لماذا تبحث الفتاه عن الشاب الوسيم((الحلو))موضوع للنقاش

[زاجــ ZAJIL ــل]

لماذا تبحث الفتاه عن الشاب الوسيم((الحلو))موضوع للنقاش

--------------------------------------------------------------------------------

من الطبيعي أن يحرص الشاب أن تكون الفتاة التي يتقدم لخطبتها على قدر كبير من الجمال ولكن ...... الغريب خصوصاً في السنوات الأخيرة حرص الفتاة أن يكون خطيبها يملك من الوسامة الشيئ الكثير... بغض النظر عن رجولته وشهامته لدرجة أن بعض الفتيات يخترن شاباً وسيماً لايملك من مقومات...الرجولة شيئ ويفضلنه ......

وبالنهايه السؤال هو...

لماذا اصبح تفكير بناتنا عقيم؟؟؟؟؟

لماذا اصبح لا يهمهم الا المظاهر؟؟؟؟

وكذالك للولاد ليش تختار البنت الحلوه ؟؟ مو بس للبنات السؤال للاولاد بعد اوكيه

الي اعرفه أن الجمال للمرأة فقط ولكن يبدو أن الرجل بات ينافس المرأة في هذا المجال ليواكب متطلبات العصر !!!

مارأي الأخوة والأخوات ؟؟؟

يمكن لان البنت صارت تختار شريك حياتها على اساس كيف شكله وشنو يملك وشنو عنده سياره وشنو منصبه.. وتغاضت عن النواحي الثانية المهمه مثل الدين والخلق والصلاح والعقل .

[زاجــ ZAJIL ــل]

مشاركة: لماذا تبحث الفتاه عن الشاب الوسيم((الحلو))موضوع للنقاش

السلام عليكم ورحمة الله وبركاته
شكرا اختي لطرحج لهذة الاسئله...
الصراحه بالنسبة لي مب شرط ان يكون شريك حياتي وسيم وااااااااااااااااايد لاني الصراحه راح يشدني سلوكه وتصرفه وخلقه ودينه وشلون تفكيره لان اذا اقتنعت بروحه المعنويه راح اتقاضى عن الاشياء الباقيه وترى العلاقه المفروض تكون قائمه على الحب والموده والاحترام لان الجمال مب دايم لنا طول العمر ....
يعني اهم شيء الجمال المعنوي يكون بالمقدمة وبعدين ننظر للوسامة....
البنت تنظر للرجل لفعله مب لجماله شالفايده تاخذ لها واحد قمر وتقعد طول الوقت عينها عليه وماتبغيه يشوف الناس ويعل قلبها وماعنده اسلوب حلو بالتعامل يكون دثوي وهقهق ...
وحتى الريال يحب البنت اللي فيها جميع صفات الانوثه تأدي له جميع حقوقه وبنفس الوقت تسعده ...صج الريايل يدورون البنت وينقونها ويخزونها عدل ومايبون فيها اي عيب وعينهم زايقه بعد (*_^) بس بنفس الوقت يدور وحده تصونه وتحفظ عرضه لين غاب عنها ....العلاقة من بينهم قايمة بالاساس على التفاهم والاخلاق العاليه والعشرة وطول مابينهم الاحترام راح يكون هو الاساس وجسر التواصل مابين الاثنين... لان الجمال يعتبر صفر على الشمال بالنسبه للعشره اللي بينهم ....واسمحوا لي على الاطاله....

[زاجــ ZAJIL ــل]

مشاركة: لماذا تبحث الفتاه عن الشاب الوسيم((الحلو))موضوع للنقاش

العفو غلاي تسلمين على المرور والرد

وانتظر الباقي

[تكفيني الذكرى]

مشاركة: لماذا تبحث الفتاه عن الشاب الوسيم((الحلو))موضوع للنقاش

مشكوره خيتو على موضوعج الحلو صراحه .. صراحه ماعندها سالفه البنت الي تدور الوسيم قبل لا تدور صاحب الدين والخلق الحسن .. اهم شي الدين والخلق والجمال ووالوسامه هذي تجي بعدين
.. نشوف الاولويات اول كل شي من الاهم لي الاهم .. ولا اصلا حياتنا كلها غلط في غلط اذا عكسنا الايه وقمنا ندور العصاعص ونخلي الاشياء المهمه .. ماقول ماتاخذ البنت الشاب الوسيم صاحب الويه الشرح لكن اذا لقت شاب يصلي ويخاف ربه فيها واخلاقه عال العال والله صراحه عن الف واحد حلو ..


