هل تتزوج وحده كنت على علاقه بها..

[جرووووح]

السلام عليكم .........
((اضع مابين اياديكم موضوع جديد للنقاش على وعسى ان يحوز اعجابكم وان ينال حقه من النقااش المفيد ..))
هل تتزوج وحدة كنت على علاقة فيها؟ سؤال للنقاش
الصراحه موضوع مهم وهو
هل تتزوج بنت تعرفت عليها عن طريق التليفون
وهاذي قصة حدثت فعلا
ودي أخذ ريكم فيه
محادثه هاتفيه بين بـــدر و خـــالد
نبدأ بالمحادثـــه
الووو هلا خـــالد أنا بدر
هلا خالد ... بدر : عندي موضوع بدي اكلمك فيه بخصوص بنت
وش رايك في البنت هاي تكلمني وتبي تتزوجني
البنت محترمة وماترضى تعمل اي غلط
خالد : اطيب ليش ما تتزوجها ؟؟
بدر : لانها رضت تكلمني
خالد : بس انت تقول انها محترمة وانت تعمقت معها؟
بدر : صحيح وهي محترمة جدا لكن..!!.
خالد : لكن شوه ؟
بدر : اكيد كلمت غيري لانها كلمتني !!
خالد : مب شرط !!
بدر : الا شرط
خالد : لكنك تكلمها من فترة طويلة ولما جا وقت الجد وقلنا زواج تهربت
بدر : صح لكن ....... عندي مبدا اللي كلمتني تكلم غيري وتخون ..!!
ويستمر الحديث الذي لا ينتهي .........
ايش رايكم انتوا يا شباب نتناقش بهذا الموضوع ...؟
هل ترضى ان تتزوجها ؟ وانتوا يا بنات كمان
ابقى ردود صريحة
ابقى اراء الجميع المجربين وغير المجربين..... منعا للاحراج
طبعا اراءكم بتفيد الكثير من البنات
والبنـــات مدعـــوات للمشاركـــة ايضـــا
هل ينجح هذا الزواج ...؟؟؟

ام ان الشك يسيطر على الطرفين؟

لاتتهربوا .. وجابووو على السؤال

تقبلو تحياتي

جرووووووووح

منقووول ...

[عابر سبيل]

رد: هل تتزوج وحده كنت على علاقه بها..

اولا الف شكر على الطرح الجميل والرائع وذكر قصة من واقعنا أختي

في البداية الكل يعرف الان هـ السوالف انتشرت في دول الخليج كثيرا ..

واصبحت من الامور العاديه ان شاب يكلم بنت ..

وفي هذه القصة انا اقول ان الولد غلطان ..

لان اذا انت ما ترضى تتزوج بنت كانت تكلمك على التلفون فتأكد ان مافي بنت راح تتنزوجك وانت كنت تكلم بنت على التلفون ..

وانا اقول للبنات والاولاد الابتعاد عن هذه السوالف ..

بس من وجهة نظري مافي مانع ان الواحد يكلم وحده على المسن او منتدى ..

ولكن كأخوه واذا عاش معها قصة حب ..

يتم فقط على المسن او المنتدى ولكن قبل لا يحبها يجوف اخلاقها وهي تجوف اخلاقه ..
وبعدين ما يقول خلاص انا لج وانتي لي ومن هالسوالف والبنت تبني عليه احلامها ..
واخر شي يطلع كذا ومنافق ويقول لها لا خلاص انا ما ابيج ولا احبج ..

ولكن الواحد يبتعد عن هــ السوالف احسن لهم


واشكرج مره ثانيه اختي على الموضوع الجميل والطرح الرائع

[جرووووح]

رد: هل تتزوج وحده كنت على علاقه بها..

حلووه وجه نضرك اخووي عابر سبيل بس ما اييدك في نقطه ..

((بس من وجهة نظري مافي مانع ان الواحد يكلم وحده على المسن او منتدى .. ))

ومشكوور ع المرووور

جرووووح

[بوشهد]

رد: هل تتزوج وحده كنت على علاقه بها..

أشكرك أخوي عابر سبيل على رأيك وهو يدل على عقلك الكبير إذا كان عمرك المكتوب في ملفك وهو 15 صحيح، ومثل ما قالت جروح ما نوافقك على عبارتك، والمثل يقول الباب اللي يجيك منه الريح سده واستريح.

[عابر سبيل]

رد: هل تتزوج وحده كنت على علاقه بها..

لا لاتخاف عمري صحيح ما ازور ههه
بصراحة اخوي انا قلت هـ الكلام من منطق واحد ..
هو التبادل بين الجنسين فما يكون االانسان معقد ..
في بعض الاوقات الي من غير جنسه هو الي يدليه على الصواب وتصير كثير ..
وانا موقصدي حب وبس لا طبعا انا اقصد اخوه او مزامله ..
وهذه وجهة نظري ..
وشكرا لكم

[جرووووح]

رد: هل تتزوج وحده كنت على علاقه بها..

حلو التفااعل
ومشكوورين ع المررور

جروووووووح