دراسه البنت في الخارج ..............موضوع يستحق النقاش

[مثـــ؟ـــير]

السلام عليكم ورحمة الله وبركاته

عندي موضوع ابغي اشوف رايكم فيه ....

الموضوع عن دراسه البنت في الخارج ابغي رايكم في الموضوع من كل الاتجاهات ....

[زاجــ ZAJIL ــل]

مشاركة: دراسه البنت في الخارج ..............موضوع يستحق النقاش

اول شي اشكرك على الموضوع :34: اللي الكل ممكن يبدي رايه فيه وانا اتمنى من الكل انهم يحطون ارائهم :64:


اول شي الدراسه مب عيب بالعكس الدين حثنا على العلم لاكن احنا انعرف العلم له حدود

يعني الولد مو مشكله يدرس برع اما البنت تقدر لاكن في شروط او عادات وتقاليد :71:

مثلا اول شي المحرم لابد من وجوده اذا بتدرس برع لان صعبه تروح تدرس بروحها وبالخارج يعني اذا كان في محرم ممكن

طبعا هاي الدراسه بالخارج يعني خارج الخليج :22:

اما اذا كان بالخليج يعني دراسة دكتوراه بالحرين مااشوف فيها شي ممكن البنت تدرس لان خليج واحد اما بالخارج صعبه اشوي تطلع برع الخليج اهناك العادات والتقاليد تختلف عنا يعني لو بتدرس برع على الاقل تستحي على ويها وتاخذ محرم اما الحين مااظن في داعي البنت تدرس برع لان اي تخصص تبيه موجود يعني تقعد تدرس بالدوحه وايد ابرك لها


ووو بس بنشوف راي الباقي وبرجع ارد ترى


ادري اتفلسف وووطولت عليكم اسفه


ومشكور مره ثانيه على الموضوع اخوي :67:


وننظر جديدك :59:

[أخاطب القمر]

مشاركة: دراسه البنت في الخارج ..............موضوع يستحق النقاش

بسم الله الرحمن الرحيم

اشكرك اول شي اخوي على الموضوع

انا بتكلم عن الموضوع من وجه نظري الخاصه

اذا البنت الي بتدرس للخارج معاها احد من اخوانها يدرس في نفس

المكان الي بتدرس فيه مافي شي يمنع هذا الشي

اما البنت تذهب للدراسه بالخارج بروحها اعتقد ان هذا الشي عليه كلام

لان ديننا الاسلامي يمنع سفر المرأه بدون محرم شلون لو كانت سفره

للتعليم اي انها تاخذ وقت غير بسيط

واسمحو لي على الاطاله

[بوشهد]

مشاركة: دراسه البنت في الخارج ..............موضوع يستحق النقاش

السلام عليكم ورحمة الله وبركاته

في البداية أحب أشكر أخوي مثير لأنه أثار هذا الموضوع وإحنا متعودين عليه نشوفه ينزل لنا أفلام وأنيمي بس ماشاء الله مبدع حتى في دوحة النقاشات.
دراسة البنت في الخارج طبعاً حكمتها ظروف الدولة لأن ما كانت في تخصصات مثل الطب وتخصصات ثانية، ولكن في هذا الوقت الدولة وفرت أغلب التخصصات في الجامعات المعروفة مثل شمال الأطلنطي وغيرها.

بس أنا هني يمكن أخالفكم الراي شوي وما بي حد يزعل مني ولا يفهم كلامي عكس اللي أبي أوصله لكم.
البنت اللي كانت تدرس برع يعني في الدول الأوروبية أو أمريكا كانت تعيش حياة علمية لأنها بعيدة عن الملهيات، يعني تعيش الجو الجامعي وتتفانى عشان تخلص وتتوظف، وطبعاً هناك في خلط بس بما إنه ما في حد يعرفها ( لأنها برع يعني ما في حد من هل البلاد ) فالناس كانت تاخذ الموضوع بشكل عادي.

ولكن الآن مع وجود الجامعات المختلطة أنا بالعكس أشوف روحتها برع أبرك لأن المجال صار هني متاح للاختلاط مع الشباب أقصد من هل البلاد يعني بالعربي الفصيح البنات فصخوا الحياء شوي يوم دشوا جامعات وكليات مثل شمال الأطلنطي وكورنيل.

[مثـــ؟ـــير]

مشاركة: دراسه البنت في الخارج ..............موضوع يستحق النقاش

مشكورين حبايبي على الاراء واعتقد كل الي قلتوه صحيح خصوصاً ولد فــلان

وبس ابي اضيف شي واحد انه هو مب حلال علينا احنا ( الرجال) وحرام على (النساء)
بالعكس الي هم يسونه احنا نسويه واكثر بعد..... اظن الكل فاهم قصدي وبعد الظاهر لازم معانا (محرمه <<<<< مادري من وين طلعت)

[بنت الفريج]

مشاركة: دراسه البنت في الخارج ..............موضوع يستحق النقاش

مشكوره اخوي على طرحك هالسؤال المهم..
وانا الصراحه مع كلام اخوي اخاطب القمــر..

[مثـــ؟ـــير]

مشاركة: دراسه البنت في الخارج ..............موضوع يستحق النقاش

مشكوره اختي على المرور

[s.w.a.t]

مشاركة: دراسه البنت في الخارج ..............موضوع يستحق النقاش

مشكور على الموضوع


و اعتقد ان لازم المرة تسافر للدراسة على شان تفيد بلدها
لكن لهذا السفر شروط كلها انذكرة في ردودكم
ــــــــــــــــــــــ
و شكرا

[مثـــ؟ـــير]

مشاركة: دراسه البنت في الخارج ..............موضوع يستحق النقاش

العفو اخوي

وشكرا على المرور

[أسيرة الشوق]

مشاركة: دراسه البنت في الخارج ..............موضوع يستحق النقاش

مساء الخير
موضوع واايد حلو
صج قبل الوحده تسافر اذا ماكان في تخصص في بلادها لكن الحين توافرت التخصصات لكن هذا الشي ما يمنع انها تسافر بروحها للدراسه ومافيها شي و ان كانت البنت محترمه وعارفه نفسها زين تروح بدون ريال بعد يعني الزبده مب مشكله لو المراه سافرت بروحها للخارج بغرض الدراسه يعني مو معقوله بتهد ديرتها واهلها عشان تروح تستهبل هههههههه
اختكم اسيرة الشوق

[مثـــ؟ـــير]

مشاركة: دراسه البنت في الخارج ..............موضوع يستحق النقاش

ههههههههههه
مشكوره على المرور اختي

[ريـ مدريديةـال]

مشاركة: دراسه البنت في الخارج ..............موضوع يستحق النقاش

يعطيك العافية اخوي مثير على الموضوع...أنا ما أيد البنت تسافر بدون محرم للدراسه...

[مثـــ؟ـــير]

مشاركة: دراسه البنت في الخارج ..............موضوع يستحق النقاش

صح السانج
ومشكوره على المرور

[فارس العنزي]

مشاركة: دراسه البنت في الخارج ..............موضوع يستحق النقاش

مع الزخم الكبير هالأيام للأسف أصبح البعض يتهاون في شرع الله عز وجل ، ونرى كثير من المسلمات يسافرن وبدون محرم للخارج بغرض الدراسة وهذا لايجوز وحسب أفتاء كثير من المشايخ .

[مثـــ؟ـــير]

مشاركة: دراسه البنت في الخارج ..............موضوع يستحق النقاش

صحيح يا خوي
ومشكور على المرور