والف شكر لج عشوقه على هالموضيع الروعه الي نشوفها منج ..

واسفين على الاطاله ..


مع التحيه

أخوج .. تكفيني الذكرى

[بوشهد]

مشاركة: لماذا تبحث الفتاه عن الشاب الوسيم((الحلو))موضوع للنقاش

السلام عليكم ورحمة الله وبركاته

أشكرج خيتو عشوقة على طرحج لهذا الموضوع
والله البنات في ها الزمن قاموا يشوفون الأجانب واغتروا فيهم وعشان جذي قاموا يحطون مواصفات مهي بموجودة إلا في الممثلين والمطربين الأجانب، وربعنا العرب والخليجيين ما قصروا قلدوهم في كل شي فصار الحين الشاب اللي تدوره البنت لازم يشبه عبدالمجيد أو راشد الماجد أو أو.

مقياس الرجولة انعدم وصارت البنت تدور على الشاب المسمسم يعني يككون حليو جنه ياهل مب ريال، وللأسف هذا الشي غلط وهو سبب ارتفاع نسبة الطلاق عندنا لأنها تكتشف عقب إنه ما يفرق عنها إلا في الأعضاء ولا هو بنت بكل معنى الكلمة.

[زاجــ ZAJIL ــل]

مشاركة: لماذا تبحث الفتاه عن الشاب الوسيم((الحلو))موضوع للنقاش

والله زين لو ادري ان الموضوع عجبكم جان حطيته من زمان يالله زين حطيته وسمعت ردودكم


تسلمون على الهردود والتوضيحات ويعطيكم الف عافيه





وانتظرو جديدي

[Drb3]

مشاركة: لماذا تبحث الفتاه عن الشاب الوسيم((الحلو))موضوع للنقاش

و الله موضوع اروع من الروعه ..

بس الجمال كلش مب مهم حق الرجل .. لان الرجل بمواقفه .. مب بجماله ..
بس الحين الدنيا انقلبت .. صارت البنت هي الي تدور عريسها و اول الشروط انه يكون حلو ..
يعني البنت شتبي في واحد حلو .. يعني عشان تفتخر فيه بجماله .. ليش ما تفتخر برجولته .. لان الرجولة هي الي تبن الرجل .. مب جماله ..
و بصراحة استغرب من ان بعض الشباب صاروا يسوون عمليات تجميل ..
و صاروا الشباب يقارنون نفسهم بالبنات .. و العكس بعد .. ان البنات يقارنون نفسهم بالشباب ..
و في بنات .. يهتمون في العضلات و الرشاقة و الطول و العرض .. خياطة مب زوجة .. هههههههههههههههههههه ..

و الجمال مهم للبنت .. بس بعد الجمال مب كل شي في اولويات ..

و الزواج ما ينجح بالجمال .. ينجح بالانسجام و راحة الطرفين لبعض .. و الثقة و تحمل المسؤولية ..

و هاي كل الي عندي ..

مشكورة اختي عالموضوع ..

[ريـ مدريديةـال]

مشاركة: لماذا تبحث الفتاه عن الشاب الوسيم((الحلو))موضوع للنقاش

يعطيج العافية عاشقة على الموضووووووووووووع... واراء الاعضاء وايد حلوة...انا من رايي انه في اشياء اهم شكله اذا حلووووووو ... والا لاا واذا توافرت هالاشياء تجمله في عيني... طريقة تعامله ونظرته للحياة ومبادئه في الحياة واخلاقه ودينه...اتوقع البنات صاروا يفكرون جييه من التلفزيون ههههههههههههههههههه بطل الفيلم شلون شكله خخخخخخخخخخخخخ... بس ما يدرون انه الجمال موووووو كل شي في اشياء اهم منه بوايد...

