تعليم الاطفال الصغار

[الوطن]

السلام عليكم ورحمة الله وبركاته

بصراحة عندي احس ان اللي عنده عيال يعاني منها وهي
أن كيف نعلم ابنائنا الصيام اذا كانوا في عمر 6-7-8-9-10 والله بصراحة اعرف ناس يعانون من هذه المشكلة تكفون اللي عنده طريقة طيبة وجيدة ومجربها يقول لنا كيف وأكون لكم شاكر

سلام

[همس الليل]

مشاركة: تعليم الاطفال الصغار

السلام عليكم ورحمة الله وبركاته

اخو الوطن انت تبي تعلم عيالك على الصوم من هم صغار ؟هذا الي فهمته من السالفه

والي اشوفه أن اليهال يحبون يقلدون الكبار في كل شي هاي الي شفته من اخواني يقلدونا احنا الكبار حتى انهم بدو يصومون من عمر ال7سنين وكنا نقول لهم صوموا نص يوم لين وقت الغدا وتصدق ماكانو ياكلون اي شي لي وقت الفطور يقولون نبي ناكل ومعاكم.
فأذا الياهل من نفسه حاول يقلد لاتخرب عليه وخله يجرب ، اما الي تبيه انت تعوده وفتقدر تقول له شوف أخوك او ولد عمك الي حد في عمره وقاعد يصوم حشان يتحفز وتشجع على الصوم .
مادري كلامي نفعك في شي ولا لاء بس ان شاء الله هم من نفسهم بيحاولون يصومون
الله يهدي اعيالنا وعيال المسلمين.

[زاجــ ZAJIL ــل]

مشاركة: تعليم الاطفال الصغار

اهلين اخوي الوطن

احنا الصراحه علنا اخواني والكل يتبع هالطريقه

انخليه يفطر بس وماياكل شي الا لين الفطور وانا اظن اذا وصل عمره 8 خلاص بعد يتحمل لين 7 ممكن انخليه ياكل فطوره على اساس ما نصعب اموره من البدايه

حتى لو ما كمل صيامه بيصول على الساعه 4 بيوع خله ياكل لين ما يعود عمره او قوله اذا صمت اليوم معانا لك هديه بس اليوم

طبعا هو مراح يصدق وبيصوم
وعلمه اذا هو صام الله يحبه وبيروح الجنه الياهل عقله انظيف وممكن يسمع الكلام بسرعه


وبس سي يا

[الوطن]

مشاركة: تعليم الاطفال الصغار

مشكورين اخواني على المرور والردود الطيبة بس بصراحة جربت اكثر من طريقة صاموا أول يوم بس ثاني يوم طقعوا لي كلوا اشكره تعويض عن أمس ؟؟؟؟ ثالث يوم صارو ياكلون من وراي هههههههه

أبغي طريقة جديدة وحلوة ومشوقة للطفل ومجربة اذا ماعليكم أمر

سلام

[الأمورة]

مشاركة: تعليم الاطفال الصغار

أنا بنت إختي عمرها أربع سنين تفطر كل يوم معدا الجمعه والسبت تصوم علشان تتعود وطبعا تصوم هاليومين وهي مستانسة وااايد يوم الخميس كانت مستانسة وتقول بكرة الإجازة بصوم وإختي تقول لي إن أكثر شي يونسها السحور إذا جلست السحور يعني تحس إنا شي حلو وتأكد على أمها إنها تقعدها علشان تتسحر وتصلي الفجر وياهم أمس واليوم تقول إنها تبي تصوم وأمها تقول لها إنطري الجمعة علشان عندك إجازه تقدرين تصومين والله هي تصيح وتبي تصوم.
جرب بهالأسلوب وإن شاء الله بيتعودون
ولا تصير بخيل عقب المغرب والصلاة والأكل خذ عيالك الدكان كمكافئة إنهم صاموااا وطبعاً لين وديتهم عند جدتهم قول جدامهم إنه صام والأهل لازم يباركون له ويشجعونه ساعتها بيستانس ومن نفسه بيصوم ثاني يوم.
سوي مسابقة بينهم إلي يصوم الإسبوع كله كامل خصص له مكافائة مميزة جداً أعتقد في السنه الأولى لازم التحفيز ونشالله السنه الجايه من أول يوم لين آخر يوم وحاول تاخذهم المسجد في كل الصلاوات.
وطبعا وأهم شي كلمهم عن الثواب وشلون الله يحبهم لإنهم يصومون .