... شـــبـــــاب ع الكيــــــف ...

[راعي الفزعات]

رد: ... شـــبـــــاب ع الكيــــــف ...

طلعوا الشبـاب متجهيـن الستــي
بالسيـاره عند ( خالد وجاسم وعبدالعزيز )
اللي يسوق عبدالعزيز وخالد جنبـه وجـاسم قاعد ورى
جاسم: أقول عزوز حط أغنيـه عدلـه ترى راسي انفجر من نوال الكويتيـه 24 ساعه نوال
عبدالعزيز : شعرفك انت بالفن وأهلـه حدك..أقول اهوااك تتكابر اقول انسااك تراضيني..خخخخخخخخ
خـالد وهو يضحك : هههههههههههههه لا تقعد تلمح مع ويهك
عبدالعزيز مات ضحك : هههههههههه زين بعد انك عارف روحك
خـالد وهو يتنهد : اااااااه القلب ومايريد
جاسم: ههههههههههههه قم زيـن ..قام يسوي روحه رومنسي ..(يكلم عبدالعزيز) حط راشد الماجد
عبدالعزيز : مااعندي له شريط بالسيــاره ..
خـالد : عيل مالكم الا الحريبي ..
عبدالعزيز ألتفت عليه ورجع طالع الطريج جدامه وقال : اقول ..مو ناقصين فضايح تبينا نوصل الستي
ويهك متنفخ من الصيااح ههههههههههههههههههههههههههههههه
جاسم فطس ضحك ورى
خـالد اللي تفشل وألوان قوس قزح طلعت بويها قال : طول ع الاغنيـه < يرقع حق روحه هههههههه

عبدالعزيز وهو يطول : والله اللي يتفشل مشكله ههههههه....

( خلنـا مني طمني عليك ما أنام الليل من خوفي عليك
أنت طيب وهذا هو اللي يهم انت طيب وغير هذا مايهم ....)


بالسيــاره الثـانيــه
عند ( أحمد , عبدالرحمن , علي,مبارك )

أحمد اللي يسوق ومبارك جنبـه
وعلى وعبدالرحمن ورى ..

مبــارك : سنــه لين نوصــل أسرع ياأخي
أحمد: ابي روحي مو بايعهــا هههههههه
مبـارك : تلاقي اللحين عزوز واللي معاه وصلوا واحنا نمشي على بيض هههههههههه
أحمد : ليش مارحت معاهم دام مو عاجبك الوضع ؟
مبارك : ماادري شضربني على راسي وخلاني اجي معاك
عبدالرحمــن لأحمد : حموود مر على دكـان قريب أبي كرت ..رصيدي زيروو ..
مبارك ألتفت عليـه وهو يقول : لا ياشيخ أحلف .. بنفسنا متأخرين بعد نمر دكاكين
عزت الله دخلنا الستي تالي اللـيل..
عـلي وهو يغمز له : أحسن بعــد ..
أحمد : أصلا ماكو دكان قريب منـا ..خلاص مابقى شي ونوصل الستــي .. يصير خير وأحنا راجعيـن
عبدالرحمن دخل جوال بمخبـاه وهو يقول : أوووف مالي حظ اليوم الظاهـر
مبارك وهو يضحك: أحتفظ برقمك لك ترى نص بنات الدوحه عرفـوه ههههههههههه
عبدالرحمن من دون نفس : هيهيهيهيهيهييههيه ذبحتني ضحك قمت أدمع من كثر الضحك .. اقضب لسانك لا
اقطعه لك ..مو متفيق لملاغتك ترى
.............

وطبعا بعد السوالف اللى صارت وهم بالسياره
اوصلوا خالد وجاسم وعبدالعزيز الستي قبل الشباب

خـالد وهو ينزل من السيـاره :شكلي عدل ..؟
عبدالعزيز وهو يسكر باب السيـاره : انت والقرد واحد ..
خالد بسخافه : عاااش اللي يمدح نفسـه اشكر حياتك عزوز تعترف انك قرد بعد
ماكنت اتوقع انك متواضع لهدرجـه
عبدالعزيز وهو يعدل غترته جدام دريشه السياره اللي عاكسه صورته ضحك على خبال رفيجـه
جاسم وهو يضحك : هههههههههه شباب مو ناقصين ملاغتكم هني ..ترى بيطيح سوقنا والسبه أسلوبكم
خـالد وهو رافع واحد من حواجبه : خليناك يا بو اسلوب مادري من فينا مطفش 4 والسبه أسلوبه اللي يغث
جـاسم تفشل وقال : شلونك ؟
عبدالعزيز وخالد ماتوا ضحك عليـه
عبدالعزيز طلع جواله وحط السماعه بأذنه وهو يقول : شرايكم جذي اجذب البنات جني مغناطيس ههههه
خـالد : بصراحـه طالع عجيييييييب ممكن الرقم ..
عبدالعزيز وهو يضحك : سجل عندك 535... والباقي ماتغير ههههههههه