[زاجــ ZAJIL ــل]

مشاركة: لماذا تبحث الفتاه عن الشاب الوسيم((الحلو))موضوع للنقاش

الله يعافيكم من كل شر تسلمون على االمرور


والعفو ومشكورين على المرور والرد

[أخاطب القمر]

مشاركة: لماذا تبحث الفتاه عن الشاب الوسيم((الحلو))موضوع للنقاش

بسم الله الرحمن الرحيم

انا بجاوب على موضوعج اختي زجول من وجهه نظر شخصيه

ليش الشباب يدورون البنت الحلوه ؟

خلني اكون معاج صريح ومن غير لف ولا دوران الجمال مطلوب

ما ابغي اقص على نفسي واقول الجمال مب كل شي لان هذي عشره

عمر صحيح انه يهمني انها تكون على قدر عالي من الاخلاق والدين

حتى تصونني في غيابي عن البيت نفس ما تفضلو الاخوان والا خوات

لكن الجمال شي مطلوب وشي اساسي


هذي وجهه نظري الشخصيه واتمنى اني اكون ماطولت عليكم

ويعطيج العافيه اختي على طرحج الجيد

[ريـ مدريديةـال]

مشاركة: لماذا تبحث الفتاه عن الشاب الوسيم((الحلو))موضوع للنقاش

خطوب مب اساسي لهالدرجة بس ما قلت لك روح تزوج وحدة شينة يعني لو كان جمالها عادي ... يعني في نظري الجمال شي نسبي يختلف من شخص لي شخص.... بس لو كان الشخص جماله عادي... يعني الخشم مب سيف والا العيون وسااااع *_^ اظن انه هالشي يكفي...وممكن التفت للأشياء الثانية ...اللي تكلمنه عنهااا

[أخاطب القمر]

مشاركة: لماذا تبحث الفتاه عن الشاب الوسيم((الحلو))موضوع للنقاش

بسم الله الرحمن الرحيم

اختي ريال مدريد انا يوم تكلمت عن الجمال ماتكلمت عن شخص حاط في باله مواصفات محدده انا تكلمت عن البنت الي تكون على قدر من الجمال ماحطيت لي شروط يجب ان تتوافر في البنت كل الي قلته انها تكون حلوه وعلى قدر من الجمال القدر هذا يختلف من بنت لاخرى اتمنى تكونين فهمتيني لاني لو حطيت لي الشروط في البنت الي بتزوجها ماراح احصلها وبعدين انا ماقلت ان الجمال بروحه شي اساسي في اخر كلامي تطرقت الا انه في شي اخر مهم ايضا وهو الدين والخلق

يعطيج العافيه اختي :29:

[أسيرة الشوق]

مشاركة: لماذا تبحث الفتاه عن الشاب الوسيم((الحلو))موضوع للنقاش

السلام عليكم
موضوع حلو الصراحه
الصراحه الجمال شي مهم يعني مب اهم شي بس بعد انتي بتعيشين معاه عمر ولو و الشي الثاني ترى مو بس البنات يدورن على شاب وسيم ترى حتى الشاب ما يبي الا بنت حلوه ولا اشرااااايكم ؟؟؟ بس طبعا مب لازم يكون ملك جمال العالم نو نو و الاهم جمال الروح والاخلاق ويكون واحد عنده دين ويخاف ربه بس بس وايد اتحجه مابي اطول عليكم
اختكم اسيرة الشوق

[زاجــ ZAJIL ــل]

مشاركة: لماذا تبحث الفتاه عن الشاب الوسيم((الحلو))موضوع للنقاش

تسلمون على المرور وشباب وشابات

ويعطيكم الف عافيه حبايبي

وانتظروا جديدي

[أحلا حبيب]

مشاركة: لماذا تبحث الفتاه عن الشاب الوسيم((الحلو))موضوع للنقاش

موضوع حلو والردود أحلى........
أنا عن نفسي لو قلتولي وش مواصفات البنت الي تبيها بقول ابي بنت معقولة الجمال الاخلاق عالية
الطاعة مية مية .....هذي الي ابيها

وبعدين البنات الى يدورون على الرجال الحلووووووووووو وش بيفيدها اذا كان نفسه خايسة وزفرة

وترا الجمال ما يدوم يعني كم سنة بيقعد عشر عشرين سنة بعدين بيسير شايب مخرف ونفسه خايسة بعد
وهذا الي عندي قلته والي ردو قبلي ماقصروا...........

شكراً زجووووووووول على المواضيع الفلة