شبتسوي لو..؟؟؟!...موضوع جدير بالنقاس

[صقر قطر]

السلام عليكم ورحمة الله وبركاته...

الصراحه هاي انا امس كنت افكر فيها

شبتسوي لو تجيك اختك وتقول لك انا احب؟؟؟؟...وابغي اخطب...وابيك تساعدني؟؟


هل بتضربها؟؟
هل بتساعدها؟؟
هل....هل.....هل....هل؟؟؟

الأسئله تطرح نفسها


ارجوا من الجميع يشاركون

[زاجــ ZAJIL ــل]

مشاركة: شبتسوي لو..؟؟؟!...موضوع جدير بالنقاس

[align=center]هلا اخوي صقر قطر
مشكور لطرحك هالموضووع....
البنت لما تكون فاهمه وتشارك اخوها او احد من اهلها وتقول لهم انا احب فلان وهالحب مثلا راح يتوج بالزواج المفروض نرحب بهالشيء ونيسر على البنت في هالامور ومانوقف في طريقها خصوصا ان احنا عايشين في زمن التكنولوجيا والعولمه والتطور الفكري بتقول لي ان العادات والتقاليد ماتسمح بقول لك تربيه البنت هي اللي تساعدها على انها اتحكم في تصرفاتها وانها تكون محترمه... [/align]

[بوشهد]

مشاركة: شبتسوي لو..؟؟؟!...موضوع جدير بالنقاس

[align=center]السلام عليكم ورحمة الله وبركاته

طبعاً في البداية أشكر اخوي وتلميذي النجيب صقر قطر على طرح هذا الموضوع المهم والخطير.
وأحب أذكر الإخوان اللي ما عندهم اطلاع على التراث أنه حصلت وقائع كثيرة في الجاهلية والإسلام قالت فيها بنات حق أبوهم زوجنا وهناك أشعار تثبت هذه الوقائع.
ولكن بالنسبة لمجتمعنا فقد يكون هذا الشي صعباً وغير متوقع إلا أننا لا نستبعد أن يأتي هذا اليوم لأن الانفتاح والعولمة طغيا بشكل كبير، فهنا يجب على الواحد منا أن يحكم عقله، لأن هذه الفتاة التي صارحت أهلها بعواطفها فهي حتماً لا تريد أن تسلك طريق العار، وهنا يجب أن تؤخذ الأمور بالروية والتأني حتى لا نأسف على تصرف قد نندم عليه طول حياتنا.[/align]

[صقر قطر]

مشاركة: شبتسوي لو..؟؟؟!...موضوع جدير بالنقاس

السلام عليكم ورحمة الله وبركاته..

اول شي اشكركم على ردودكم

ثانياً: كلامكم صحيح لكن كل واحد له وجهت نظر....وانا من وجهت نظري اول شي اقول لها من وين تعرفين هالشخص...وباسأل عنه...وبعدين بحاول اساعدها اذا كان شخص طيب الأصل وسمعته زينه

وما يصير الا الخير

تحياتي..

[صقر قطر]

مشاركة: شبتسوي لو..؟؟؟!...موضوع جدير بالنقاس

السلام عليكم..

اشكرك ميو على المرور...وأنا ما صارت لي لأن أصلا ما عندي خوات كبار


وثانكس اغين على المرور

[صمــت الكــلام]

مشاركة: شبتسوي لو..؟؟؟!...موضوع جدير بالنقاس

بسم الله الرحمن الرحيم


يسلموووووو اخوي على هالموضوع

في البدايه الحب محد فينا يقدر يحكمه وبما اني انا بنيه لازم انقل لكم بعض الاشياء االي
احنا نفكر فيها ...
اولا الانسان مب عيب انه يحب ولكن اذا انا حبيت او اي بنت حبت وهالشخص يبي يتقدملها
ليش نسد الباب وانخلي الشي بدل ما يصير بعلم الجميع وبطريقه صحيحه
يتحول الى مصيبه او مشكله ... في هالزمن صعب ان البنت تصارح اخوها لسبب واحد
وجود الاخوان اللي راح يتفهمون هالوضع نادر جدا ...
بس لو صارت اتمنى ان الاخ ما يخذل اخته ...
وبالنسبه لي انا عيب في حق اخوي اني اروح واقوله انا احب
ممكن بعد ما يتقدم ويرفضون اقولهم اني احبه بس مش من البدايه ..

[ماسح الدمعة]

مشاركة: شبتسوي لو..؟؟؟!...موضوع جدير بالنقاس

الصراحة انا اول شي بسويه باسأل عن الرجال واشوف اذا كان رجال زين وطيب ومناسب لها واهم شي اذا هو بعد يحبها
لو كان مناسب لها بحاول اني اساعدها