دخلوا الشبـاب الستي بعد ماضبط روحه كل واحد فيهم

بالطـابق الثـانـي ..
خـالد لعبدالعزيز وجاسم : شباب .. شباب .. تشوفون اللي اشوفـه
جاسم : اشكر حياتهم .. ريحت عطرهم واصلتني هههههههه
عبدالعزيز اللي كان واقف بالنص بيين خالد وجاسم : عيلهم شبـاب .؟
خالد وجاسم : عليـــهم

راحوا أقعد ثلاثتهم بالطاوله المجابلـه البنـات ( 4 )
وطبعـا عبدالعزيز من يشوف بنات لازم يوزع ابتسامـات
جاسم بصوت شبه وااطي : سكر حلجك فضحتنا قاعد توزع ابتسامات تسوي دعايه معجون أسنان مع ويهك
عبدالعزيز قال وهو مازال مبتسم وعينه ع البنات : أنا مشغول اللحيـن ..
خالد اللي كان بالاساس معطي البنات ظهره
لانه عبدالعزيز وجاسم أحتلوا الكراسي اللي مجابلتهم ..: هـااا أروح أرقم انا
وله واحد منكم مستغني عند خده وده بكف هههههه
عبدالعزيز طالع خالد وهو يقول : هههههههههههه روح رقمهم انـت
خـالد ألتفـت عليهم ورجع طالع عبدالعزيز : ياخوفي اتوهق مع البطه اللي معاهم ( يقصد وحده ميته قاعده مع البنات)
جاسم يغمز له : توكل على الله وسم بالرحمن ومافي الا كل خير < خخخخخ
واذا تعقدت الامور انا وعزوز بالخدمه بس أنت عطنا نظره ونفزع لك

خـالد قام وراح صوب البنـات ..
كانوا اربع بنـات وحده منهم بعافيـه ( متينـه ) ولابسه نغاب ..
خالد ببتسامـه : مساء النور..
طالعوا البنـات وصدوا عنه ..
بس ردت عليه المتيـنه من دون نفس: وعليكم السلام << خخخخ
خالد : شلونكم ؟؟
الا المتينه تقول له : خير أخوي بغيـت شي ..
خالد اللي توهق بس بسرعه تمالك نفسه وقال : أنتوا تبون شي ؟؟ << ألعن ام الوهق ياشيخ هههه
المتينـه طالعته بنظرات حاده وكأنها بتقوم له
وقالت بصوت أشبه بالغضب وشبه عالي : ومن ناداك علشان تجي ترز ويهك ..هـاااا
تبيني أطلب لك الشرطه اللحين جااي تغااازل .. عمى بشكلك حتى عمى بشكلك قول اميـن
خـالد والابتسامه مازالت مرسومه ع ويهه :أفااا ليش الغلط اللحيـن
قامت وقفت المتينـه وهي تقول بصوت عالي ( فضحت الريال خخخ ) : بتفااااارج وله شلون ..
خـالد قام يبلع ريجه من الفشله وطالع عبدالعزيز وجاسم ( تعـالوا ..توهقت معاها )
الا يشوف عبدالعزيز قام ووراه جاسم متجهيـن صوبـه ..
خـالد أستانس ( صج انكم أحسن ربع ) ..

بس الصدمه انـهم مروا من صوبـه ولا كأنهم يعرفونـه ..<< نذااالـــه

المتينه ضربة خالد على جتفـه لدرجه انه رجع ريوس
( كسرت كتفه حشى مو بنت ) : هيييييييه انت اكلمك ولا أصمخ
خـالد طالعها وقال في قلبه ( هيين اوريكم صج انكم مو ربع )
: انا مو جاي لج ..انا جاي حق الخوات ( يأشر ع البنـات )
ألتفتت ع البنات المتينه وقال بغضب : اتعرفونه انتوا..؟
قالت وحده منهم :لا وووي وين أنعرفه ..احنا ويهني ويه هالاشكال..
خالد أستغرب من لهجتهـا : شقصدج ..
البنت وهي تعدل قذلتها اللي مطلعتهـا : سلامتك ...
خالد قعد يطالعهـا ..بنظرات تذبح ..
المتينه ألتفتت عليه وقالت : هييييييييييييييه انت ..تراك رفعت ضغطي شتبي أخلص ..
خـالد طنش لها وراح صوب البنت وقال : ممكن أعرف قصدج ؟
البنت اللي يبلفيت أستحت : أحنـا مانكلم شباب ..؟ توكل يالطيب
خـالد قالها الرقم : 5 *
المتينه من الحره اللي فيها ليش انه رقم رفيجتها ولا رقمها قالت : هي انت بو يمن ..أنا أكلمك ترد علي
خالد ألتفتت عليها و علامات الغضب على ويها : تكلميني ..؟
المتينه أخترعت لما شافته معصب قالت : لا تقعد تعقد حواجبك بويهي ترى والله لا أخلي نعالي يوقع على ويهك
خـالد طالع البنت وقال : هذي أختج
البنت بخجل : رفيجتي
خالد رجع طالع المتينه وقال : وانا اقول شجاب السماء عند الارض
المتينه : مو رقمتها يلا فارجنـا
خالد وصل حده منهـا : أذا بمشي بروح بكيفي ماباخذ أذا منج يالقـاره ..
المتينه :اقول يالمغازلجي فارج قبل لا تجيك الشنطه على ويهك أخلي ملامحك تختفي
خالد : اقول انا الغلطان اللي جاي اكلم وحده من أشكالج ..فمـان الله


