قصه قطريه في منتهى الروعه ((احزان قلبي))

[الأمورة]

مشاركة: قصه قطريه في منتهى الروعه ((احزان قلبي))

أول شيء .. شكر خاص للمشرف لإنه ثبت القصة ..

ثاني شي .. بصراحة ما في كلمه تعبر عن روعة القصه .. أنا خلاص ما عاد أحتمل أكثر ..

اليوم دمعت عيني .. ويا الدموع إلي خانت ساره ....

في إنتظار البقية ..

[bnt aldo7a]

مشاركة: قصه قطريه في منتهى الروعه ((احزان قلبي))

مشكورين ع الرد

[bnt aldo7a]

مشاركة: قصه قطريه في منتهى الروعه ((احزان قلبي))

مشكورين ع الرد بس يمكن ماكمل القصه

انا باسافر

مع السلامه

[تكفيني الذكرى]

مشاركة: قصه قطريه في منتهى الروعه ((احزان قلبي))

العفوو اختي ..

وتروحين وترجعين بالسلامه ..

بس ننتظر الباقي اذا رجعتي ..

[bnt aldo7a]

مشاركة: قصه قطريه في منتهى الروعه ((احزان قلبي))

السلام عليكم انا اصراحه فكرت وقلت انزل التكمله الحين علشان مايكون علي ولا شي

التكــــــــــــــــــمله

لكـــــم ...الجـــــزء الرابـــــع عـشــــر

---------------------------------




في بيت بو بدر...العائله مجتمعه في الصاله..ويطالعون فلم كوميدي واللي يشرب بيبسي واللي يكسر حب واللي ياكل جبس..وفي وسط هالحوسه ..صوت الضحك الناتج من المواقف الكوميديه..كانت دانه في غرفة امها..قالت لها امها انها تبيها في موضوع...وعقب ماقالت لها الموضوع..طلعت من غرفة امها وهي شوي فرحاااانه لاخوها وزعلانه لردة فعله..

دانه : بدور امي تبيك
بدر يكلم اخته وعيونه على الشاشه : شتبي ؟
دانه : مادري...روح لها بسرعه
بدر : زين...راح لامه وقعدت دانه بمكانه وكملت اللي بقى لها من الفلم

بدر بعد ماشاف باب غرفة امه مفجوج..دخل بهدوء وشاف امه قاعده ع السرير وتستقبله باحلى ابتسامه
بدر : هلا يما...
ام بدر : ها يما شخبارك ؟
بدر : تمام الحمدلله...خير يما شسالفه ؟؟


ام بدر بابتسامه اذا مانرسمت بشفايفها بتنرسم في عيونها : ياوليدي..انت كبرت..واللي في عمرك..عندهم عيال ومكونين اسره
بدر شد الكرسي في احدى بقع الغرفه وحطه جدام امه وقعد عليه ورد عليها : شنو يعني..؟؟..يما انا صغير ..تحسبيني شايب..عمري 24
ام بدر : ههههههههههههه باجر بتصير 25
بدر بابتسامه : صح باجر..ذكرتيني
ام بدر بجديه : انزين يما..ماتبي تهد هالعيشه ؟
بدر بدهشه : شفيها عيشتي..؟؟
ام بدر : قصدي نمط حياتك..وتصير من عازب لزوج
بدر وجنه اكبر سطل ماي صابينه على راسه : زوووووووج ؟
ام بدر تهز راسها بايجاب : اي يما..خلاص ياوليدي بعد لي متى ...؟
بدر بتفكير : ومن...سعيدة الحظ ؟
ام بدر وقفت ومشت خطوتين : في هذي..(بثقــه).. لا تشيل هم..انا اخترتها لك..خوش بنت..اصيله
بدر يبلع ريجه بصعوبه ..غمض عينه وشاف عاشه فيها ورد فتحها مره ثانيه : يما..مابي اتزوج
ام بدر : ويه بدر شفيك عاد..بس همك نفسك وانا اللي يمكن اروح في اي ثانيه..وماشفت عيال عيالي
بدر وقف ومشى خطوه ورى امه وكله رجا :.الله يخليج لنا..يما سمعيني..ماقدر يما...ماقدر
ام بدر : ليش ؟
بدر : شنو ليش.._تدارك الموضوع وفي محاوله بالكذب_....يما...ماقدر اتخيل اني بتزوج..ماتهنيت في شبابي
ام بدر بحنـــه : هذا انتوا..ماتهنيت وماتهنيت ولما تصك الـ 30 قول..انا كبير ولا وحده بترضا فيني
بدر يحاول انه يبتسم..بس مايقدر يتخيل...امه مختاره له وحده غير اللي يبيها : غصب هووووو
ام بدر : لا..بس الظاهر انك تعاند..من سنتين وانا احن عليك انك اتزوج..
بدر حوس ببوزه ولسانه منربط
بدر : بس يما
ام بدر قاطعته وفي ثوره من ثوراتها الغير اعتياديه..نادر ماتعصب : لا بس ولا شياته..اسمعني..بتتزوج يعني بتتزوج وبتاخذ البنت اللي انا اخترتها لك..سامــع
بدر في لحظــة صدمه..لا بل نوبـــه..ينجبر انه يتزوج وياخذ وحده مايبيها : شنو يما انا بنت عشان تجبروني على الزواااج
ام بدر : لا والله اذا كنت بنت بتعنس ومحد بياخذك..اسمعني عدل..بتتزوج يعني بتتزوج..ولا تقول شبابي..اذا شيبت وتذكرت هالجمله..بتعرف انها مافادتك


بدر ماقدر يتم اكثر..لو تم بيقول كلام اكبر من اللي قاعد يصير بينه وبين امه..طلع من الغرفه وراح غرفته وصكر عليه الباب بقوووه هزت اساس البيت..عيل...على آخر زمن..امي تجبرني اني اتزوج...المشكله مب في الزواج..المشكله في الزوجه المستقبليه..قعد على السرير بتثاقل وهو عاجز انه يلقى شي يخلي امه تغير رايها في الموضوع..اوع الاقل تخليه ياخذ اللي يبيها..افففففففف...مسك راسه بيدينه وغمض عيونه وشد عليهم وهو يتذكر..عاشه..عاشه....عاااااشه....بترووووح مني..ليش يما ليش....؟؟

-------

بعد يومين من مرور هالحادثه..دانه ماخبرت احد بهالموضوع..ياربي افرح لاخوي لانه بيتزوج ولا احزن عليه لانه مابياخذ اللي...كنت مفكره انه يبيها..واللي يبيها..رفيجتي...لو درت شبيصير..؟؟...يارب استر..ودها لو اخوها يفرح وياخذ رفيجتها..ومنها رفيجتها تفرح..بس امها..كانت مصره وبشـــده

في هاليومين ماتغير شي..ساره واخوانها دوم يزورون ابوهم في المستشفى..وحالته تحولت من سئ الى اسوأ..محمد لما درا بالتغير اللي صار ماعطل وحجز تذكرتين له ولأبوه لمدينة الضباب..واليوم الرحله..والله يعين

-------

في المدرسه..وفي الفرصه

عاشه وهي تاكل من الفطيره..:غريبه..ماكلتوا اليوم..العاده انتي(تقصد دانه) وساره تخمون المقصف..بس اليوم رحمتوا البنات شوي..
لاحظت حقران ساره ودانه وسرحانهم..ربت بيدها على كتف ساره وهي تنادي باسمها : سروووووي
ساره انتبهمت : ها..
عاشه : وين رحتي..
ساره : ولا مكان.. بس بالي منشغل على ابوي..اليوم العصر طيارتهم..(قالت بتكشيره)مادري شبيصير
دانه اللي فكت الشرود : كل الخير ان شاءالله
عاشه : ان شاءالله..وانتي شفيج اليوم..ماهمج بطنج ؟
دانه : ههههههههههههه...فديت بطني بس اليوم اجازه..معلي ريجيم..

عاشه بادلتها الابتسامه..ودانه شفقت عليها..كلها ايام وتعرف بزواج بدر اللي بيحزنها..ماتصور انه بيفرحها ولا بجزء بسيط..حبت بدر بدون ماتحس..حتى هي نفسها يمكن مادرت بحبها له بس اللي حولها حسوا فيه من عظمه..ولو انه مخفي ورا الخجل..هي حبت بصمت..وبتحزن بصمت وبتبكي بصمت..وبدر المسكين المغصوب على شي مايبيه..آآه يابدر..حطت يدها تحت خدها ورجعت تفكر

----------

انتهى الدوام ورجعت ساره البيت..واول مادشت شافت الخدامه وسالتها بلهفه : محمد هني ؟؟
ميري : لا بابا موهمد روه موستشفى
ساره : زين ونايف ؟
ميري : نايف مافي جي..في شغل
ساره وهي تضحك على لهجة ميري الهنديه الخليجيه المكسره : هههههههههههههههه..زين نجبي لي الغدا بروح اصلي وبنزل
ميري وهي تهز راسها : ان شاءالله

صعدت الدري ودشت غرفتها وقطت الشنطه ع السرير..صلت وبدلت ملابسها وخذت عباتها وحطتها على يدها على اساس انها بتروح عند ابوها بعد الغدا..كل هذا في ظرف عشر دقايق..وصل فيهم نايف البيت..ولما طلعت من غرفتها شافته في وضع غريب..كان واقف عند التلفون..وسماعة التلفون في يده..وصوت انقطاع الخط مسموع..وعيونه مفتوحه ومسمره في الفراغ

ساره : اسم الله عليك نايف شفيك..؟؟
رفع عيونه لها..واول ماشافها طاحت سماعة التلفون من يده..وسالت دمعه من عيونه..وعجز لسانه عن اللفظ
ساره تروعت وقالت بخوف : نايف علمني شصاير...(قربت منه)..صاير شي..قووووول..تحجى...؟؟
نايف بشهقه : ا...بــو...ي
ساره وقلبها يدق : شفييييييه ؟
نايف بهمس : راااااح
ساره وهي تهز راسها بالنفي : لالالا..جذااااب..مب وقت المزح يانايف
نايف وهو يحط عيونه في عيونها : ياااااااليت لو كانت جذبه..وصدقتها
ساره وهي تشد على يده بقو : ودني المستشفى بسرعه..اكيد لخبطوا بين ابوي ومريض ثاني
نايف باستسلام : محمد اللي قالي ...
محمد قاله..يعني ابوها..صج راح..؟؟..: هذا بعد جذااااااب كلكم تجذوبون اعرف هذي لعبه من الاعيبكم اللي تلعبونها علي
نايف : بروح بتيين ؟؟
ساره لحقته : اي اكيد لازم اكتشف شنو الغلط اللي في السالفه
نايف التفت عليها ودمعته اللي نزلت من شوي جفـــت : ادعي له بالرحمه والمغفره..لا تسوين جذي
ساره ودموعها تخر من عيونها : ماقدر اصدق ماااااااقدر لانكم تجذبون علي..ماقدر والله ماقدر
نايف ولو ان اليأس مسيطر عليه لكن : لبسي عباتج خلينا نروح انتأكد
ساره لبست عباتها ولحقت نايف ع السياره


وصلوا المستشفى وساره كلها امل ان الخبر مايكون صحيح وان في لخبطه صايره او شي من هالقبيل..لان اذا كان الخبر صحيح..هي بتروح ورا ابوها

وهم يمشون في الممر شافوا محمد واقف عند غرفة بو محمد..واقف بحزن وعيونه تناظر الارض بحزن ودموعه في وضع الاستعداد للسقوط..بس مانزلت..ليش يادموعه ؟؟...

