تويت
السلام عليكم ورحمة الله وبركاته
شخباركم عساكم بخير...
الصراحه مادفعني لاختيار هذا الموضوع هي تجربه صارت لي من يومين تقريبا ... وخلتني استرجع احداث كنت اسمعها من زميلاتي وما اعطيها اي اهمية
موضوع السرقه ...
يمكن البعض يشوف انه الموضوع بعيد عن الواقع في الخليج لكن ما اتوقع انه احنا نقول معدوم ...
خلوني اقولكم هالموقف اللي صار لي ..
كنت طالعه ورايحه احدى المطاعم في الدوحه المهم دخلت الحمام اكرمكم الله عشان اغسل يدي و كنت داخله ارفع شعري بعد هءه المهم انا من النوع اللي تلبس خواتم في يدها مجرد دخلوي حطيت الشنطه والخاتمين على صوب بعد ما غسلت يدي خذت الشنطه و طلعت وانا قاعده خلنا نقول بعد 10 دقايق تقريبا استوعبت انه الخواتم مو في يدي رديت للحمام و دورت ومالقيتهم تفاجئت والله واستقربت .. قلت معقوله الحين في دقايق معدوده حد يدخل وراي و يلاقي وياخذهم على طول عاد انا تفائلت انه عطوهم لادارة المطعم سالت قالوا انه مالقوا شي ومحد عطاهم شي ... "بس خساره الخاتم هديه من رفيجتي هءه عشان جي حز في خاطري" و من بعدها استغربت ماكنت اتوقع انه لي هالدرجه في ناس اي شي يلقونه ياخذونه ومن هني قررت اني اشوف هل السرقه شي مازال موجود وبالهسرعه وبالهبساطه حتى لو الشي كان بسيط جدا .. و من هني بديت استرجع احداث منها حدث قالته لي احدى زميلاتي عن الشاب اللي نزل يصلي الجمعه ترك التلفون و البوك وكم الغرض بالسياره رجع بعد الصلاة والسياره مكسوره والاغراض مهي بموجوده
وكثير كثير من المواقف ..
ومن هني حابه اعرف
هل مازالت ظاهرة السرقة منتشره ؟؟
هل انتشارها بصورة كبيره او صغيره .. وهل تجدونها في اماكن معينه ؟
من وجهة نظركم السرقات اللي قاعده تصير هل تكون على ايدي الاجانب ام اهل البلد ؟
الحل من وجهة نظرك؟
وشو هو تصرفك في حالة انك تلقى شي مو لك سواء كان ثمين او لا؟
**طبعا الامثله اللي قدمتها كلها سرقات خلنا نسيمها بسيطه ويوميه يمكن لكنها مهما كان حجمها فهي بوقه ومال للواحد حق فيها ...
واي شي حاب تضيفه للموضوع ..اتمنى تشاركنا وجهة نظرك وعساكم على القوه
اختكم:أسيرة الشوق
تعليق