راح عنهم خالد وهو شوي وبينفجر قال بقلبـه ( اللحين انا خالد تهيني وحده مثل هذي وجدام خل الله
مايسوى علي رقم بعطيهم أيــاه طلع علي اغلى من بيع السوق .. تذكر جاسم وعبدالعزيز
أمحق ربع والله حزت الشده مايعرفوني
أبتسم أبتسامه كلها خبث هيــن أنا بعلمكم شلون تعيدونهـا مره ثانيـه )

طلع جوالـه وأتصل علي عبدالعزيز ..
رد عليه عبدالعزيز ولا كأنه مسوي شي < خخخ : هلا والله براعي هالصوت
خالد : وين ذلفتوا ..؟
عبدالعزيز : أتصل علينـا حموود ورحنا نستقبله ع بوابه الستي < خخخخخ قويــه
خالد بدون تصديق : واللـه ؟
عبدالعزيز توهق وقال : وينك انت اللحيـن ؟
سكـر التلفون في ويـه

يتبـــع ..

[وردة قــطــر]

رد: ... شـــبـــــاب ع الكيــــــف ...

هههههههههههههههههههههههههههههههه

واناسه هالمتينه ههههههه

عليها مصطلحات رووعه

خلود شلون مايروحون ويخلونك مع العفريته ..!!!ههههههههههه

مايصير لاتقعد اتجزئ فيها << صج عذااب

انا ناطره التكمله

[راعي الفزعات]

رد: ... شـــبـــــاب ع الكيــــــف ...

ههههههههههههههههههههههههههههههههههههه
تسلميـن ع المرور وردووه ..

وبـ ع ـدين لازم أجزء علشـان أقيس النبض فيكم
يمكن ماتعجبكم بعض الاحداث
مو حلوه ارز لكم القصه مره وحده خخخ
جذي وايد زيـن خخخ

أنتظروا الجزء الثالث باجـر< أحلا شي حرق الاعصاب

[وردة قــطــر]

رد: ... شـــبـــــاب ع الكيــــــف ...

وانته خليت فينا نبض هههههههه

حط القصه اليوم ترى بذبحك هههههه

يعطيك العافيــه:)

[*أحاسيس الورد*]

رد: ... شـــبـــــاب ع الكيــــــف ...

ههههههههههههه فدييت ويهج وردووه استهبل ههههههههههه وااي انتي
ويالله رعووي ترى "فاض بي الكيل " يالله حطها اليوم خلني اسهر اقراها هههه
وعساك على القوه خيوو

[أسيرة الشوق]

رد: ... شـــبـــــاب ع الكيــــــف ...

لحووووول :(

وتاليتها..... كل ما اندمج تقطع حبل افكاري ^^

بس والله فله ....<<<< انا لازم ادلي هالمتينه هءهءهءه تعطيني كورساات لوووووول ... شكثرهم صدق جريئه هءهءهء بل عليها لول

يلا رعوي ابدعت والله ماشاء الله عليكـ تحس سوالف يوميه
ناطرين الباقي لا تلعوزنا ^^

وينهم ابطال القصه مالهم حس هءهءهء

<<<<لحد يطول ترى البنت بتتنرفز "الكلام لج ياجاره"

الا صج بنات انتوا شكو مدخلين روحكم بالسالفه غصب طيب "تخربون قصة الولد خلكم بعيد ههه"
يعطيك العافيه

[راعي الفزعات]

رد: ... شـــبـــــاب ع الكيــــــف ...

ههههههههههههههههههههههههههههه

تسلمون ع المرور
وأنتظروا التكلـه باجر بأذن اللـه ..
وعن الحنـه الزايده ..
ترى الحنه تقطع الرزق < شدخــــــــــــــــل من قلب خخخخ

[*أحاسيس الورد*]

رد: ... شـــبـــــاب ع الكيــــــف ...

الله ايهداك هديت المسلسل وجيت اقراها اخرتها بكره
ءءهء الله ايعين لين باجر
لا بس صج فنتووكه الدبه عجييبه والله تخيلت شكلها ههههه

[راعي الفزعات]

رد: ... شـــبـــــاب ع الكيــــــف ...

خالد بدون تصديق : واللـه ؟
عبدالعزيز توهق وقال : وينك انت اللحيـن ؟
سكـر التلفون في ويـه
عبدالعزيز لجاسم : شفيه هذا شكله من صج عصب .. عيل يبينا نفضح روحنا مع البطه ..
جاسم وهو يطالع واحد متجه صوبهم : كاهو شرف
خالد : سلاااام
أثنينهم ردوا السلام : وعليكم
خالد لجاسم وهو يقلد طريقه كلامه : *اذا تعقدت الامور انا وعزوز بالخدمه عطنا نظره ونفزع لك* أمحق فزعه
اللي فزعتوهـا لي توهقت مع البطه زين ما خلت اصابع يدهـا تعلم ع ويهي
جاسم وهو يضحك : هههههههههههههه المهم بشر عطيتهم الرقم ولـه لا ..
خالد ببتسامه فيها نوع من الخبث : أفاا عليك عطيتهـا رقم عزوز والدور والباقي عليك ..
أبشع وحده بنشوفها بالستي بقط عليها رقمك ..
جاسم قعد يضحك ..
عبدالعزيز : لااااااااا .. صج خلوود ؟.. غيرت رااي ماابيهم
خالد وهو يمشي : والله ما أشتغل عندك مره تبيهم ومره لا ..

