تويت
هي البداية بينكم احبتي
ولاكن ليسة بدايتي مع القلم
الأهداء .. لمن جعلني اغرد في دوحتكم
:.•.: تدرين وش صاب الرياض بغيابك :.•.:
تدرين..
وش صاب الرياض
بـــغيــابك ..؟؟ ..!!
أمطرت عقبك دموع..
والنخيل ..أعلنت حالة خضوع..
شئ فيه من الحزن لمحة ركوع..
أمطرت تبكي دموعي..
وارتوت كل الشوارع..
بعد ما ودّعتها أقسى وداع..
.
.
تدرين وش صاب الجمر!! ..
انطفآ وأصبح رماد..
عذبه طـاري البعاد..
من عرف انك مسافر..
أعلنت جمرات حبي حال "ممنوع الرقاد"
.
.
تدرين وش صاب الخفوق!!..
فيه بعض آثار شوق..
وبه جروح وبه حروق..
وبه سوالف لو تروق!!.
وبه نزيف بالحنايا ..
من فراقك .. يا هوى قلبي الصدوق...
.
.
من يعوضني وجودك!!..
مين يسقيهـا ورودك!!..
تدرين وش صاب الورود!!..
اكتست لون الجفاف..
وأعلنت حالة صدود..
كنت أبسقيها .. ولكن !!..
صدها عني يزود..
تمتنع مني وتصد..
ماتبي غيرك أحد..
.
.
تدرين وش صاب النجوم!!..
اختفت بين الغيوم..
عذرها اللي مافهمته..
أنها بحالة وجوم..
وأنها - بعدك - تعاني
تسمع آهات وهموم...
تدرين وش جاني " أنا "!!
موت .. وتعذيب .. وعنا ..
فاقدٍ معنـى ألهنا ..
عندي اللحظة سنه ..
رحتِ..
وضعت من بعدك أنا ..
هذا في حالة ركوع .. وذاك في حالة جفاف..
وهذي في حالة وجوم..
و " أنا " ؟؟..
مين يواسيني أنا ؟؟...
تعليق