نايف : محمد
محمد التفت : همممم ؟
نايف وهو يراقب التذاكر اللي كانت في يد محمد : وين ابوي ؟
محمد وهو يأشر على باب الغرفه ويقول كلام متباعد ومتقطع : هني......داخل
ساره سبقت نايف ودخلت داخل وهااااااهي الصـــاعقه...اول مادخلت مشت خطوتين ولما رفعت عيونها وشافت..ابوها ..ع السرير..مغطى بلحاف ابيض من راسه لي ساسه ..وكأن النور يشع منه

راحت له بخطى خايفه وسريعه..وتكلمت : يبااااا...تكفى...لا تلعب معانا يبا...شل اللحاف عن ويهك...يبااااااا انا ساره اسمعني
نايف اللي كان واقف عند الباب : ان لله وانا اليه راجعون...(بدموع محبوسه)...رحت عنا بسرعه يايبا..ليش العيله...؟!
ساره بقلة صبر وبعصبيه وصوتها كل ماله ويعلا : يبااااااااااا مب وقته...خلاص عاد يباااااا...الله يخليك يباااااا
(شلت اللحاف عن ويهه وشافت عيونه مغمضه..لمست ويهه وكان بارد وجسمه ساكن عن الحركه)...هه...يباااا..تكفى قوم يبا...يباااا...ماقدر اتم بروحي يبا..ليش تخليني بروحي في هالدنياااا..(نزلت دموعها وقامت تكلم ابوها بطريقه هستيريه)...يبااا حرام عليك...ليش تسوي مثل ماسوت امي...ليييييييش تخلونا بروحنا ليش..قوووووم يبا..ولا اقولك..يبا خذنــــي معااااااااك
نايف تقطع قلبه وراح صوب اخته ومسكها من ذراعها : هدي ساره تعوذي من ابليس
ساره بصياااح : هد ايدي..يبااااا...مالي قعده هني...اذا رحت بروح معااااااك..يبااااااااا ليش ماتسمعني
نايف لما شاف اخته بدت تتحرك بجنون مسكها من يدينها بكل قوته
ساره وهي تحاول تفك نفسها من يدين نايف : هدني..هدنننننني نايف...يباااااا شوف نايف يايبااااااا قووووووم..(بدت تصيح بشهقات متتاليه وصوت متألم ظاهر من الاعماق..باستسلام تركت لنفسها العنان وطاحت ع الارض وهي تصيح وتطلع دموعها الساخنه الملتهبه المنقهره..مرتين يادنيا...؟؟..

نايف اللي كان ساجن ساره بين يدينه لما طاحت ع الارض طاح معاها ولما شاف دموعها.. نزلت دموعه بلا حاسيه..وقال بثقه وايمـــان : ادعي له بالرحمه والمغفره وان شاءالله كلنا بنشوفه في الجنه..لا تفكرين انه راح..ترى احنا بنلحقه..وان شاءالله في الجنـــه
طبلة ساره كانت تلقط كلام نايف رغماً عنها ووصلت الكلام لمخ ساره وساره قبلته باستسلام تام ..وهي تتمسك باخوها بكل قوتها عشان لا يروح اهو الثاني : ان شــاءالله

راح الوالــد..الغالي العزيز..اللي في يوم صار الام لساره ومحمد ونايف..كان معاهم خطوه بخطوه..وكان حاضر يوم ولادتهم وشوفتهم لنور الدنيا..فرح..وبكى..بس دموع فــرح...لكن الحال انقلب..صاروا عياله يهتمون فيه ويساعدونه في الصغيره والكبيره..وحضروا يوم وفاة ابوهم..وبكـــوا...دمــــوع حـــزن

----------

محمد اللي ماداوم اليوم وجهز اغراضه الصبح واغراض ابوه وخذ التذاكر وعلى المستشفى..في ذاك الوقت كان ابوه
حي...يكلمه ويسمعه ويتشاور معاه ويتحاورون...في ثانيه كان يكلم ابوه...وحس ان ابوه مب معاه..جاس يد ابوه وحسها ساكنه...شاف ابوه...لقى عيونه تناظره وهي مفتوحه..وكأنها كانت تودعه بس هو ماحس في ابوه..سمع صوت الاجهزه تصفر بازعاااج..دق قلبه بخوف وصرخ على السستر..لين مايوا له..وقاسوا نبض بو محمد وقالوا له : ..عظم الله اجرك
ماقدر يستحمل الصدمه..ضاقت فيه الدنيا..طلع وهو يهرب من هالخبر..وقف في الممر لثواني ونزلت دموعه بحزن وبألم..غطى ويهه مثل اليهال وصاح على فراق الوالد العزيز...مرت عشر دقايق...تذكر اخوانه واتصل لنايف الى ان وصلوا المستشفى
وصل الخبر لاخوان بو محمد ولأهله وربعه ومعارفه كلهم..وبدوا الناس يتكاثرون في العزا..الرياييل في بيت بو محمد..والحريم بعد..عليا مرت بو عيسى قامت بالواجب وكانها اخت المرحوم او بنته..كانت شايله المكان..وتجهز الشاي من هني..وتكلم هذي من هناك واذا قدرت تقرا شوي من القرآن الكريم..ساره اللي كانت موجوده معاهم وفي نفس الوقت كانها مب موجوده لانها كانت هاديه جدا وسرحانه ومخها بعيد والقرآن في يدها..ماقدرت تقرا شي لانها تتذكر ابوها وتنزل دموعها بصمت وتسرح من جديد..

دانه بنت اخو المرحوم كانت تساعد مرت عمها ولو ان الحزن مغيم في سماها بس تقوم وتساعد ولا انها تقعد وتصيح

بعد ماراحوا الحريم محد بقى الا دانه وامها ومرت عمها

ام بدر كانت تصلي العشا بهالوقت وام عيسى راحت تشوف ولدها واستغلت دانه هالشي وكلمت ساره : ساره لا تمين جذي حزينه ودموعج على خدج
ساره : ماتبين دموعي تنزل..؟؟...على فراق ابوي...المؤبد....؟؟
دانه : الله يرحمه..مو بس انتي الحزينه على فراقه ..كلنا زعلانين بس ندري ان القعده جذي بدون فايده بتزعل عمي ومابترضيه..لا تنسين انه قالنا ان عجلة الحياه تدووور..
ساره تذكرت الكلام اللي قاله لهم ابوها في ذاك اليوم :.................
دانه : زين...غسلي ويهج...وخشمج ترى صاير مثل الطمااااااااط
ساره بابتسامه باهته وهي تمسح على ويهها وخشمها : بروح اصلي
دانه بابتسامه : خذيني معاج

قاموا صلوا العشا ومانسوا بو محمد في الدعاء

------

[bnt aldo7a]

مشاركة: قصه قطريه في منتهى الروعه ((احزان قلبي))

الســـاعه 11:50

في بيت بو فيصل..الجو كان محزن بعض الشي...لان اليوم الفجر فيصل بيسافر وبيرجع لندن عشان يكمل الدراسه...في غرفته...والجو هادي..والدريشه مفتوحه والغرفه حاره والمكيف مسكر...كان يودع احلى ايامه في قطر..مع حبيبته اللي كان طيفها يمر عليه يومياً..كانت السبب في احلامه الجميله..كان يقوم من النوم وهو يكلمها بينه وبين نفسه ويقول...: صبــــاح الخير ياويه الخير يااحلى زوجه مستقبليه...ادري اني مينون واهاذي بس بيجي يوم وبقولج هالكلام...

وهو يكلم نفسه ويشوف النجمه اللي تلمع في السما

بروح وبرجع.....ياحبيبتي...يالغاليه...لا تنسينــي

خذ جواله وصوابعه كتبت كلمات لساره...كتب..((...اليوم رحلتي...ببعد ولكني برجع قريب...انتظريني...يالغاليه....ديري بالج على حالج....تصبحين على خير......))

برجع قريب...؟؟...والله اني اكبر جذااااااب في العالم...يمكن برجع قريب في نظر الناس..بس في نظري ويمكن في نظرج..مب راجع قريب....لان الثواني بتمر علي مثل مشية السلحفاة...والدقايق تمر علي ساعات...والساعات تمر ايام..والايام تمر شهوووور..باختصار..حياتي بعيد عنج بتكون...هلاك

خذ جواله وحطه في مخبا الجلابيه وطلع من الغرفه عشان يقضى مع هله آخر 3 ساعــات..