........

في هاللحظه كانوا ( احمد, علي , عبدالرحمن , مبارك ) ..
كل واحد نفسه بخشمـه ..
مبارك وهو يرفس التاير بأقوى ماعنده : الله يلعــن ابليس واهله
عبدالرحمن اللي قاعد متحطم بالسيـاره : أوووووف أويوهكم نحس بصراحه ..
علي اللي نفسه واصله بخشمه : اقول انطم احسن لك لا اطلع حرت احمدوه فيك ..
أحمد اللي حاس يومه قرب : وانا شلي خص ...
ثلاثتهم بعصبيه : شلك خص ..
مبارك : لو انك مسرع شوي كان بنجر التاير بالستي مو هني < ألعن ام الذكاء خخخخ
أحمد بعصبيه خفيفه : لا والله علشان بدل مانوصل الستي نتسدح اربعتنا بالطوااري اليوم
عبدالرحمن يطل عليهم من دريشه السياره : أقول بدل هالصراخ ولغوه بدلوا التاااير بسرعـه ..

مبارك وعلي راحوا صوب عبدالرحمن ونزلوا من السياره ..

مبارك وهو ماسك عبدالرحمن من ثوبه: اقول لا تقعد تتفلسف علينـا لا احطك تحت التاير اللحيـن
عبدالرحمن وهو يوخر يد مبارك : هييييييه انت مستقوي اشوفك اليوم ترى مو انت بس اللي متأخر كلنا بالهوى سوى
أحمد : اقول لا تقعدون تتهاوشون هني بالشارع اذا وصلنا البيت يصير خير ..
عـلي وهو يطالع السياير اللي رايحه واللي جايـه : بنوقف تكسي ..( يلتفت على احمد )
يلا ورنـا شطارتك ووقف لنا دااهيــه ترجعنـا البيــت..

أحمد سمع الكلام ولا حاول يناقش علي بالموضوع
لانه عارف زواالــه لو فتح حلجه بحرف وراح يدور تكسي ...
وكل ماا مر عليه تكسي أشر لــه ..
وطبعا مطنشينــه التكــاسي محد لــه خلق يركب شباب معـاه خخخخ
وبعد ما طلعت روح ولما فطس من الحر وقف تكســي له ..

أحمد ألتفت عليهم وشافهم مندعسين ثلاثتهم بالسيــاره
لانهم ماتوا حــر وهم واقفيــن برى..
أحمد وهو متجه صوبهم قال بقلبه : ( قاعدين حظرتهم بالبرااد وقاطيني بالحر )
طق الدريشـه : لقيت تكسي نزلوا يلا ..
نزلوا كلهم وركبوا التكسي...

وعبدالرحمن اللي كان قاعد جدام عند راعي التكسي قاعد ويتحلطم ..
عبدالرحمن : والله لو اني رايح مع عزوز أبرك لي من مجابل وييهكم ..
مبـارك : اقول انجعم وفكنا من حنتك ..
عبدالرحمن ألتفتت عليـه وهو يقول : هييييه انت مااني يااهل عندك قاعد تجعم فيني من مسااعه لا تحدني اقوم لك اللحيــن
مبارك بصوت عالي وأشبه بالتحدي : لو تقول انك ريااال انزل لي وشوف < خخخخخخخخخخ
عبدالرحمن بصوت أعلى : ريااال غصبا عليك يــ .....
قاطعهم رااعي التكسي : شباب مافي سوي جنجال وااجد انا راسي في كبيييير صوت انتي وااجد عاالي ..
عبدالرحمن استعدل بقعدته وهو يقول : سوق سوق لا اطلع الحره فيك اللحيـن
راعي التكسي بغضب :مافي جنجال أنـا .. انا اللحين نزل انتي شارع روه ( روح ) ركبي تكسي واحد تاني
عبدالرحمن بغضب : لو تقول في أمك خير سوهـا ولا لا أنسيك الكلام العربي اللي حفظته ..
أحمد : عبدالرحمن خــلاص شفيــك
مبـارك بدون نفس : متسبب الاخ ..
عبدالرحمن لاحمد : سكت هالثور اللي جنبك لا أعلمه من يكون عبدالرحمن
مبـارك يسوي نفسـه ماسمع : شنو شنو عيد عيد ؟؟!!
أحمد بصوت عـالي : خــــلااااااااااااااص ..
علي اللي كان لاهي مع جواله يسمع النغمـات : حشى يهااال مو ريايــل اللحين كل هذا علشان مارحتوا الستي والله حاله ..
ألا جوال مبارك يرن
مبــارك بدون نفس : أاااالـــــــــــــوووو
خــالد : هلا بروووك أنتوا ويـن ؟؟..قاعدين ننطركم
مبــارك : احنا رااجعيـن البيــت اللحيــن
خـالد بستغرااب : ليييييش ؟؟ قااعدين ننطركم أحنــا
مبــارك : التــاير بنجر علينــا ركبنا تكسي وبنرجع البيــت
خـالد : أاأاأاأاأاأاأاأاحلــــــــــــف ..!!
مبــارك : ريال طول وعرض اجذب عليك ..
خالد بطنازه : حساافــه ههههههههه
مبــارك .: طوطوطوطوططوطوطوطوطوطوطوططووط < سكر بويهه ..

