطره الحلوه وتسلم يمناك الي خطت هالسطور واسمح لي على القصور واني ماشفت الموضوع قبل هالمره

[ضباااااب]

مشاركة: تصدقين ,, البارحة اشتقت لك ..

السلام عليكم ورحمة الله وبركاته

يسلمووووووو خيو ضباااب على هالخاطره الحلوه وتسلم يمناك الي خطت هالسطور واسمح لي على القصور واني ماشفت الموضوع قبل هالمره

الله يسلمج مسموحه طال عمرج وماقصرتي ع المرور والرد يسلموووووووووووو

[ضباااااب]

مشاركة: تصدقين ,, البارحة اشتقت لك ..

الله يسلمك غلاي
اشكرك ع المرور والرد