-------

في هالوقت ساره كانت بترقد..بس النوم بيهجرها اليوم...قامت من السرير وفتحت الابجوره..ناظرت الساعه اللي كانت ع الكوميدينو..شافتها 1..يعني اخوانها مارقدوا..اطلع اشوف من في الصاله احسن لي من هالقعده

فتحت باب غرفتها وازعجها نور الليت اللي في الصاله..وشافت اخوانها اثنينهم موجودين..!!!...غريبه..في العاده هم برع بس اليوم يمكن محد له بارض

ساره وهي تقعد بين اخوانها في الوسط : السلام عليكم
اثنينهم : وعليكم السلام
ساره : ليش مارقدتوا ؟؟
محمد : مافيني نوم
نايف بوجه عابس جنه شوي وبيصيح : وانا بعد
ساره بغشمره ثقيله على ثلاثتهم : ويه فديتك(تقصد نايف...مدت يدها لراسه وسحبته وخلته على جتفها)..نام يايما اذا تخاف تنام بروحك انا بنومك
محمد اللي صدق وبغيره حط راسه على جتفها الايسر : شنو بس هو ولدج ؟ بياخذج مني ؟
ساره : يعلني افدااااكم وانا من لي غيركم يايما ؟
وتذكرت شي...اليوم...: نيوووووف.كل عــــام وانت بخيــــر حبيبي
نايف بدهشه : اووووه..اليوم يوم ميلادي..نسيته تصدقون..مادري افرح ولا احزن....؟
ساره بتجاهل لآخر كلمتين : كبررررت ياخوي صار عمرك 21 ..
محمد : عقبال 99 سنه
نايف بضحكه طلعت من بين الاحزان والآهات والدموع : ههههه...الله يسلمك

نايف بتفكير :ممممم... في هالوقت ابوي يكون راقد
محمد وهو يمسح على عيونه : وانا اعطيه الدوا قبل لا يرقد
ساره وهي تحيط اخوانها بذراعينها بحب : الله يرحمه ويغمد روحه الجنه
الجميع : آآآآآمين
بعد لحظات صمت دارت بين نايف ومحمد وساره..حست ساره بان جتفها بينقص : وخروووا عني قالوا لكم بايعه جتوفي انا ؟
نايف اللي حس بالامان وهو قريب من اخته واخوه : مب قايم
محمد عيونه غمضت : وانا......بعد
ساره : اوووووه يالنحاسه..انزين ماما بابا شرايكم تشلون لحافكم واتييبونه غرفتي ؟؟؟؟
محمد فتح عيونه : والله فكره....قام على ريله وراح غرفته وشل لحافه
نايف اللي لا زال موطي راسه على جتف ساره : سروووي
ساره : هممممممم..عيون امك..آآآآمر...؟؟...
نايف بصراحه : انا ومحمد بننام عندج....عشان لا يروح الثالث منا...لانه اذا راح انا بموت
ساره وهي تغمض عيونها بشدة وهي تحبس دموعها..ماتبي تعطيهم الحريه في النزول : الله يخليكم...
محمد وهو في طريقه لغرفة ساره : ويخـــليــــج

ساره راحت غرفتها ولحقها نايف واستعدوا للنوم..ساره ع السرير..ومحمد ونايف ع الارض..طبعا محد فيهم غفت عيونه اول ماحط راسه..الاولى بدت تتذكر ايام اول بكل مافيها من حلو ومر وحامض..ومحمد كان يدعي لابوه..ونايف المتشائم بسبة شي..اليوم يوم ميلاده..يوم وفاة ابوه...مااصعب هالشي..شهاليوم..فيه نذاله..يبيني افرح يوم وفاة ابوي..(بآآآهه حس فيها محمد)..آآآه يايبه..خذ عمري اللي بعيشه..وعطني موتك...ولا انك تتركنا وحيدين..يتامــى..طرا على باله بيت من قصيدة (مرثية ام ) لبندر الرشود..

والله لولا الخوووف من ربي وكرهي للذنوب
كان اقول ان التراااااب ابعد عليك من النجووم

....وعشان مايفكر اكثر...بدا يسبح ويكبر ويوحد لين ماغفت عيونه...

---------

في اليوم الثاني ..
الصبــــاح
الساعه 9 وفي حديقة البيت الخلفيه..الواسعه..الخضرا..فيها كل مايمتع الناظر ويسره..كان قاعد نايف تحت مظله شمسيه ولابس نظاره شمسيه وعيونه من تحتها تناظر الفراغ

الا بساره يايه صوبه : صباح الخير
نايف : صباح النور..كيف اصبحتي اختي الحبيبه ؟
ساره وهي تقعد على احدى الكراسي..وهي لين الحين بالبيجامه الا انها كانت معجفه شعرها وحاطته على جنب : الحمـــدلله..وانت..؟؟
نايف اللي تعقد : احمد الله واشكره اني قمت من النوم حــي..وصاحي ومعافى

وكانه يحس ان الموت يخطف احد منهم..يوماً بعد يوم...ياترى...من في الطريـــــق..؟؟..

ساره استغربت..: الحمدلله..ليش مارحت الدوام ؟
نايف وهو ياخذ ورده من المزهريه المحطوطه في قلب الطاوله: نفس السبب اللي خلاج ماتروحين المدرسه..
ساره وهي تحط كوعها على الطاوله وتسند كفها براحه تحت خدها : آآهااااااا..ومحمد ؟
نايف : في الدوااام..
ساره خذت نفس عميق وخذت معاه ريحة الزهور والشجر..تجدد الهوا اللي في رئتيها وتطلع ثاني اوكسيد الكربون
نايف مد ايده لساره وعطاها الورده..وبابتسامه : لأحلــى ورده..
ساره خذت الورده وهي ترد الابتسامه لاخوها : شعندك اخي العزيز ؟؟...
نايف : ولا شي..ماقدرت امسك نفسي وانا اشوف ورده حمره متفتحه وريحتها تنشم من بعد امتار..قلت اهديها للورده الذبلانه
ساره بزعل وهي تحط الورده بعيد عنها : اخس عليـــك
نايف : ههههههههههههههه..لا يكون الورده زعلت..؟؟...(خذ الورده من محل ماهي حطتها)..زين مني معطيج ياهااا بعد
ساره وهي ماده البرطم : جان عطيتها حبيبتك المخفيه..
نايف تضايق من (حبيبتك المخفيه)..ليش..؟؟ لازم الانسان اذا حب يظهر مشاعره ويعلنها على الملأ.؟؟.. رجع لها الورده : عطيتها بس هي ماتبيها..
ساره ..تذكرت للحظه ذاك اليوم...اللي شافت فيه الورد قدام الباب..وعليه احلى كلمات..من حبيبها..اللي ماتعرف شخباره الحين..ياترى شيسوي...؟؟....
نايف : هيييييييييه..وين رحتي
ساره انتبهت : ها..معاك
نايف بغشمره : اللي ماخذ عقلج يتهنااا به
ساره رفعت حاجب : ماغيرك يااخي العزيز اللي ماخذ عقلي..آآآخ من شعرك الطويل..معذبني
نايف بحسره : بس بس من كثر ماتحبين شعري ترى اليوم باقصه
ساره : لالالالا..لااااا تقووووووول..زين قول حق الحلاق يحط شعرط في صندوق واحتفظ فيه عندك
نايف بقهر : مالت عليج عطيني الورده اشووووف
ساره ماعطته وقطعت الورده من النص وحطتها عن اذنها..ومع اختلاط لون بشرتها البيضه ولون الورده الحمره ولون عيونها الغامجه ورموشها الكثيفه..ومع تضاد الالوان..طلعت روعـــــه
نايف بتمثيل كانه هيمان فيها : ويلي على هالقمر..اي قمر اصلا القمر كله حفر وحصى..اصلا الشمس بكبرها نازله عندي اليوم وقاعده عندي حرقتني بجمالها الاخاذ
ساره : هههههههههههههههه

-------------

العصـــر
رجع محمد البيت وجسمه مكسر وحيله منهد والتعب باين على محياه والعيون محمره من التعب

محمد وهو يقعد على القنفه براحه بعد يوم شاق من التعب المستمر..راح الدوام اليوم وماقعد في البيت مثل اخوانه..مب عشان شي ولا لانه يموت في الشغل..السبب الاول هو الهــروب من شبح الموت..والهـــروب من التفكير..والسبب الثاني..لانه ماقدر يرقد عدل كل مايقوم يتذكر امه وابوه وفي وقت صلاة الفجر صلى ورجع يبي يرقد..ماقول انه مارقد..رقد لكن نوم متقطــع..لدرجه انه قام 6 الصبح وراح صوب غرفة ابوه ..فتح الباب وشاف السرير مرتب ومحد نايم عليه ....على باله انه بيلقى ابوه واعي وينتظره يقعد معاه قبل لا يروح الدوام..لكن...الله يرحمه.....

قعد على القنفه قريب من اخته ساره وهو يتنهد من الثقل الجاثم على صدره : شلوونج ؟
ساره وهي تدقق في ويهه : عايشه الحمدلله...انت شلونك..؟؟..
محمد : طيب
ساره : امممممممم شكلك مارقدت عدل اليوم..شسوي فيكم الا تنامون عندي وتكسرون ظهوركم من النومه ع الارض
محمد بابتسامه لاخته : لا والله بالعكس غرفتج تينن بس..الجــو النفسي ماكان يساعد وبعدين نيوف اخوج ذبحني..مره اقوم واشوف ريله في بطني ومره اقوم واشوف صبعه في حلجي..يعني صراحـــــه..ماخلاني ارقد
ساره : ههههههههههههههههههه.. انت من النوع اللي مايتقلب صح ؟؟
محمد غمض عيونه: ومن كثر ما انا راكز حتى اللحاف تلقينه مثل ماهو مايبيله ترتيب
ساره : ياحظ مرتك مابتتعب معاك
فتح عين وحده وطالع ساره : من قلتي ؟؟
ساره وهي تطالع اخوها ببراءه طفوليه : مرتك
محمد اللي حس بشي في بطنه..يمكن من اليوع..؟؟..زين واللي حس به في قلبه..؟؟..يمكن من الشوق للحبيب اللي غاب عنه ايام : ايــه قلتي لي..مرتي !!
ساره لاحظت ان محمد ضايع شافته بطرف عيونها وقالت له : امممم..انزين انا بروح غرفتي وانت روح ارقد..ســـامع
محمد : ان شاءالله يماااااا

بعد مابتعدت عن الصاله وعن اخوها وفي طريقها للدري ضحكت على اخوها بسلسله من الضحكات المتواصله المستمره وعلى منظره المضحك.. الى ان وصلت لغرفتها..ولما دخلتها حست بضيق..يمكن عشان الجو الخارجي او..النفسي..فتحت الدريشه وخلت الغرفه تتهوا شافت جوالها طايح على الكوميدينو بلا اهتمام..هي سكرته اول امس وماحست فيه..قعدت على السرير وهي تتنهد..فتحت الجـــوال...مكالمتين لم يرد عليها..من عاشه..و رساله وحده...

فتحت المسج وهي تحوس ببوزها..اكيد مسج من المسجات المعروفه..يالله معلي خل نشوف شمطرشينلي آخرتها بيتطرش حق جوال دنوي...وهي تتكلم مالاحظت رقم المرسل بس قرت الكلام..