كـلهـا سـاعه ووصلـوا البيـت ..
..........

بالستــي عند خالد وعبدالعزيز وجـاسم ..
كانوا قاعدين بالمطعم ..

خـالد وهو يشرب عصيره : بعد ما ناكل وين بنروح ؟
جـاسم : ماادري واللـه .. نروح الالعـاب شرايكم ههههه
خالد وهو يضحك : هههههههههههههههههه والله فكره خل نعيش طفولتنـا < خخخخخخخخخخخ
عبدالعزيز وهو ميت ضحك: فيوزاتكم ضربت انتوا كل واحد صاك عمره الـ 22 تندعسون بـ ألعاب اليهال
جاسم : هههههههههه عادي شفيهـا ..في حريم كبار كل وحده بنغابها وعبايتها تندعس بـ ألعاب اليهال مع عيالهـا
عبدالعزيز وهو يضحك : هههههههههه ذولا حريم ..ماعليهم حرج
خالد اللي فطس ضحك : ههههههههههههههههههه واحنا شباب ماعلينـا حرج بعد
عبدالعزيز وهو يضحك : ههههههههههههه ناوين تفشلون روحكم أنتوا ..
خـالد وهو يوقف : يلا قوموا < عجبته الفكره خخخخخخخخخخ
جاسم قام وهو يقول لعبدالعزيز : ههههههههههههههه طيعنا والله ماتندم ..
عبدالعزيز يأس منهم : شوركم وهدايته اللـه ..

طلعوا من المطعم متجهيـن ألى الالعـاب..
وبعد طول عنــاء ( شدعوه قاعدين بصحراء خخ )وصلوا الالعـاب .
خالد وهو متردد : هونت مـابي أدخـل ..كله يهـال
عبدالعزيز وهو يسحب خالد من ثوبه : أدخل أدخـل مو تبي تعيش طفولته يلا شرف داخل..
خالد يرجع على وره : شفيك عزوز فشــــــــــــله
جاسم اللي دخل ولا همه : أذا خلصتوا مناقشه أنا داخل ..
عبدالعزيز لحق جاسم وهو يقول : اقعد احرس الألعاب هني واحنا بندخل هههههه
خالد لجاسم وعبدالعزيز : شباب تعالوا صج انكم ....( ولحقهم داخل )

جاسم وعينه تتفحص كل لعبه وتتنقل من لعبه لثـانيـه قال : بركب السياير .. < ههههههههههههااااااااى
خالد وعبدالعزيز وهم فاتحين عيونهم على كبرها بصوت واحد: سيــايــر ..!!!
جـاسم وهو يضحك : أي سياير ..

ونفذ اللي براسـه وراح يحاول يدخل باللعبـه
وخالد وعبدالعزيز فاطسين ضحك ..
خالد وهو يضرب عبدالعزيز بكتفه بالخفيف: أمش خل نطلع فشلنـا .. خخخخخ
عبدالعزيز : أمش أمش ههههههه

..........

بالبيــت ..
مبـارك وعلي قاعدين يلعبون بليس تيشن ..
وعبدالرحمن منسدح على الكرسي ويقلب بالمسجات اللي عنده بالجوال ..
أما أحمد فكـان دوره اليوم يطبخ العشـاء قاعد بالمطبخ

مبـارك وهو متحمس : أذا ماكسرت راسك تكسير ماكون برووك
علي وهو يضحك بسخريه : هاهاهاها اقول أحلم على قدك ..
مبارك اللي داش جو مع اللعبـه قال بحماس زاايد عن اللزوم : وخر هالقوطي اللي تسوق فيه ..
علي بحماااااااس اكبر: والله أنت اللي ملزززق قوطي الحليب بسيارتي

عبدالرحمن وعينه بالجوال : شباب عندكم مسج حلو جذي يحرك الاحاسيس..
علي طنش له ومبارك قال :أخذ مجله فواصل بتلقى مسجات شكـثـر
عبدالرحمن : وينهـا
مبـارك : مادري دورهـا
عبدالرحمن : عيزاااان ..

بالمطبخ عند أحمـد ..

أحمد قاعد يحوس بالمطبخ مو عارف شيسوي لهم شي يبلعونه
يفتح الثلاجه ويصكرهـا
يفتحها ويصكرهـا
يفتحها ويصكرها
موعارف شيسوي
ولمـا نفذ صبره فتحهـا وهو يقول
أحمد : والله بسوي سندويجات اللي يبي ياكل .. ياكل .. وااللي مايبي المطاعم تارسه الدوحـه
وبتدى يطلع المعدات اللي بيحتـاجهـا لعمل سندويج خخخخخخخخ..
كلهـا دقايق وسوى لهم كم سندويج ( مادري شلون بياكلونه خخخخخ) ..

