اهداء حق ناس

[سلوم المسلماني]

أنـا قصة ألـم وهمـوم وحزنً طالت أيامـه

........أنــا اللي من شعر راسه لرجله ممتلي أحزان

انــا طرفن بكى حظه وقلبن مـاتت أحـلامه

........وأنا قلبن تعب لأني جبرته غصب على الكتمان

تخيرت السكــوت اللي يسوق الجـرح قدامه

........تخيرت العـــذاب اللي ذبح في داخلي إنسان

وقف نبض الفــرح فيني حكمنى ونفذ اعدامه

........قتل ذاك الغــرام اللي ربا في داخل الشريان

وأنا اللي كنت أجي وأركض قبل مايرفع ابهامه

........هقيته صدق يفهمنـي ولكن للأسف غلطان!

أنـــا مشكلتي ياقلبي خذتني روعة أوهامه

........مشيت الدرب لكني رجعت ومعترف ندمـان

أبي ياقلبــي تعذرني وخله يبتعـــد دامه

........تجـاهل كل مافيني مدامه قد نوى الحرمان

عسى الله يسعده يارب بعمره وباقي أعوامه

........حبيبـي لو يعنيني فديتـه منيتي لاهــان

[الأصيلة]

رد: اهداء حق ناس

يسلموو على المشاركة والله يعطيك العاافية .

[سلوم المسلماني]

رد: اهداء حق ناس

الله يعافيج اختي ومشكوره ع الرد