هل ذكر اسم الزوجه او الاخت او البنت عيب

[ريانة العود]

بسم الله الرحمن الرحيم




هذا الموضوع يتردد على بالي من فتره وحبيت انكم تشاركوني باراءكم ..



في ظاهره غريبه منتشره بشكل كبير وخاصه في مجتمعاتنا الخليجه ..

وهي ان الرجل لازم مايذكر اسم اخته او بنته او زوجته سواء اذا عند احد
من ربعه او عيال عمه او ....الخ ويعتبر ذكر اساميهم عيب او منكر ..



وحتى في الجوال .. تلاقونه يحفظ اسم زوجته بــ أم العيال او الاهل خوف من ان احد يقرا اسماءهم وينحط في موقف محرج..

وحتى مره وحده تسولف عن اخوها تقول انه يخلي ارقامهم بدون اسم

خوف ان احد من ربعه يقراهم .....


الي مستغربه منه ليش هالاعتقاد يسود عندنا ... مع ان الرسول صلى الله عليه وسلم ما كان يعتبره عيب .. وكان يذكر اسامي زوجاته وبناته رضي الله عنهن ... والحال مثله عند باقي الصحابه رضوان الله عليهم ..



اتمنى تشاركوني في الموضوع وتعطوني وجهات نظركم ..


اختكم :

ريانة العود

[بوشهد]

مشاركة: هل ذكر اسم الزوجه او الاخت او البنت عيب

يسلمو خيتو على الموضوع المهم

أنا أشوف السالفة مجرد عادات وتقاليد مالها دخل في تعاليم الإسلام، والظاهر مع مرور الوقت كل شي بيصير عادي، يعني مثلاً إحنا قبل ما نعرف اسم زوجة الأمير، والحين الكل يشوفها في المناسبات يعني القضية قضية وقت.

[نبض قلب]

مشاركة: هل ذكر اسم الزوجه او الاخت او البنت عيب

باسم الله الرحمن الرحيم اشكركِ أختي ريان العود على هذا الطرح وهذا الموضوع

المهم جدا والذي يهم الجميع والفتيات الاتي يهمهن الأمر...يعني أن ذكر الأخت أو

الأم كما تقولين أنه عيبا فباعتقادي أنه ليس كذلك وأن الرسول صلى الله عليه

وسلم"""فأنه يذكر زوجاته بين كل الناس وصحابيات يذكرن بين جمع الرجال بكل

مكان ولماذا لا يكون ذلك في أمرهن كذلك؟؟؟؟؟؟؟؟ ويجب أن ينظر الرجال في هذا

الأمر فالمرأة هي الأم والأم أذا ذكرت فأنها ترفع من شأن الرجل كما يرفع شأنه

الأب....مع تحياتي

[ريانة العود]

مشاركة: هل ذكر اسم الزوجه او الاخت او البنت عيب

اشكركم ع المرور وع المشاركه

مدام انه لاهو بعيب ولا هو بحرام مافيها شي بس مادري ليش الشباب يتنرفزون لما واحد يعرف اسم اخته او امه
في قصه صارت وسالفه طويله و اوصلت السالفه لا الضرب بس عشان اسم الام
االشباب كانوا قاعدين بالميلس الا واحد قال تعال ياولد فطوم الا الريال قفل عليه وخذه ع جنب قال له انت ماتستحي ع وجهك اتقول اسم امي جدام الشباب والا قام اضربه ضرب لين ماقال بس

اشدعوه لهدرجه !!! تفكير عجيب

صح يمكن هو متعلق بالعادات والتقاليد بس مو لهادرجه انه يعصبون ويتهاوشون بس انه الريايل عرف اسم الام او الاخت

[أسيرة الشوق]

مشاركة: هل ذكر اسم الزوجه او الاخت او البنت عيب

الســــــــلام عليكم

اشكرج اختي على اختيار الموضوع الحلو

الصراحه مادري ليش ..بس اعتقد الموضوع صار طبع من طبايع اهل الخليج
و يعني عشانها بنت مو لازم الشله كلها عارفه اسمها وانا بعد عندي احسن انه مو الكل يعرف اسمها بس هي من ناحية عيب وجي لا السالفه مو حرام ......الخ

وبس
عساج على القوه وتقبلي ردي البسيط

[ريـ مدريديةـال]

مشاركة: هل ذكر اسم الزوجه او الاخت او البنت عيب

تسلمين اختي ريانة العود على الموضوع...دام الشي مو حراااام ليش يفتشلون منه جدام ربعهم الأغلب يسوون جييه سواء يتكلم على التلفون معاها ما يحاول ما يقول اسمها عشان ما يسمعونه....