وطلع لهم الصـاله وحط الصنيـه على الارض وهو يقول ..: يلا بسم اللـه
قام عبدالرحمن وجا بسط جنب أحمد ..وعلى ومبارك طفوا البليس تيشن وجوا بسطوا هم بعد..
مبـارك وهو يقلب بالسندويجه : شنو ذي ؟!!!
أحمد وهو ياكل : أحمد ربك ..غيرك مو لاقي أكل يسد به جوعـه
عبدالرحمن بتعجب : من صجك أنت تسمي هذا أكل ..؟!!!!!!
أحمد : والله هذي أقسى قدراتي أكثر من جذي ماعرف ..
علي اللي أكل شوي وحط السندويجه بقرف وهو يقول : أستغفر الله العظيم .. الله يلوع جبدك أحمدووه ..
أحمد بستغراب : شفيك أنت بعد ..؟
علي : البيض مو مستوي .. حتى بيض ماتعرف تطبخ ..
أحمد كمل أكله ( رغم انه ياكله بالغصب بس الجوع ومايسوي ) : اللي مو عاجبه عنده المطبخ وله تدرون شلون ناموا خفيفين واايد أحسـن .....

.......

يتــبــع

[راعي الفزعات]

رد: ... شـــبـــــاب ع الكيــــــف ...

( اليـوم راح أرحمكم شوي وأنزل لكم القصــه كاملــه عاد يبين بعينكم ..)
خخخ

رجعوا الشباب من الستي كل واحد منهلك وحالته يرثى لهـا حقا من التعب الشديد < عاشت اللغه العربيه هههه

مر الوقـت وجات السـاعه 12 ونص بالليـل
كل واحد منسدح بمكان بالصاله
اللي على الكرسي
وللي متربع على الارض
واللي منسدح تحت الكرسي < خخخخخخخخ أتغشمر
واللي جايب له كرسي من المطبخ ومرتز عليـه بنص الصـالـه
واللي واقف مو قادر يقعد ..خخخ
وكلهم عيونهم مركزه بمكـان واحد

شخص يسليهم طول الليـل ..
ويذبحهم ضحك كل يوم ضحكه شكـل ..

ألا وهو التلفزيون والفيديـو
كانوا توهم شارين مسرحيه لطارق العلي ينقال لها ( مايصح ألا الصحيح )
من 3 شهور مادري 5 جذي توها يديده ما صارت قديمه لحد اللحيـن < لاعت جبدهم من كثر ماشافوها هههههه
وللاسف المسرحيه خلصــت ..
وهم لين اللحيـن يضحكون < الظاهر ضربه فيوزاتهم ..

جاسم وهو منسدح على بطنه ع الارض : أقول برووك عيدهـا < متفرغ هههههههههههههههه
مبارك وهو يعيد الشريط : تامر أمر
خالد اللي مرتز بنص الصاله على الكرسي ويهزه ورى وجدام وروى وجدام قال : لاعت جبدي ما صارت غيروا شوي
عبدالعزيز قام وقف وهو يتمغط ويقول :آآآآآآآآآآآآآآآآآآآآآآآه( < يتمغط ترى ) تدرون شلون أنا بروح اقعد بالحوش اشم هوى < مو جنه توه راجع من الستي مخلص هوى الدوحه وبعد يبي يطلع خخخ
جاسم : ملل يا أخي ..
عبدالرحمن يبلفيت لقى فكره : لقيتها شرايكم اشغل شريط دقني ونرقص ونضحك ونغير جو ..
خالد وهو رافع واحد من حواجبه ( ومازال يهز بالكرسي ) : لا والله فيفي عبده جدام أحنـا .. لا تكفى بعد حزمني ... أكره الله هالويـه ..
مبارك : أي والله فكره حلوه حماني خل نرقص شفيهـا .. < استخف تالي الليل
عبدالعزيز : تبي ارقص أنت وشين الحلايه حماني عن نفسي أخلاقي ماتسمح لي بأني أرقص < عاش بو الاخلاق خخخ

[ طـــــاااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااخ ]

صوت قوي خلـ انظارهم كلها تتوجه صوبه حتى أحمد اللي كان غارق بسابع نومه وعى على صوت هالطيحـه
علي وهو ميت ضحك : هههههههههههههههههههههههههههههههههههههههههههه تستاهـل
خالد اللي كان طايح على ورى هو والكرسي رفس الكرسي بعيد وقعد وهو حاط يده على راسه من ورى وقال : أأأأأأأأأأأأأأأخ يعور < لا يدلدغ الظاهر خخخخخخخخخ
مبارك اللي فطس ضحك على منظر خالد وهو طايح قال : ههههههههههههههههه قوم قوم حفرت الارض سويت لنا بئر بالصاله ..
خالد قام وقف وراااسه مصدع من الطيحه : جب بس جب ..على بالك تضحك مع ويهك
أحمد بعبط : قوم خويلد عن الارض عورتهـا قامت تشكي منك
خالد منقهر ومفتشل بنفس الوقت < صار نكته عندهم ..
علي وهو يضحك : عسى ماتعورت بس ؟
خالد : يا شينكم لا قعدتوا تستهبلون تالي الليل
عبدالعزيز : رقع يبه رقع شوراك قص ولصق .. < شدخل
خالد بغضب : شقص وشلزق ورقه أنا ورقه
عبدالعزيز بلا مبالاه : يقولون ..
علي تدخل قبل لا تصير حرب البسوس بينهم ..: خلاص شباب يلا كل واحد يقوم ينظف الصاله نبي ننمـام بمكان نظيف < هههههههههههاااااااااى

