إعـــــــلان

**أخاطب القمر** · 27-08-05, 07:21 AM

مشاركة: مللxملل

بسم الله الرحمن الرحيم

اول شي اشكرك اخوي مثير على الموضوع

انا اشوف ان الملل يجي اذا الواحد تعود على الروتين يعني

كل يوم تسوي نفس الاشياء ماتغير حاول تسوي لنفسك جدول وترفه عن نفسك

يعني لا تحكر نفسك بجدول بمعين كل يوم نفس الشي

هذي وجهه نظر شخصيه

ويعطيك العافيه

**مثـــ؟ـــير** · 27-08-05, 03:32 PM

مشاركة: مللxملل

الله يعافيك ومشكور على المرور

**أسيرة الشوق** · 27-08-05, 05:07 PM

مشاركة: مللxملل

صدقننننننييييييييي انه الملل احنا بروحنا نجيبه حق نفسنا ولا كل شي متوفر يعني مثلا لما نشوف نفسنا ما عندنا شغله وهاي الغالب نجابل النت والتلفزيون يوميا شلون ما تبينه نتملل يعني نفس ما قال خطوب الروتين وكل واحد في يده

**مثـــ؟ـــير** · 27-08-05, 07:12 PM

مشاركة: مللxملل

صح صح
مشكوره على المرور

**ريـ مدريديةـال** · 27-08-05, 09:21 PM

مشاركة: مللxملل

احس الواحد لازم يغير اهتمامته وهوايته من فترة لي فترة عشان ما يتملل ويجرب اي شي جديد ومفيد...اممم بعدين الواحد لازم يحسس هله انهم في حياته ويشغل نفسه بهم عشان ما يحس بهالفراغ ويهتم في كل واحد فيهم حتى لوهله ما علموه يقدر هو يتعلم هالشي ويعلمهم
تسلم اخوي مثير حاول تجرب هالشي وصدقني راح تحس بالتغير

**زاجــ ZAJIL ــل** · 27-08-05, 09:27 PM

مشاركة: مللxملل

اي والله احنا الملل انيبه لعمرنا ما نشغل عمرنا باشياء نستفيد منها

نو نفس الروتين انسويه كل يوم

يعني احنا مملين

وتسلمون على الموضوع

**مثـــ؟ـــير** · 28-08-05, 03:50 AM

مشاركة: مللxملل

مشكورين على المرور
ومشكوره اختي ريال مدريديه وانشالله اجرب

**عـصـفـوـوـوـر** · 30-08-05, 09:36 AM

مشاركة: مللxملل

المشاركة الأصلية بواسطة ريـ مدريديةـال

احس الواحد لازم يغير اهتمامته وهوايته من فترة لي فترة عشان ما يتملل ويجرب اي شي جديد ومفيد...اممم بعدين الواحد لازم يحسس هله انهم في حياته ويشغل نفسه بهم عشان ما يحس بهالفراغ ويهتم في كل واحد فيهم حتى لوهله ما علموه يقدر هو يتعلم هالشي ويعلمهم
تسلم اخوي مثير حاول تجرب هالشي وصدقني راح تحس بالتغير

كلمج ميه فالميه ^_^

لا تعليق نفس ما قالت المدريديه نغير هواياتنا

:67: المدارس على الأبواب والتشقح والترهيب من ادوارنا يالشباب

**مثـــ؟ـــير** · 02-09-05, 01:59 AM

مشاركة: مللxملل

مشكور على المرور اخوي

**الوطن** · 29-09-05, 07:08 PM

مشاركة: مللxملل

والله شوف اخوي المثير انت قلت الأوليين ماعندهم شيئ مب متملليييييييين واليوم هندهم كل شيئ ومتمللييييييييييين انا باببين لك الفرق .
1- الأوليييين عيالهم كانو يلعبون مع بعضهم في الفريج خبرك الألعاب القديمة مثل الدحروج والخشيشة ولعبة بوسبيت والقلينة والكورة كانوا يسمونها التمبة يعني كلها لعبة جماعية والبنات يلعبون الصقلة والقيس (( اذا لقيت صور لمثل هذه الألعاب بانزلها انشاء الله )) واذا حد عنده لايبخل علينا )) المهم
تلقى العيال مستانسين وكلهم في فريج واحد ويسولفون مع بعضهم البعض واذا راحو البيت كانت هناك الجدة والجد والأب والأم والعم والعمة يعني هذه الأسرة يسمونها أهل علم الأجتماع (( الأسرة الممتدة )) فكان الولد يتلقى أدب وتعليم وتسلية من جميع أفراد الأسرة الممتدة .
اذا حبيت تقرى بعض قصص الأوليين عليك بكتاب القصص الشعبي في الخليج بتعرف بعدين ليش مايتمللون اليهال والشباب ولايدرون عن الملل خصوصا الشباب يروحون مع ابهاتهم المجالس ويسمعون سوالف الرجال والأمثال اللي لها معنى .

2- اما الحين الأسرة صارت على ماسموها أهل علم الأجتماع (( الأسرة النواة )) واللي تتكون من الأب والأم والأبناء . (( ممكن ننضيف الخدامة والدريول هههههههه مزحةهذه)) المهم
وين الوقت اللي بيلقاه الأب علشان يجلس مع الولد وين الأم الوقت اللي بتلقاه مع ولدها اذا كانت تعود من الشغل تهبانه ويالله ادرسهم طبعا البعض وين يتعلم الولد القصص التربوية وين بيلعب الولد الألعاب اختلفت صارت الكترونية واللعب فيها فردي اوزوجي مع الأخ اللي كل يوم اطل في ويهه لا واللعب داخل البيت يعني حبس بعدين وين دور المجلس للشباب الحين المجالس كلها اذا مب اغلبها اللي يجونها يدخنون وين الواحد يودي عياله قدامهم علشان يتعلم منهم ؟؟

وهذا بعض ما أعرفه عن سالفة الملل (( الملل هو حالة نفسية تنتاب الأنسان اذا لم يشغل نفسه بشيئ يعود عليه بالنفع )) وكما قيل ( النفس أن لم تشغلها بخير شغلت بشر )

طولت عليكم بس الموضوع حقيقة وايد يشتكون منه وحبيت اساهم فيه

وسلام

**الوطن** · 29-09-05, 08:04 PM

مشاركة: مللxملل

هذا موقع للألعاب الشعبية في دولة الإمارات العربية المتحد وفيه بعض الشروح
http://www.uaearab.com/al3absh3bia/krabee.htm

هذا موقع يبين العاب شبيع من السعودية
http://www.alriyadh.com/s/04-12-2004...kafa_15342.php

وهذا موقع بعد في الامارات فيه الغاز شعبية مسلية
http://www.fedauae.net/trathyat.htm

وهذا فيه العاب شعبية جماعية ماعرف من وين بس من الخليج
www.almajedy.com
بس خلاص كفيت ووفيت

سلام