وها هي..تنصـــــدم..من جـــديــد..ولكن ليس بموت..بل برحيـــــــل

وهي تقرا..شلت اطرافها..شفايقها اللي كانت تتحلطم من شوي..وقفت عن الهمس..وقلبها..يحـــاول انه يستوعب هالصدمه..او الطامه..((...رحلتي اليوم...))...اليوم...؟؟...شافت تاريخ ارسال المسج..امس ؟؟....يعني..خلاص..مافي امل..سااااااافر..اثنين راحوا عنها في نفس اليوم..؟؟..ياربي انا شسويت في حياتي عشان القى هذا كله؟؟؟
ارتعشت يدها وارتجف جسمها لحظه ماقرت...
((..... ببعد ولكني برجع قريب...انتظريني...يالغاليه....ديري بالج على حالج....تصبحين على خير......))

انتظر..؟؟..وشكثر بنتظر..بتطول المده يعني..؟؟ بيغيب عنها شهوووور..؟؟..
رمت الجوال على المساحه الباقيه من السرير بغير تصديق..تكورت على روحها وشهقاتها طلعت..دفنت راسها بحضنها بألم وبحـزن وبوجع..ودموعها تدعي لفيصل انه يكون بخير وين ماكان..وبصرخات تتساءل..:..ليش انا بالذات ياربي..ليش كل ماحسيت ان الدنيا بخير رجعت احزانها علي..بس ترد علي بشنو..؟؟...برحيل شخص غالي..وبموت شخص اغلى واغلى..!!!!!!


---------

رجعة ذاكرتها لذاك اليوم..يوم وفاة عمها..مروا اسبوعين..ولما داومت وعرفت ان ساره غايبه..ماستغربت من غيابها عن المدرسه..وماكانت بتسغرب اذا غابت الاسبوع بطوله..بس هي داومت وماحاولت تغيب اكثر من يوم واحد..وصارت تذبح نفسها بالدراسه والواجبات والانشطه والابحاث..معروفه انها تاكل الكتب بس مو لهالدرجه..صارت تاكل القلم بعد !!..الحزن يسوي اكثر ياساره

وهي تفكر حست بشي لونه بني او اسود يمر صوبها..شافت الشي..الا بزهيييييووووووي
دانه : شنوووووو ؟؟ زهييييييييوي في صالة بيتنا..(قامت وهي تفكر بسرعه هستيريه )..وييييييين الفليت..ويـــــــــن..(راحت صوب المطبخ الداخلي ودورت في الكبتات وشافت الفليت خذته وركييييض صوب الصاله)...ويييييينك..ياحمااااار(حولت الحشره الى حيوان!!)..(شافته ولحقته من مكان لي مكان ولما وصلت له رشت عليه 3 رشاااات ومااااااات)...اوووووف..واخيراً..مت مابغيت تموت يااااخي..

بغبااااااء وهي ترفع الفليت وكانها تسوي اعلان : احـــسن فليت في العالم قاااااااتل الزهيويه والبريعصيه وكل مايخطر على بالكم..هههههههههههههه..اشتررروه الآآآآآآآن..

سمعت حد يصفق..التفتت وشافت بدر واقف عند العمود الاثري الديزاين : واوو..براااااافو
دانه تخصرت : تضحك علي..لازم تمدحننننني اول مره اذبح زهيوي بنفسي
بدر وهو يمشى صوبها : لالا صـــراحه..معجزززه
دانه حطت الفليت على الرف اللي عند التلفزيون وقعدت عند اخوها : ماعلينا من هالزهيوي الخايس..الاااااا ماقلت لي..شخباااارك ؟؟
بدر اللي بين عليه التعب من سهر الليالي والتفكير في المستقبل : تمام الحمدلله
دانه : اي مبين من الهالات السود والصداع اللي ماهدك..مبين انك تمام !!
بدر بابتسامه مقتوله : الحمدلله على كل حال
دانه : انزين..وبعدين يعني..مايصير تاخذ وحده ماتعرف شسمها !!
بدر اللي مايبي يعرف شسم البنت ولا عمرها ولا يبي يشوف خيالها : مابي اعرف
دانه : بس مااايصير..
بدر بتهرب : بعدين
دانه : وييييه في ريال بيتزوج يقول قولوا لي اسم مرتي بعدين !!
بدر : يااختي مابي اعرفها
دانه اللي تعرف اخوها ليش متضايق : صدقني بتستااانس لمن تعرف
بدر بسخريه : ومن بتكون ياحظي..بريتني ولا كرستينااااا ؟؟
دانه : هههههههااااااي هذول مايسون ظفرها
بدر :.............
دانه : اسمع..تراك مصختها في واحد بيتزوج ومايعرف شي عن اللي بياخذها..لا والله ماصارت..وانا بقول وماعلي منك
بدر : زين..من تكون تعيسة الحــظ اللي بتاخذ واحد مايبيها وفي باله وحده ثانيه ؟
دانه وهي تشوف لحية بدر اللي نمت : انت الخسران
بدر وهو يحك ذقنه : لحيتي كيفي بطولها لي بطني عندج مانع ؟
دانه : ههههههههههههههه..بس صج بقول اسمها..اسمـ........


قطع حديث دانه المهم مع اخوها صوت التلفون..شلت السماعه وهي تتأفف من قلب..: الوووووو
ساره : هلاااا والله ببنت عمي
دانه وهي تأشر لبدر انه مايقوم : هلا فيج سويره..الزبده كويكلي بليز ؟؟
ساره : الله يسامحج طرده هذي !!..زين ابيج اتيين عندي اليوم ان امكن يعني ان امكن ؟؟
دانه : افاااا عليج كلها نص ساعه وانا عندج..يالله بباااااااي
ساره : صبــري
دانه ماعطتها فرصه : بباااااي اورفوواااار اشوفج بعد نص ساعه

سكرت الخط والتفتت عشان تكلم اخوها..مااااااالقته لانه شرد..ماتبي تعرف اسمها انت الخسران بعدين لا تقول ليش ماقلتوا لي وليش وليش وليش..بس معليه..اتعب واذبح عمرك ومرض نفسك وفي النهااااايه ..كل اللي سويته بينقلب ضدك..راحت غرفتها بدلت ملابسها..وعلى طول كلمت الدريول والخدامه عشان يوصلونها بيت عمها كلهم اربع شوارع وتوصل..

---------

[bnt aldo7a]

مشاركة: قصه قطريه في منتهى الروعه ((احزان قلبي))

الساعه 5..في هالوقت من عادة نايف انه يروح النادي المشترك فيه لانه يعشق شي اسمه(كرة طــائره)..جسمه مساعد على هالشي لانه طويل نوعاً ما ورشيق وله عضلات خفيفه مو لي هناك..بدل ملابسه ولبس اللبس الخاص لهاللعبه..حط الكاب على راسه وخذ شنطته اللي ملاها بالاشيا اللي يحتاجها...

نزل تحت ودارت عيونه في البيت..مشى في الممر اللي يؤدي الى المطبخ..وهالممر راقي ..فيه ليتات اثريه تاريخيه الديزاين معلقه على الطوف..وبينهم لوحة من لوحات ساره..راسمه سلة فواكه..وقف يناظر اللوحه العجيبه المقاربه للوح الفنانين الكبار.. قبل لا يبدل ملابسه شاف اخته ساره وكانت في قمة الاناقه والجمال..مع انها ذبلانه هالايام ونقصت كيلوات بسيطه الا انها مافقدت رونقها..كانت ماشيه ع الموضه..لابسه جينز برمودا وتوب برتقالي كمه طويل بالاضافه لبادي برتقالي لبسته فوق التوب وكان مخرم..وصندل كعبه رفيع..وشعرها رفعته عشان مايضايقها في هالحر بالاضافه للاكسسوارات..وطلعت كما هي.. مـلكــة الانـاقــه..

راح المطبخ وشاف اخته ساره تكلم رئيسة الخدم وتعطيها ارشادات حق العشا...خذ له غرشة ماي من الثلاجه وطلع..وصل الصاله ومانتبه للي كانت واقفه وعيونها تجول في المكان..

نايف : السلام عليكم
دانه وهي تلتفت لنايف : عليكم السلام والرحمه
نايف موطي راسه : شخبارج ؟
دانه : بخير ربي يسلمك
نايف رفع عيونه وشافها: ساره..في..المطبخ..بتي بعد شوي
دانه ابتسمت وحركت راسها بايجاب وانطرت ساره..ونايف ماحب انه يخليها بروحها ويروح..فشله..وسااااره الثانيه تأخرررت
نايف وهو يحاول انه يذوب الجليد اللي بينه وبين دانه : شخبار الدراسه ؟
دانه وكلها ذهول من نايف اول مره يكلمها ويطول معاها: غثا بس الحمدلله
نايف ابتسم..وفي محاوله ثانيه : امممممم(طرقع صوابعه ومايعرف شيقول)..اممممم..سمعتي..نكته بالمقلوب ؟؟
دانه بصدر رحب : هاتها
نايف : ضحكي اوووول

دانه مافهمت..يه..شهالنكته الغريبه ؟؟..لحظات ووصلت لها المعلومه متأخره وضحكت على النكته..
دانه : ههههههههههههههههههههه..توها واصله
نايف ضحك معاها : ههههههههههههههههه

واستمروا في الضحك وساره تأخرت شوي..محمد اللي اشتط يوم درا ان دانه اليوم بتي عندهم فــ بدل ملابسه ولبس ذاك الثوب المعطر وماغطى شعره بكاب او بشي ثاني..مشطه وحاول يودي شعره كله على ورا..بس مااااافادت التسريحه..هد شعره مثل ماهو ونزل..بينزل لهم عاد ان بيطلع مع ربعه بس الصج يبي يشوفها

لكنه انصـدم..نزل من عتبات الدري وهو يسمع ضحكات صادره من مكان..من صوت انثوي وصوت رجالي..تجدم بخطوات ووقف قريب من الصاله..وتأكد من الاصوات..هه..رجعت المياه الى مجاريها..؟؟..نايف ودانه..خير ان شاءالله

مر بسرعه وطلع من البيت بعصبيه مجنونه..اذا محمد عصـــب..خلاااااص..لحد يكلمـــه

دانه اللي حست بأحد يمر..لان الصاله مفتوحه على عدة صالات ثانيه في البيت..ونايف اللي عرف ان محمد..مَرْ وسمع كل شي واكيد فهـــم غلط

دخلت عليهم ساره ونايف استغل هالشي واستأذن وطلع بسرعه طيرانيه يمكن يلحق على محمد..طلع من البيت وشاف السياره تطلع من القاراج..ركض صوب السياره ولحقها لما طلعت من البيت ومحمد طااااار فيها بعيد عن البيت ولو الود وده يبعد عن الفريج والبلاد والعالم..نايف وهو يلهث في الشارع : اففففففففف الله يعينا عليك يامحمد الله يعينااااااا

دخل البيت وخذ شنطته اللي نساها داخل وطلع مره ثانيه ..ركب السياره وهو يفكر بهالمصييييبه اليديده والحصريه اللي طاحت عليه..الله يعيني على شكوكك يامحمد..

--------

في المطبخ كانت دانه سرحانه..شسالفه..؟؟ شفيه نايف طلع بسرعه..؟؟..ومن اللي مر...؟؟...

ساره : احــــــــم
دانه انتبهت : صحـه !!
ساره : هههههههههههههههه على قلبج
دانه وهي تميل بشفايفها على صوب : وقلبج..وينه اخوج مابين ؟؟
ساره تغمز لها : شتبين في اخوي ؟؟
دانه : وييييه ولد عمي ماشفته من اسبوعين ؟؟
ساره : هههههههههههههه ايه ابن عمي ؟؟
دانه انحرجت بتشب الحين : لا اله الا الله
ساره حبست الضحكه : محمد رسول الله.. مادري عنه والله يمكن راقد ويمكن طالع
دانه : اهاااااااااااا
ساره وهي تفكر..تقولها ولا لا ؟؟ : دنوي..
دانه : هلا ؟؟
ساره بعد لحظه صمت قالت وعيونها على ديزاين الطاوله : فيصل....سافر
دانه فتحت عيونها : صج ؟؟ وانا مادري ؟؟
ساره : اي صج..اصلا توني..(تقولها بألم )..مستوعبه انه سافر
دانه تهَون على ساره مو كفايه ابوها..بعد فيصل.. : يرجع بالسلامه ان شاءالله

ساره في محاوله لتغيير الموضوع لانها ان طولت في السالفه بتصيح وبتنسى نفسها ولكنها..كتوووومه : شرايج نسوي جاي ؟؟
دانه : ليش لا..؟؟..قومي يالله

دانه راحت صوب المريله اللي كانت معلقه عند الثلاجه ولبستها وحطت الكاب على راسها وبدت تستهبل

دانه : الجاااااااي ..مكون من ؟؟..احم..(راحت عند الثلاجه وشلت احدى الاوراق المعلقه عليها وفيها ملاحظات كاتبتهم رئيسة الخدم)....
ساره وهي تسخن الماي : كركــــــم
دانه : هههههههههههههههههه وملح
ساره : خخخخخخخخخخ وخل
دانه : زيت زيتون !!!!!!!!!!!
ساره : هههههههههههههههههههههههه لا عاد مصخناها
دانه : انزين..(فيها الضحكه)..نكمل...اربع اقفاش ملـــح ووووو
ساره كملت عليها : حبتين هيل ؟؟
دانه : وشوية زعفران ؟؟
ساره تتساءل : طلع كوكتيل قهوه وجاي ؟؟
دانه : وصالونه بعد عيل الملح شحقه ؟؟
ساره : ههههههههههههههههههههههههههههه
دانه : هههههههههههههههههههههههههه بس جب خلينا نسوي الجاي الصجي
ساره وهي تأشر لها على مكان السكر واللبتون : في ذاك الكبت بتلقين شكر وقوطي لبتون
دانه : والدله اي صوب ؟؟

وبدوا يسون الجاي..وحده منهم تبي تنسى احزانها الجاثمه وبقوه على صدرها وكأنها تبي تخنقها..فراق الام وفراق الاب وفراق الحبيب ؟؟..مره وحده ..؟؟ شي صعب محد يقدر يتحمله ويظل ساكت ومايشكي مثل ساره..اهي اكتفت بالشكوى لله سبحانه وتعالى الرؤوف ودعت انه يرئف بحالها..وداااانه...ماتدري ليش تحس انها تبي تشوف محمد..تشرد من نفسها وتقول مالي خص فيه ولكن ترجع وتقول ابي اشوووفه حتى لو تهاوشنا مثل كل مره..وهالمره الهواش مب بينها وبينه..الهواش بين محمد واخووووه نايف..الله يستر شبيصير بين هالاخوان من معارك وحروب...؟؟

[bnt aldo7a]

مشاركة: قصه قطريه في منتهى الروعه ((احزان قلبي))

سوري شباب وشابات ماقدر اكمل لان الاخت ما كملت القصه
لاني انا ماخذه القصه من موقع ثاني سوري
بس ولا ايهمكم اول مارجع من السفر اكمل لكم اياها

[الأمورة]

مشاركة: قصه قطريه في منتهى الروعه ((احزان قلبي))

يا خســارة .........

أوكي حبوبه بنت الدوحة ولا يهمك ...
إنتي سافري وستانسي ...
وإن شاء الله ترجعين بالسلامه ...

في إنتظارك ...

[دلوووعوووه]

مشاركة: قصه قطريه في منتهى الروعه ((احزان قلبي))

حسااافه

أل فشكر أختي على القصه الرووعه والي تصيح

وياريت تكملينهاا

[bnt aldo7a]

مشاركة: قصه قطريه في منتهى الروعه ((احزان قلبي))

وأخيرا نزل الجزء اللي الكل ينتظره

يلا جبت لكم كم جزء
الجــــزء الخــامس عشــــر

------------------------------


محمد طلع من البيت ومشاعره هجت فيه..مر على ثاني وراح معاه البحر ولما وصلوا نزل بشوق للبحر وعيونه على امواج البحر اللي كانت مرتفعه في ذاك اليوم مثل مشاعره..سجاجين منغرسه بقلبه مايدري وش سببها..قعد على الرمل وتأمل البحر وهو يحاول يطلع جواب للسؤال اللي بمخه..وثاني مسكين قاعد على الرمل بعيد عن محمد ويحاول يلهي نفسه وهو يصنع بيت من الرمل..افففففففففف..تملل من اول ماوصلوا ومحمد ساكت


ثاني : احم احم..يااخيناااااا ياللي هناك
محمد :...............
ثاني : شقول ياحلو يا أمور ؟؟ لا والله ياااااااثووووور اسمعني وصمخ
محمد التفت لثاني اللي كان على بعد خطوات من الخلف : خير ؟
ثاني وهو رافع حاجب : بويهك..شفيك ياخي صار لك قرن وانت اتأمل بهالبحر اللي مااشوف فيه شي ملفت ؟؟
محمد يضحك بسخريه ويطلع القهر اللي فيه :..هههه..البحر فيه اشيااااا..غير عن الحب والوفااا..فيه الغدر والخيانـــه
ثاني بابتسامه وهو مستغرب : شقاعد تخربط يبا ؟؟
محمد وهو يطالع في ثاني : هذي مب خرابيط..(ويرد عيونه للبحر)..هذي حقيقه كنت متجالها من اول ماشفت خيالها..كنت اقول اقدر اخليها تلتفت لي..واسحب الاضواء منه..لكن...(كمل وهو يرسم باصبعه حرف الـ ( د) على الرمل وتجي موجه وتمسح اثر الحرف)...طلع اقوى مني

ثاني وهو يمد ركبه براحه ويسند يدينه على الرمل : هيييييييييه..تصدق..انا مادري انت شتكلم عنه..ومن عنه ؟؟
محمد وهو يتذكر نايف وعيونه تطالع امواج البحر بتحــدي : اتكلم عن واحد من لحمي ودمي
ثاني : ياخي كم مره قلت لك الحب مب لنا خله لاهله..
محمد وعيونه تغوص في اعماق البحر اللي جدامه : هههههههه..(راحت الابتسامه)..عقب وشو ؟؟..عقب ماغرقت فيها ؟؟؟
ثاني بغشمره : غرقت فيها ؟؟ شلون وانا اشوفك حي قدامي..؟؟
محمد بجد : جسمي تشوفه حي قدامك..بس روحي وفكري وعقلي ميتين فيها..
ثاني : الحبيب مخلـــــص..احم احم..ممكن سؤال جرئ
محمد بابتسامه : خذ راحتك..
ثاني بابتسامه : انت تحبها صح ؟؟
محمد بغباء : من هذي ؟؟
ثاني بضحكه بريئه : اللي تكلمني عنها من الصبح !!
محمد بعد ثانيه وصلت له المعلومه : لا استغفر الله شاحبها شقاعد تقول انت صج مخرف
ثاني وهو يقلد محمد : غصت فيها وجسمي هني وعقلي هناك ومادري شنو
محمد انحرج مسكين لف راسه للبحر وهو يفكر في سؤال ثاني..وصلت فيه انه يحبها؟؟والله ماستحي

ثاني وهو يضرب يدينه في بعض بقهر : هييييييه ياثاني متصل فيني على بالي بيوديني الشيراتون بيغديني وبيعشيني وبيأكلني
محمد كمل عليه : بيأكلك تبن
ثاني بدهشه وهو فاتح عيونه : افا يابو جاسم واهون ؟؟
محمد وهو يتأفف : مالي خلق اتكلم
ثاني بخبث : زين..مالك نفس ها؟؟..عيل خل لسانك في لهاتك عن لا يروح صوتك فديت صوتك

وانسحب ثاني بهدوء لسيارة محمد وركبها وشغلها بهدوء وحرك التواير ونثر الرمل على محمد ومحمد قام ولحق ثاني اللي شرد بالسياره ومحمد يركض وكلام العيايز على لسانه : الله يغربل بليسك يالحمار يالمخرف صج مخــــرف


-------

على الساعه 7 رجع نايف من النادي ومالقى محمد في البيت..تسبح وراح الحلاق عشان يرتب شعره ورجع من الحلاق وقعد في البيت تقريباً نص ساعه ونطر محمد..وماشافه..راح عند ربعه ورجع الساعه 11

لقى ساره في الصاله لابسه الجلابيه ومتلحفه وتطالع التلفزيون وتفرر بالقنوات : مساء الخير
ساره طالعت نايف ورجعت عيوونها على الشاشه : مساء النور..(وترجع عيونها على نايف بس باندهاش)..بووووو....وين..شعرك ؟؟
نايف وهو يقعد قريب منها : هههههههههههه والله الحلاق لمه وقطه في الزباله الله يعزج
ساره تخصرت : ويه اشوف تعال..(ويقرب منهاوتلمس شعره ولما تاكدت انه مقصوص ضربته على جتفه )..حمااااااار قصيت شعرك مو حرام عليك تربيه وبعدين تقصه ياماااال ال..
نايف : هههههههههه يامال ال..؟؟..ادري ماهون فديت قلبي والله
ساره : لا تصدق نفسك ..بس تدري حلو عليك اللوك اليديد
نايف وهو يدخل صوابعه بين خصله : عيونج الحلوه

كان اللوك حلو عليه ولايق..الحلاق تفنن في شعر نايف لانه كان طويل ومحتاج لترتيب..قص شعره من ورا لين الرقبه ومن جدام قص قذلته وخلاها على جنب وخفف شعره من الاطراف

ساره : ههههههههههههههه واي عليك وائل كفوري
نايف : من هذي ؟؟ ننوس ؟؟<<نانسي
ساره مسكت قلبها : ويه اسم الله علي
نايف بقلق : اممم..وينه بو جاسم ؟؟
ساره وهي تحك حنجها بقلق مخفي : برع
نايف : اممممممم
ساره : ماشفته اليوم صح ؟؟
نايف بخرعه : ا.اا..أ..اي ماشفته
ساره بحده : شفيك عليه ؟؟ قول ؟؟
نايف متدوده مسكين..وهو يأشر على نفسه : اصلاً..انا..هو..مافينا شي !!
ساره وهي ترفع حاجب : صار شي اليوم وانا ماحظرته بس شميت ريحته..واكيد عن اللي خبري خبرك
نايف تخرع..هذي شدراها؟؟ يعني تعرف ان محمد ودانه ؟؟ : انتي شنو ؟؟ ارهابيه ؟؟
ساره : يمكن..بس ادري ان صاير شي من وراي..ولا شلون تشرد وتخلي دانه بروحها ولا لما ارجع القاها متخزبقه
نايف فتح حلجه باستغراب لمدث ثانيه : ياماما ماصاير شي وبخصوص دانه ماعرف شفيها رفيجتج وانتي ادرى
ساره وقفت وقطت اللحاف وتخصرت : لا واللي يعافيك قطها علي وقول رفيجتج ما رفيجتج
نايف عصب : اوووووووووف منكم مالت عليكم شتبون مني ..سمعي انتي بروح ابدل ملابسي ومابي اسمع اي كلمه تأذي اذني(زاح ودز ساره اللي كانت في طريقه وساره مستغربه) وخررررري
ساره : لا والله ينوا اللي في هالبيت وقعدوااااااا !!!!!


عقب خمس دقايق رجع نايف..قعد في الصاله وتم ساكت وساره تمت ساكته..قعد يفكر في محمد..يعني شلون..كل مايشوف دانه معاه بيفكر بهالطريقه..يعني ان نايف يبي يتلزق في دانه ..ماصارت..نايف بغى يزيح الجبل اللي بينه وبين دانه ويخليها تثق فيه كـ اخو لها..بس محمد فهمها غلط..ونايف ماله ذنب..انظلم وصدره ضايق بسبة هالمحمد..يعني من وين يلقاها..؟؟ من ابوه ولا امه ولا الزمن اللي غدر فيه وفي امانيه واحلامه..

بعد ساعتين وصل محمد وشاف ساره ونايف قاعدين ويسولفون ويضحكون وولا عليهم ..سلم ومر بهدوء بس اللي وقفه يد ساره : ابيك في سالفه
محمد وقهر العالم فيه وهو ياخذ الغتره من راسه ويحطها على كتفه : نعم ؟؟
نايف بهدوء قام واستأذن بس ساره : خلك نايف
محمد : لا روح.. اختي تبيني في كلمة راس
ساره : تم
محمد : روح
ساره : تم
محمد : رووووح
ساره : تـــــــــــــــم

نايف دار راسه..هذي تقول تم وذاك يقول روح..لما يسمع (روح) يخطى بريله ولما يسمع(تم) يوقف مكانه..داااااااااار راسه من هالاثنين جنه متعلق بينهم

ومحمد في هالثانيه كان اشرس انسان في العالم..ممكن يمد يده على نايف بدون حاسيه ويكفخه..ممكن ياخذ نايف ويعلقه على الثريه..ممكن يقط نايف من الدريشه..توقعوا منه اي شي..لان في قلبه قهر وغيره ماعمره حس ابها

محمد طلعت منه همسه بين النيران اللي تلتهم صبره : خاين
ولا زالت ساره : نايف فديتك تم شاركنا الموضوع
محمد وهو يحفر ريله في الارض : رووووح ياا..يا..اخوي
ساره بصوت عالي : تـــــــــــــــم

بــــــــس


نايف بصرخه : بــــــس انتي وهو..شنو اصغر عيالكم انا تلعبون فيني وتحذفوني يمين ويسار ؟؟ اسمعني انت (يكلم محمد) روح حجرتك وراجع نفسك وشوف من الغلطان ..وانتي(يكلم ساره) مب ناقص الا ترفعين صوتج على الرياييل..يالله على غرفتــــــــج..(ساره في لحظه صدمه وذهول راحت غرفتها وقبل لا تصكر الباب)

نايف : بناااااااات آخر زمن (التفت على محمد ) حط راسك على المخده(يرص على الكلمه) وفـــــــكر من فينا الغلطــان
محمد بعصبيه : امر هو ؟؟؟ (حط عيونه في عيون نايف وقال بتحدي)..اللي يتعدى على ممتلكاتي عمري ماافكر في موقفه اذا كان صح او غلط..وانا راااااايح بنفسي مب بأذن منك

وطلع محمد من البيت وعقرب الساعه كان على 1 ونص..قعد نايف على الكرسي ويحس ان جسمه ثقيل..يعني الحين هو الغلطان ؟؟....في عيون الناس راح يظل ظالم وغلطان وشرير وفاسد..معلي
حطوا فيني كل شي تبونه بس اهم شي تاخذون اللي تبونه وانتوا فرحانين ومب منغص عليكم لا نايف ولا ظله

------


مروا يومين ونايف يحاول يكلم محمد بس ماقدر..اذا نايف كان موجود في البيت محمد يكون طالع..واذا نايف قعد محمد قام..مب حاله..لازم يكلمه ويفهمه الموضوع..شنو هي لعبه عشان مايكلم اخوه اكثر من يومين؟؟..

الساعه 1

طلعت ساره من المدرسه ورجعت البيت ودانه يحليلها محترقه اليوم السياره تاخرت عليها..سبحان الله سيارة دانه ماتأخرت الا لما محمد بغى يقدم على خطوه جهنميه يحرق فيها قلب دانه مثل ماشعلت يوفه..وكاهي الامور بنفسها تساعده وتوقف في صفه..يعني من الصح ؟؟..محمد...تفكيره كان جذي هو الصح والباقي غلط وراح يسوي اللي بمخه عشان يسترجع لو شي بسيط من كرامته اللي داستها دانه.. ونايف شغلي معاه بعدين..!!!

محمد وثاني طلعوا من الدوام وثاني مسكين متخزبق..مايدري شفيه محمد من يومين وهو معصب وضايقه فيه الدنيا ومايحب يسمع صوت احد..محمد طلب من ثاني انه يركب معاه في سيارته(سيارة ثاني) ويوديه مدرسه من المدراس الثانويه للبنات..ثاني على باله محمد يبي يغازل وطقت في راسه..بس لما وصلوا للمدرسه

ثاني : اووووه..حمود..جنها مدرسة اختك ؟؟
محمد بابتسامه : بالضبط
ثاني بابتسامه غبيــه : ياي تغازل بنات مدرستها ؟؟
محمد بخبث وعيونه على البنات اللي عند الباب : لا حشى..عمري ماييت صوب المدارس عشان اغازل..بس اليوم مظطر..مب اني اغازل..اني انتقــــم
ثاني صفر بدهشه وهو يردد : انتقااااااااام..وماابشع الانتقاااااااااام

محمد حرك السياره صوب باب المدرسه وشاف دانه تراقب السيايير كانها تدور على سيارتهم..حمد ربه ان السياره مب مخفيه..عشان تقدر تطالعه عدل..لما قرب صوب البنات صارت سيارته اول سياره وماحركها خلاها راكزه

ثاني متشقق : بنت اللذينه تطالعني صج ماتستحي بس عليها جماااااال
محمد وزع ابتسامه على كل البنات ومن وسطهم دانه اللي كانت تطالعه باشمئزاز وقرف : إثقل

محمد ماحرك السياره شبر وفي قلبه فرحه..خلاها تحترق مثل ماحرقته..دانه شافته يبتسم للبنات وقالت اكيد ياي يغازل..ماتنكر انها حست بغثه وبغصه وبلوعه..وبطقات عنيفه بقلبها..لكنها عرفت ترد عليه..هو اليوم ياي عشان يغازل او بالاحرى يحرهااااا..بيشوف هي شبتسوي

شافت سيارتهم واقفه عند سيارة محمد..رفعت راسها ومشت بخطى واثقه وبدون اي خوف صوب سيارتهم..وقدرت انها تمثل بشكل مميز..شكلها الخارجي يقول مغروره واكبر مغروره لكنها من الداخل محترقه..كانت تمثل على محمد عشان مايظن انه فاااااااز وهي خسرت


ومحمد صدق التمثيليه..كاهي تمشي جدامه بهدوء واتزان جنها حمامه..وعيونها كلها ثقه..عظ على شفايفه بقهر وحرك السياره بسرعه وحاول انه يبعد عن المدرسه اللعينه والمنطقه والبقعه اللي كانت تمشي عليها دانه

صرخ بقهر على ثاني وثاني منكمش على نفسه بخوف : سوتها الخاينه هي والخاين رفيجها سوووها فيني ولا بعد تاكد لي انها خاينه وتاكد لي انها مب مهتمه فيني ومهتمه فيه الخاااااين يعلكم ماتربحوون

-------

[bnt aldo7a]

مشاركة: قصه قطريه في منتهى الروعه ((احزان قلبي))

دانه اول ماوصلت البيت راحت صوب التلفون وقطت شنطتها على الكرسي وانفاسها متتاليه ..اتصلت في ساره وردت عليها

ساره : هلااااا دنوووووي
دانه وهي تلهث : ساااره
ساره : ويه امداج تشتاقين لي ؟؟
دانه وهي تحاول تهدي نفسها: ساره..اخوج الحمار العود يا اليوم المدرسه
ساره : ليش ؟؟
دانه : ليش بعد ؟؟ عشان يغازل
ساره : لا اخوي فديته مايروح صوب المدارس
دانه : والله العظيم اني شفته هو ورفيجه
ساره : اكيد مشبهه عليه
دانه بغير تصديق : ليش ماتصدقيني ؟؟ والله اني شفته هو بشحمه ولحمه
ساره : ياااااااااااااه دانه شفيج اكيد اتوهمين
دانه باحباط : يعني ماتصدقيني ؟؟ زين باي
ساره : تعاااالي..من صجج يعني شفتيه ؟؟ زين شنو السياره اللي كان فيها ؟؟
دانه : نيسان بترول
ساره براحه : اشووووى خرعتيني على بالي اخوي..محمد سيارته في اكس مب نيسان
دانه قعدت على الكرسي اللي حذا التلفون وهي تراجع ذاكرتها : يمكن سيارة نايف ؟؟
ساره : لا حبيبتي سيارة نايف مرسيدس مالها خص في نيسان
دانه : مالي خص شفته يعني شفته وسأليه عشان اتأكدين
ساره لما شافت محمد داش البيت : زين عيل..اوكي فديتج..اقول عندوه اتصلي لي بعدين عشان تقولين لي عن الهوم وورك
دانه مستغربه : من عندوه ؟؟
ساره : ويه عندي خط اكيد سبجوووووووه
دانه فهمت : اهااااااااااااااااا زين عيل باي
ساره : باي

هذي سبجوه مصطلح من مصطلحات ساره..وهي كلمه مشتركه بين دانه وساره خصوصا اذا كان الجو مغيم او مغبر او في حد يقصدونه يقولون(سبجوه)


ساره بربكه : حيا الله بو جاسم
محمد قعد عند ساره : الله يحييح..شفيج يبا ؟؟
ساره : من انا ؟؟
محمد : اي مرتبكه وحالتج حاله
ساره وهي تلعب بصوابعها : يقولون..صح اني تحطمت وتضايقت..بس يقولون
محمد يطالعها بطرف عينه وهو متأكد بليون في الميه ان دانه في السالفه : شيقولون ؟؟
ساره : انك رحت مدرستي

محمد انجك : هه..من قالج ؟؟
ساره : وحده من ربعي
محمد وهو شاك في دانه : عندوه صح ؟؟
ساره قطعت شك محمد باليقين : اي صح
محمد ابتسم بس بقهر..: رفيجي بغى يروح وخذاني معاه
ساره : طبعا الشيخ محمد مايقول لاااااااا
محمد : هههههههههههههههههههه ماقول لاااااااا

والله قهر..تطنشه وتحتقره بنظراتها وتقط الميانه مع اخوه وفوق هذا تفتن عليه عند اخته..؟؟..تبي تسوي فتنه بيني وبين اخواني بس معصي عليها هي واشكالها..توني داري اني ثور يوم اللي فكرت فيج ولاااا ثنوي يقول تحبهااااا..مادرى ان من كرهي يزيد حـبـــي

---------


دشت غرفتها وهي تحس بوحده عميقه..توها كانت قاعده مع امها وماقدرت تمسك نفسها وهي تتذكر كلام دانه..حست بضيق يخنقها..وقفت وسط الغرفه وهي تتنهد وتمسح على جبينها ومنها على شعرها..ماتقدر تسوي اي شي عشان توقف في طريق اللي بيصير..وهي من تكون عشان توقف في طريق الشاب اللي يبي يكمل نص دينه ؟؟..ماهي الا بنت عاديه حبت واحد بدون ماتحس وحب عفوي برئ خالي من الشوائب ومن اي شي حرمه الله..


طاحت على الارض وانسابت مثل قطعة الحرير اللي انسابت من يدك يابدر

بدموع جنها انهار تنزل من عيونها وبعجز

رجعت ذاكرتها لذاك اليوم ولكلام دانه اللي ذبح قلبها

--

دانه حاولت تكون طبيعيه ومثل اي اخت تزف خبر زواج اخوها لرفيجاتها : عويش حبيبتي بقولج شي بس لا تتضايقين
عاشه بصدر رحب : قولي فديتج مابتضايق
دانه : اخوي....بدر....بيخطب
عاشه تتدارك الوضع : والله ؟؟
دانه وهي تشوف ابتسامة عاشه اللي انمسحت : اي ...
عاشه حست بقشعريره بجسمها.. وبغصه في حلقها مثلت الفرح : مبرووووك..عقبالج ان شاءالله
دانه بشفقه على عاشه..عيونج فضاحه ياخيتي : يبارك فيج..

--

ابتسمت بألم وهي ضايعه في وسط دموعها : شسوي يادانه..؟؟ علميني قوليلي اشري لي وانا بسوي..ماقدر اقول غير..الله....يهنيك يابدر مع مرتك


----


سمع اذان صلاة العصر وصوت المأذن اللي ينادي فيه خلق الله بالصلاه له وتأدية فرض من الفروض الخمسه..توضأ وصلى اربع ركعات وبعد ماسلم..سجد لله وهو يدعي بكل مافيه وعيونه تخر دموع..ماله غير الشكوى لله..لانه كتوم لدرجه كبيره ومايقدر يشكي لاحد..بينه وبين السياده طلع كل اللي في قلبه ومع كل كلمه تنزل دمعه..وما احلى الدموع اذا كانت دموع خوف من الله

بعد مرور خمس دقايق طوى السياده ومسح عيونه اللي حمرت وطلع من الغرفه ونزل تحت..مالقى حد الا الخدامه

نايف وهو يحط يدينه في مخابيه : ميري وين ساره ؟؟
ميري : برا في مرسم

نايف راح عن ميري وطلع من الفله وراح مرسم ساره العملاق..لما دخل شاف ساره ترقص بخفه على انغام اغنيه كلاسيكيه قديمه لــ ديمس روسوس..ومع كل رقصه تخربش على الرسمه اللي كانت ترسمها

دش بهدوء وتمشى بين رسومات ساره وساره شافته لما دخل بس خلته على راحته

كان يصفر على موسيقى الاغنيه ويمشي بهدوء وهو يتأمل رسومات ساره..كل رسمه لها شكل مميز ومتفرد..رسمه غامجه..رسمه هاديه..رسمه تبط العين من الوانها الفسفوريه..ووصل حق الرسمه اللي لفتت انتباهه
سكت عن التصفير لمدة ثانيه ورجع يصفر عشان ماتشك فيه ساره..كانت رسمه غريبه..فيها ريال وحوله حمام..بس الغريب ان راس الريال هو المرسوم بس!!..مبين انها ماقدرت تكمل الرسمه..

نايف : ساره
ساره التفتت ووقف نفسها..لا نايف الله يخليك لا : هـ..هلأ ؟؟
نايف تقرب منها وبنظرات حاده : سؤال فضولي..الرسمه(وهو يأشر عليها)..ليش مب مكتمله ؟؟
ساره عيونها تبققت على الرسمه : لان..نسيت..اكملها..قلت بخليها حق وقت ثاني عشان..اتفرررغ لها
نايف بابتسامه خرعت ساره..نايف اذا ابتسم هالابتسامه الشريه يعني وراه شر : ومن يكون ؟؟
ساره وهي تحرك يدها اللي فيها فرشاة الرسم : أأأ..واحد..من نسج الخيال!!
نايف : اممممممممم..كمليها..لان ودي اشوف هالواحد(يرص على الكلام)اللي من نســـج خيالج شلون بيطلع شكله !!
ساره راحت صوب الرسمه ووقفت جدامها..تخاف ان نايف يتذكر فيصل : ان شاءالله..اكيد راح اكملها واراويك ياها

نايف ابتسم لها وقبل مايطلع من المرسم طالعها بنظرات مشككه..هو مايشك في اخته بس يخاف عليها!!
ساره اللي ماتت من الخوف والرجفه ماهدت جسمها..طاااااااااح قلبها يوم التفتت وشافت نايف يكلمها عن فيصل..حست انها بتكون من عداد الاموات بس الله ستر..الحمدلله نايف ماعرف اللي في الرسمه بس ليش يطالعها بهالنظرات..؟؟.كلها شك وتساؤل وتحذير..بس من شنو ؟؟؟

------

في ميلس ثاني..الميلس قام وقعد والسبه محمد قالب الميلس فوق حدر ومستلم هالثاني المسكين

محمد : تعرف شنو يعني خيانــــه ؟؟
ثاني تملل من هالكلمه : اففففففف مللتني من نص ساعه وانت تقولي تعرف شنو يعني خيانه تعرف شنو يعني غدر ياخي كرهتني في الحببببببب !!!!
محمد نسى نفسه ومسك ثاني من كتوفه وهزهم :خانتني وانا ساكت !!
ثاني وهو يبعد محمد عنه : وانت حبيتها وانت تصارخ !!
محمد : نعم ؟؟ شنو هالصرخه اليديده بعد ؟؟
ثاني : ماتشوف نفسك كله هواش وصراخ على شنو ؟؟ على انك تحب وحده مطنشتك
محمد يرقع : ماحبها.. بس جرحي يهون علي لكن كرامتي ماتهون
ثاني وهو يحط يد على يد : زين..ممكن تفكنا من هالسيره ؟؟
محمد رجع له طيف نايف : ودي.............
ثاني : اووهوووو
محمد بحده : اذبحه
ثاني : استغفر ربك..قوم خل ناخذ لنا فره في السد ترى الساعه قربت 7 وانا مخي يقفل 9
محمد بدون نفس : مالي خلق
ثاني بعصبيه : يالله زييييييين قم وناد اخوك نايف بعد
محمد وهو يحط عيونه بعيون ثاني : ول زين ..مابناديه
ثاني : مب زين ياريال شفيك على اخوك تعامله جذي ؟؟
محمد بسخريه : اخوووي..هه ..اخووووي طل..لو كان اخوي جان راعى مشاعري
ثاني : وانت شدراك ؟؟ هل سألت نفسك اخوك شكان يسوي مع ذيج مادري شسمها ؟؟ هل تحققت من الموضوع ؟؟ هل راجعت نفسك ؟؟
محمد بلا مبالاه : مايحتاي..دام احساسي قالي وعيوني شافت واذني سمعت..ليش الـ هل ؟؟
ثاني تعب من محمد..عنيد والعناد وراثه في عيلتهم : يالله انا رايح بصخن السياره وانت تعال وراي

--

كلموا بدر وعزموه بس بدر اعتذر لهم وقالهم انه تعبان ومايقدر يمشي شبر..خلوه على راحته لانهم يدرون انه يمر بظروف نفسيـه وعاطفيه..مروا على نايف ولحسن الحظ انه كان في البيت عشان يطلع معاهم ولسوء حظ محمد ان ثاني الجلب خلّى نايف يقعد جدام عند محمد وهو قعد ورا..ايه..مايدري ان في اي لحظه ممكن محمد يقلب عليهم السياره..خذوا لهم جاي كرك ولما راحوا في الداعوس والمطبات شوي وتفش التاير وصارت اهتزازات لين ما انصب الجاي على ثوب محمد

محمد وهو ياخذ كلينكس : اففففففففف اعوذ بالله من غضب الله
ثاني : شفيك ؟؟
محمد وهو لاهي بتنظيف ثوبه : الكررررك ياخوي الكرك
وبصرخه من نايف : محمد حاســــــــب !!