المهم بعد ماتبادلوا نظرات التحدي خالد وعبدالعزيز ..
قاموا ينظفون ..

مايحتاي أوصف لكم شكل الصاله ..
قواطي بيبسي مني وقراطيس شبس منااك
وساعات محذوفه مني ومنااك ( مايحطونها بيدهم الا وقت الطلعه لزوم الكشخه خخخ )
ومجلات تارسه الكرسي ..
وأشرطت أغاني منثره جدام التلفزيون وفوق التلفزيون
وحب منثر حول المكان اللي كان قاعد فيه جاسم ..
وقراطيس كوافي منثره مابين أحمد وخالد ..
وكم قرطاس علوج طايح حول المكان اللي كان قاعد فيه عبدالعزيز
وغتره طايحه ع الارض مني وغتره منااك ..

( الحاله كسيفه صراحه )

بالعربي المكــان صاير زريبه ...
المهم قاموا الشباب وشدوا الهمه وبلشوا تنظيف ..
كلها ساعتين ونص << كل واحد يتحرك ع الحبه ونص <<<< دايخين يدورون الفراش مالهم خلق ينظفون خخخ
والصاله صارت نظييييييييييييييييييفه تلمع ..
وعبدالرحمن قاعد ع الكرسي
ويلعب بالساعه يفرها فوق ويرجع يمسكها

يفرها فوق ويرجع يمسكها

يفرها فوق ويرجع يمسكها

يفرها فوق ويرجع يمسكها

يفرها فوق ويرجع يمسكها

يفرها فوق ويرجع يمسكها

يفرها فوق و...


و تطير بالغلط على يبهت ( جبهت ) جاسم اللي كان ساهي مع جواله
وتحمر الدنيـا بعينه ومايبقى شيطان ماينط جدام ويها ..
على قولت أخوانا المصرين ( الشياطين الزرق تتنطط جدام ويه )
عبدالرحمن قام يبلع ريجه : آسف جسوم جات بالغلط ع يبهتك < هههههههههههههههههههههههههاااااااااااااااااااا ااااى
جاسم طالعه بنظرات وكأنه يبشره بقرب موعد زوالــه ..
عبدالرحمن ببتسامه مليانه توتر : جسوم شفيك قلنالك أسفين لا تحمق علينا عاد
جاسم أسودت الدنيـا بعينه ماقام يشوف جدامه غير عبدالرحمن على شكل ديايه < شدعوه رسوم خخخخخ
ويقوم له جاسم
عبدالرحمن وقف وهو يقول : جاسم صل ع النبي تراني حدي متكسر لا تتهور ..
جاسم ولا عبر كلام ولا عطاه أي اهميه وكمل مشيه صوب عبدالرحمن
عاد عبدالرحمن مو ناقص ينداس ببطنه اليوم ويشغل التوااير وماتبقى ورراااه ألا غبرته ويطلع برى البيـت
وجاسم وراه < توم وجيري حشى خخخخخخخخخخخ

راح عبدالرحمن ودخلت تحت سيارة عبدالعزيز لانها كبيره وتغطي شوي
وكفايه انه برى ظلام داااامس بلـ يالله تشوف يدك ..
جاسم والشرار يطير من عينه : حماني أطلع بالزين داام النفس عليك طيبه ..
( ما من مجيب ..!!!)
جاسم رجع عاد كلامه : عبدالرحمن أطلع لا ألعن والده والديك اللحيـن
عبدالرحمن تحت السياره بصوت واطي : تخسى الا انت < لو فيك خير أطلع له مو تسبه من بيعد لبعيد خخخخخخ
جاسم : اقسم بالله وأنا ولد أهلي لو ماتطلع لا تنام بالحوش اليوم ..
عبدالرحمن رفع راسه وضرب بالسياره ودقات قلبه زاادة لانه الصوت انسمع أكيد
( حشى مو جاسم االلي يلحقه هذا وحش )
جاسم سمع صوت ضربت راسه وراح صوب السياره
جاسم نزل وطل على عبدالرحمن وهو يقول : أطلع يالديايه .. يالخواف
عبدالرحمن: ماني خواف بس مابي اتكسر عظامتي توها طريه شفيك أنت < لا والله أحلف عاد هههههههههه
جاسم : أطلع وأنا اخلي عظامتك حديد
عبدالرحمن: ألا قول برادته حديد وأنت الصاج
جاسم : بتطلع وله أناديلك الربع ..
عبدالرحمن أستسلم : جسوم شوف بطلع بس يرحم والديك طقني بالخفيف ترى لو صار فيني شي فيها مؤبد لا تنسى ..
جاسم ببتسامه كلها خبث : أنت اطلع وبنشوف ..
)(
طلع عبدالرحمن لكنه ماطلع علشان ينطق ..
ألا طلع علشان ينحااش لكن مو كل مره تسلم الكره ..
مسك جاسم عبدالرحمن من ثوبه من ورى وقال : تعاال تعااال وين بتذلف ..
عبدالرحمن وهو متكتف : مو رايح مكان يلا أضرب .. أضرب ..مو فاضي لك عندي أشغال وايد غيرك خلصني يلا..<< مستعيل على رزقه خخخخخخخ

ألا أحمد يطل عليهم من باب الصاله : شباب تعالوا نبي ننام ..كبروا عقولكم شوي يهال أنتوا ؟؟

عبدالرحمن بغرور : قول حق صاحبك ..ملاحقني ملاحقك حشى ..غصب يضربني ( يكلم جاسم) يلا أضرب وفكني
جاسم هده وقال ببتسامه < مزاجه صعب الولد: خلاص مسامحك
عبدالرحمن: لا والله وشاق الحلج بعد طيحت قلبي بركبي من كثر الركض وتقول لي ( يقلد صوته ) خلاص مسامحك ..
جاسم : يلا عاد حماني المفروض أنا اللي أزعل مو أنت ..
عبدالرحمن : خلاص خلاص رضيت

لموووا بعض والابتسامه منتفه ويوهم تنتف << فلم هندي خخخخخ
وصلوا عند باب الصاله عبدالرحمن وجاسم ..
وقاعدين يتعازمون من يدخل أول << مشكله اللي توهم متراضيـن ..
وبنهايه قرروا يدخلون أثنينهم ..
فتحوا البـاب

و

[طــــــــــــــــــــــــااااااااااااااااااااااااا ااااااااااااااااااااااااااااااااخ بويهم]

عبدالرحمن اللي فتح عينه على كبرهـا قال : ولعنه أن شالله
جاسم بغضب : مخبل ذيلا ..؟؟
عبدالرحمن وهو يطق الباب بأقوى ماعنده : أفتحوااااااااااااا
جاسم وهو يرفس الباب : ترى والله مو وقته نبي نناااااااااااااااااااااااااااام

( محد رد عليهم .. )

جاسم : شبااااااااااااااب عن العبط ترى مو وقت غشمره الـساعه 2 ونص وين ننام بالحوش
عبدالرحمن تسند ع البـاب وقعد ع الارض : أووووووووف مو وقته كلللش
جاسم قعد جنبــه : شكلنـا بنــام هني اليوم
عبدالرحمن : الظااهر جذي ..

..النهــــايــــــه ..

[راعي الفزعات]

رد: ... شـــبـــــاب ع الكيــــــف ...

وسلامتكم ..< قايل شعر الظـاهر خخ

أخــــراج : واح ـد من الـربـ ع

هذي أول قصه لي أكتبهـا
وأذا هذي عجبتكم صج مثل ماتقولون الجـايــات أحلا ..

وقبل لا أنسـى ..
ترى عزوز وأحمدوه مساعديني بكم شغله بالقصــه ..
معطيني أفكار شوي ..
لانه جاتني أيام مخي نشف ع الاخر ..
وهم ماقصروا عطوني مواقف أكتبهـا بالقصـه ...


:53:
أخوكــم ...
راعي الفزعــات ..

[وردة قــطــر]

رد: ... شـــبـــــاب ع الكيــــــف ...

لااااااااااا حسافه خلصت القصه :37:

عجييييييبه رووووعه تحطيييييييم

احلى شي احمدوه يوم يسوي سندويجات كوووول عالاقل احسن من غيره حاول

صج صج عجيييبه والله

يعطيهم العافيــه والله خوش ربــع يساعدون مو نفس بعض الناس <<(دانــة قــطــر)

بس مره ثانيه خلود مو تنسانا حطنا بالقصه اليايه هههههههه

ويعطيك العافيه يامبــدع واتمنى اشوف ابداع قلمــك ويكون احلى واحلى وموفق انشالله

:)

[راعي الفزعات]

رد: ... شـــبـــــاب ع الكيــــــف ...

تسلميــن والله ورده ع المرور
والقصــه الجايـه مخطط أكتبهـا عن أعضـاء المنتدى ..
وأن شالله تعجبكم ..

[دلـggع قـطـر]

رد: ... شـــبـــــاب ع الكيــــــف ...




ياويلي ويلاهـ ياويلي ويلاهـ

<< انقلب بدوي الاخ خخخ

شي عجيـــب تحطيــم وهم تفجيـــر خخخخ

يعطيــــك العافيــه يا الطيب

وما قصرت على هذا المجهود

[راعي الفزعات]

رد: ... شـــبـــــاب ع الكيــــــف ...

لهـدرج ـه عاجبتك القصـه ..
لا لا أحرجتني يا أخي ..خخخخخ<< مصدق روحه

ههههههههههههههههههههههههههه
تسلم حبيب قلبي ع المرور
والله يعطيك ألف عـافيـه