[ريانة العود]

مشاركة: هل ذكر اسم الزوجه او الاخت او البنت عيب

انتو تدروووون ان في الكويت هذا شي عاااادي عند اغلبهم ((موكلهم طبعا)) بس تخيلوا مره من المرات ريلي راح عند رفيجه كويتي كان عازمه يقول دخلنا صالت البيت وشوي الا اخته جات مدت ايدها وسلمت وامها وراها نفس الشي يقووووووول ماوعيت الا البنت اقعدت احذاي جنها وااااحد من الربع تسولف وتضحك وتكأ كأ يقوووول هذا شي عادي بالنسبه لهم



انا اقووووول ان ذكر اسم الام او اسم الاخت مافيها شي بس مووو لهالدرجه توصل خخخخ



ومشكورين عالرد ريال واسور

[أسيرة الشوق]

مشاركة: هل ذكر اسم الزوجه او الاخت او البنت عيب

لا لا هاي موضوع ثاني شياب الاسم حق طق الرفجه وين قاعدين

عاد هاي بروحه موضوع ثاني ريانو خلي عنج اي والله رفيج ابوي ياي قومي سلمي عليه وقعدي يمه خوووووش حجي

اقولج موقف يبن لج انه الكل تعود انه اسم البنت ما ينقال كل مكان وانا عندي احسن تحسين انه اللي ما يرضى يقول اسمها يداري عليها زود وانا يعجبني هالشي الغيره في حدود

المهم اخوي الصغير يلعب ويه ربعه لعبة اسم حيوان جماد المهم اختاروا حرف وهو كتب اسمي واسمي انا مو مالوف تموا يقولون له لا مافي اسم جي عاد هو ماراح يقولهم امبله اسم اختي يقولهم لا في وحده انا اعرفها اسمها جي مت ضحك عليه متعمد ما يقول انه اختي هههههههه

اسمحيلي على الاطاله واشكرج على الموضوع مره ثانيه

[ريانة العود]

مشاركة: هل ذكر اسم الزوجه او الاخت او البنت عيب

هههههههههه رقعها صح اخوووج ومشكوره عالرد حبوبه

[زاجــ ZAJIL ــل]

مشاركة: هل ذكر اسم الزوجه او الاخت او البنت عيب

وانا ليش رايح الكويت

لوووووووووووووول

قصدي يسلموووووو ريانه ع الموضوع

والاخوااان ماقصروا بالردود

اعتقد انها مسأله عادات وتقاليد مأخوذه من عند اهل الباديه

[ريانة العود]

مشاركة: هل ذكر اسم الزوجه او الاخت او البنت عيب

مشكور اخوي على رأيك واشكرك عالمرور

[بوشهد]

مشاركة: هل ذكر اسم الزوجه او الاخت او البنت عيب

إي صح من عند البادية

تخبر شكوس ذيج المرة النذل اللي قال اسم امك وخواتك في الشات؟
بس اسم أمك صج فلة مادري من وين مطلعينه خخخخخخخخخخخ

[ريانة العود]

مشاركة: هل ذكر اسم الزوجه او الاخت او البنت عيب

يعني واااجد اللي فيهم طبع اهل الباديه



توني ادري خخخ


انزين ماقلتوا لنا شصار في شكوس يوم قالوا اسم امه لوووول

[بوشهد]

مشاركة: هل ذكر اسم الزوجه او الاخت او البنت عيب

رفع حواجبه وقال حق ذاك النذل؟

تسوي نفسك ريال؟

[ريانة العود]

مشاركة: هل ذكر اسم الزوجه او الاخت او البنت عيب

ههههههه يعجبني شكوس بس ثاني مره نادووووني بفزع لكم :80: