أحــبــك ( نعم ) .... أتـــزوجــك ( لا ) .. !!

[عابر سبيل]

ظاهرة منتشرة هذه الايام وتستحق منا .. وقفة صغيرة
لنتناقش فيها ...
لننـظر إلى هذه العبارة....

أحبك نعم، أتزوّجك لا !!!!

واعتقد انة كثير من البنات تعرضو لمثل هذى العبارة ودمرت حياتهم
ومااخص البنات فيها اكيد في شباب تعرضو لها مع انها نسبة قليلة
الآن جاء دور الاسئلة
واتمنى انكم تردون عليها بكل صراحه؟
- لو قالها لك من تحبه هل تستمر في حبه؟
- هل تؤمن بالحب بدون إطار الزواج الشرعي؟
- هل تعتقد أن من يقول مثل هذه العبارة قادر على الحب مئات المرات مادام لن يرتبط برباط الزواج أبداً؟
- ما رأيك في من يقول هذه العبارة إذا كانت ظروفه تسمح بالزواج فعلاً؟
- هل تعتقد أن الحب كعاطفة يقتلها الزواج؟
هل تستطيع ان تستحقر الطرف الأخر لدرجة أنك لا تريد أن ترتبط فيه إلى الأبد و في الوقت نفسه تحبه ؟


بانتظار مناقشاتكم وارائكم

مع العلم انه في اشياء منقووله
فقط للاستفاده

[ريانة العود]

رد: أحــبــك ( نعم ) .... أتـــزوجــك ( لا ) .. !!

اول شي حبيت اشكرك اخوي عابر على طرح هالموضوع ويسعدني اني اكون اول من شارك فيه من بد 5 ادخلوا عليه ولا ردوا ..
وهذي اجوبتي وبكل صراحه .. واتمنى ان محد يفهمني غلط ..


- لو قالها لك من تحبه هل تستمر في حبه؟
من ناحيتي انا بستمر بحبه لاني يوم حبيته صج اني تمنيته يكون نصيبي بس شي مهب بيدي وعلى قولتهم الحب من ربي يجي بلا اي اسباب ..


- هل تؤمن بالحب بدون إطار الزواج الشرعي؟
ايه اؤمن فيه لان بطبيعتنا احنا البنات ربي غرس فينا هالشي .. بس بحدود وبعدين الوحده والمفروض انها تحشم عمرها علشان ماتبلي عمرها باللي اقدر اسميه مصيبه .. اللي هو الحب قبل الزواج لان فعلا دمر حيات بنات .. تقول ماقدر اتزوج لاني احب وعندي امل انه بيحبني او ياخذني .. وطبعا كله اوهام ..


- ما رأيك في من يقول هذه العبارة إذا كانت ظروفه تسمح بالزواج فعلاً؟
اي ظروف هذي اللي يتكلم عنها .. ؟ الحين حتى الخدم يتزوجون .. وبعدين سبحانه وتعالى قال .. (( وما من دآبة في السماء او الارض الا على الله رزقها ))


- هل تعتقد أن من يقول مثل هذه العبارة قادر على الحب مئات المرات مادام لن يرتبط برباط الزواج أبداً؟
مهب شرط يمكن انه لقى انسانه تغنيه عن الحب .. ووده انه يتزوجها بس في راسه ان اللي خانت اهلها ممكن يجي يوم وتخونه .. وهو وشدراه ان هو اول واحد كلمته .. وغيره من هالكلام ..

- هل تعتقد أن الحب كعاطفة يقتلها الزواج؟
والله ماجربت علشان اقولك والله لايقول اجرب اني احب واحد واتزوج ..


-هل تستطيع ان تستحقر الطرف الأخر لدرجة أنك لا تريد أن ترتبط فيه إلى الأبد و في الوقت نفسه تحبه ؟
شلون استحقره واحبه في نفس الوقت .. ؟ مافهمت ..!!


يعطيك الف عافيه .. وننتظر باقي الاعضاء ..

لي رجعه ..

[الناعمه]

رد: أحــبــك ( نعم ) .... أتـــزوجــك ( لا ) .. !!

أولا أشكرك عابر على هالموضوع الرائع ..... وهاي أجوبتيه :-


- لو قالها لك من تحبه هل تستمر في حبه؟

بصراحه أنا ما أتحمل هالشي ...... عشان جي لو سمعتها من شخص أحبه بصراحه ببتعد عنه وبحاول أنساه ........ رغم إن هالشي صعب بس كرامتيه ما تسمحليه أستمر في حب شخص تخلى عنيه


- هل تؤمن بالحب بدون إطار الزواج الشرعي؟

بصراحه احنا البنات بطبعنا تحكمنا العواطف وقلبنا يسبق عقلنا في الحب ... عشان جي إذا حبينا نحاول نرسم في مخيلتنا نهاية سعيد لهالحب واللي أكيد تنتهي بزواج
بغض النظر عن الظروف

عموما لو بقول رايي الصريح .... فأنا ما آمن بالحب بدون زواج


- ما رأيك في من يقول هذه العبارة إذا كانت ظروفه تسمح بالزواج فعلاً؟

بيطيح من عينيه على طول ..... لأني بحسه شخص لعاب وكل همه يتسلى وبس


- هل تعتقد أن من يقول مثل هذه العبارة قادر على الحب مئات المرات مادام لن يرتبط برباط الزواج أبداً؟

أكيييييد ....... بيحب 100 مره بس إذا لقى حب صادق أعتقد إنه بيكمل نص دينه

- هل تعتقد أن الحب كعاطفة يقتلها الزواج؟

لا طبعا ............ الحب الصادق يتوج بالزواج


-هل تستطيع ان تستحقر الطرف الأخر لدرجة أنك لا تريد أن ترتبط فيه إلى الأبد و في الوقت نفسه تحبه ؟

أستحقره لاااااا ..... لأن اللي يحب حب صادق عمره ما يكره محبوبه مهما سوى
بس أكيد ببتعد عنه ...... ولسبب ثاني بعد .... عشان ما أتعب نفسيتي بكره شخص
ما يستاهل قلبيه


والسموووووووحه

[أسيرة الشوق]

رد: أحــبــك ( نعم ) .... أتـــزوجــك ( لا ) .. !!

بـــداية يعطيك العافيه اخوي عابر ع الموضوع الطيب وعساك ع القوه


- لو قالها لك من تحبه هل تستمر في حبه؟

استمر بحبه يعني كيف ؟؟ ممكن اكن له شعور معزه وغيرها لكن اذا مايبي الارتباط اكيد ماتكون بينا علاقه ...
- هل تؤمن بالحب بدون إطار الزواج الشرعي؟

يعني اذا واحد حب وحده قبل لايتزوجون ..هاي شي طبيعي وومكن يصير لكن مايتم على هالحال لانه الحب الصحيح نهايته زواج

- هل تعتقد أن من يقول مثل هذه العبارة قادر على الحب مئات المرات مادام لن يرتبط برباط الزواج أبداً؟

بدون شك ... يقول للبنت احبج ومايبي يرتبط فيها ممكن تصد عنه شالي يمنعه يقولها لغيره ؟؟ ولو كان هالحب الي تتكلم عنه صادق كان اختارو الارتباط هدف

- ما رأيك في من يقول هذه العبارة إذا كانت ظروفه تسمح بالزواج فعلاً؟

منافق مع نفسه ....واذا الضروف ماتسمح له شي يسمونه المحاوله .. مب عذر مقبول بالنسبه لي

- هل تعتقد أن الحب كعاطفة يقتلها الزواج؟

لا ابد ... ممكن تقل في بعض الاحيان.. لكن انا اشوف ومش من واقع تجربه او شي انه الحب بعد الزواج يدوم و يزيد اذا المراه والرجال اعرفوا كيف يحافظون عليه

هل تستطيع ان تستحقر الطرف الأخر لدرجة أنك لا تريد أن ترتبط فيه إلى الأبد و في الوقت نفسه تحبه ؟

تحبه وتستحقره..قمه في التناقض
لكن اذا صار انه تعز شخص معين وتستحقره ... معناه في شي غلط واحتمال كبير الي تكن له مو حب مجرد احترام ومعزه لا اكثر


في النهايه انا بالنسبه لي القاعده الصحيحه

الحـــب الحقــيقي يتـــوج بالـــزواج

ويعطيك العافيه مره ثانيه
تقبل مروري وردي ..والمسامحه ع الاطاله ...