------


فيصل درا من ابوه ان بو محمد توفى..حزن على الخبر بس مو كثر حزنه على ساره اللي مايدري شحالتها خصوصاً ان امها متوفيه ومالها الا اخووين..الله يعينها..كم تمنيت اكون بقربها في ذيج اللحظه واواسيها واطمنها..اكيد حست ان الدنيا صكت بيبانها..لكن مثل ماقلت..برجع قريــب

الدراسه تمام بس الصحه زفت اهم وجبه وهي وجبة الغدا يطوفها كل يوم بس يتريق شي خفيف ويتعشى عشى بسيط لان ماله نفس حق الاكل والارق مسيطر عليه

--

كان قاعد مع رفيجه مبارك ينتظرون محاظره وفي يده عصير برتقال ..وتييه ذيج الشقره وتقعد على يساره

كرستينا : هاااااي فسولي
فيصل من بين ضروسه : هااااااي كريس
كرستينا بنت خالته : شلونك ايوني ؟؟
مبارك فقع من الضحك على اللغه : صح لســـانــج
فيصل : هههههههههههههه جب
كرستينا : اش فيكم ؟؟
فيصل يلتفت لها : مافينا شي ايوني
كرستينا : وهذا الدونكي موبارك يضهك الى من ؟؟
فيصل : هههههههههاااي بروك دونكي
مبارك بفلسفه خليجيه : مع ويهج يالشقرا تخرعين بلد يالحمسه
فيصل : ههههههههههههههههه
كرستينا قامت..مسكينه مسويينها مصخره : زين هبيبي اندي مهاضره.. سي يو ليتر
فيصل خذ راحته: زين يالحلوه
كريس غمزت له : اهاااااا..اوكي..(مشت عنه وهي تودعه)..سي يو ذين
فيصل وهو يضحك بقهر : يعلج ماتربحين لا ترجعين وخري عني.. لززززقه
مبارك : يحليلها تحبك
فيصل بصرخه : مااااااااابيها خل تاخذ واحد مثلها اشقر واحمر شتبي فيني انا ريال متزوج
مبارك يطالعه بنص عين : للحين بس عطوك الموافقه وتقول متزوج ؟؟..وبعدين تعال جنك مقصر يالاشقر يالحمر !!!
فيصل وهو يعدل في قعدته و يطالع صوب ثاني: ارجوك عاد وياشعرك
مبارك اللي لف راسه وشاف صوب ثاني : احلى من شعرك يالاشقر

----------


وبصرخه من نايف : محمد حاســــــب !!
محمد رفع عيونه ومامداه يشوف اللي جدامه الا وبنايف يحرك السكان على اليسار ويبعد عن هالمخلوق اللي كان بينداس
محمد وقف بريك حرق تواير السياره فيه : الله ياااااااااخذ بليسج
ثاني : اعوذ بالله زين ماذبحت القطوه ياخوي الله يخلي نايف يزااااااك الله خير
نايف ماسك قلبه : شدعوه ولو
محمد اذا داس القطوه كان بيسجن نفسه في مستشفى الميانين وقال وهو يلهث : اعوذ بالله..شهالقطاوه صج مامتربيين..شلون يخلونهم اهلهم جذي هايتين في الشوارع وفي انصاف الليول
ثاني مستغرب : شفيك محمد ؟؟
نايف اللي يعرف غشمرة اخوه تم يضحك
محمد يكمل والسياره واقفه في وسط الداعوس : ولاااااااا بعد مفصخين مالابسين شي ؟؟
نايف : هههههههههههههههههههههه
ثاني : ههههههههههههههه حرك يالله لا تينني معاك
نايف : عادي ترى حالات قلق
محمد حرك السياره : حالات قلق في عينك..ماتشووووووووفهم مفصخين اعوذ بالله كله من هيفاء خربتهم
ثاني : ههههههههههههههههههههههههه

[bnt aldo7a]

مشاركة: قصه قطريه في منتهى الروعه ((احزان قلبي))

في بيت بو بدر

في الصاله الوالد قاعد ع الارض ومتسند على مسند وبيده جريده ونظاره سميكه على عيونه والبنتين يتحدون بعض في لعبه

نوره : سمعي..هاللعبه لعبتي انا وانا نامبر وان فيها
فجر : مكتوب عليها اسمج ولا ادري ؟؟
نوره : فيج خير فوزي علي لـــــكن ماتقدرين
فجر بنظرات احتقار هدت اللعبه : اي مااقدر تدرين ليش ؟؟ لاني مب ياهل عشان افوز بهالالعاب اللي حق عمرج
نوره : ويه اسم الله عليج مب جنج اصغر مني بخمس دقايق ؟؟
فجر : اصغر منج بس اعقل منج
نوره قامت لها وبدت تصفق يدينها في بعض : سمعي حبيبتي تبين اتهاوشين تهاوشي بكفوف مب بكلام ينقال في الهوا
فجر : يبااااااااااااااا طالعها تبي تضربني
بو بدر : اشششششششش
نوره راحت لها وضربتها جم من ضربه وفجر تزيد بالكلام وتدافع عن نفسها وتضربها وانفاسها تطلع بين كل ثانيه وتنادي على ابوها وابوها اذن من طين واذن من عجين مب فاضي لهم

فجر : يبااااااااااااا الحق علي بااموووووووت
بو بدر فر الجريده بعصبيه : يلعن ابو شارون دوختوني يااتعس بنتين شفتهم في حياتي
والا تدخل دانه : السلاااام عليكم
بو بدر وويهه محمر: هلا والله بالغاليه وعليج السلام
دانه : يبا شفيك معصب ؟؟ اكيد هالفارتين لعوزوك..(تكلم خواتها) برااااااا يالله على غرفكم
نوره تطالع دانه بكره : فجور وراي على الحوش
فجر : يالله..بااااااااي دنووووي حبيبتي
دانه تموت على هالفجر قالت لها وهي تفر لها بوسه : بااااااي فديت شعرج الحلو

ولما طلعوا وصفا الجو بو بدر سأل دانه : شخبار اخوج ؟؟
دانه تنهدت : تعبان وايد..مب طايق احد وحرارته هاليومين مرتفعه
بو بدر : الله يهداه هالولد مادري شفيه
دانه ترقع : عادي يبا صبي مغصوب على الزواج وامه غاصبته شيسوي يعني ؟؟
بو بدر : بس البنيه زينه
دانه : انا اشهد..بس تدري يبا انه مايعرفها ؟؟
بو بدر استغرب : لااااااااا ؟؟
دانه : اي والله..كل ماابي اقوله يقولي مابي اعرفها
بو بدر : عيل انا بقوله
دانه تعرف شبيصير في اخوها اذا عرف : لا يبا لا تقوله انا بقوله

ويدخل عليهم بدر وشكله ميت من المرض..متلحف بلحاف من راسه لين ريوله وعيونه ذابله
بو بدر : سلامات اجر وعافيه يبا
بدر وهو يقعد حذا دانه : الله يعافيك
بو بدر : شبلاك يابدر ؟؟ هذي حاله الحين ؟؟ ماتعالج نفسك وتروح عند الطبيب
بدر بحزن : مابيقدر يعالجني انا دواي معروف
بو بدر : شنو هو ؟؟
بدر : الغوا الزواج
وتضربه دانه على جتفه : وييييه ماعليك منه يبا بس لانه مريض صار يخرف شوي
بدر بدا يقول اشيا من اسرار قلبه بلا وعي : دواي معروف بس انتوا ماتبون تعطوني ياه وانا بدونه..ميـــت
دانه لما شافت اخوها بدا يخورها : عن اذنك يبا بكلم بدر في غرفتي عن ذيج
بو بدر : زين يبا قوليله مايصير يتم جذي
دانه تسحب بدر : ان شاءالله

وفي الغرفـــه

دانه : شفييييك انت مينون ؟؟
بدر : كيفي..احب وكيفي
دانه تقلده : احب وكيفي..هذا اول احب وكيفي الحين انت بتقدم على خطوه كبيره لازم تفكر فيها
بدر :............
دانه بصرخه على اخوها العود : عالج نفسك يابدر قوم تحرك
بدر باحباط : شسوي ؟؟ اقوم شسوي ؟؟ اقوم اعترف بهزيمتي ؟؟
دانه تعبت من بدر : اي هزيمه واي بطيخ..انا بقولك من هي مرتك وبفك عمري
بدر : لا تقولين
دانه بتحدي : بقول غصباً عنك
بدر : تنثبرين احسن لج
دانه : بقووووول واللي فيها فيها..زووووجتك المستقبليه هي..واللي انت ماتعرفها..وذابح عمرك بسبتها...(قربت صوب اذنه وقالت بهمس )...


عـــاشــــه



بدر دق قلبه وحس فيها..عاااشــه : تلعبين معاي ؟؟
دانه بجد : والله العظيم هي..عاشه
بدر تلعثم : ا.أ.لا تجذبين علي مب وقته تراني مريض ويمكن يغمى علي !!
دانه : وعشان تصدق..عاشه رفيجتي اللي في بااااالي وبااااالك
بدر تسمرت عيونه في عيون دانه ولما شاف الصدق بعيونها ولما ارتعش قلبه ووجنته حمرت من الصخونه قال : عــاشــه ؟؟؟
دانه هزت راسها بإيجاب..:: ارتحت ياخوي..عرفت من هي الحين ؟؟ خلاص اضحــــك
بدر :..............
دانه تنتظر الضحكه من شفاة بدر..بس ماسمعت شي ..الا انها شافت دموع تتجمع في عيونه وابتسامه تنرسم على شفاته
بعد شهــــــر..وكان يتوهم بزوجه ثانيه غير عاشه..وبكوابيس تجيه..وبأحلام يودعها..وبعد ماحاول يمحيها من باله..ولكنه ماقدر لان رسمتها في الذاكره كانت منحوته......تطلع اهي..اللي بياخذها ؟؟؟...هذي صدمه بس صدمة فرح

دانه تخرعت.. اخوها يطالع في زاويه وحده وسرحان فيها ولا يرمش وولا دمعه نزلت : بدوووووووور
بدر :............
دانه هزت بدر : بـــــــدر
نزلت منه دمعه وزلقت على خده بنعومه..من شدة الفرح ومن ألم الصخونه : همممممممم ؟؟
دانه وهي تحايط اخوها بيدها: شفيك خرعتني ؟؟
بدر يطمنها وهو يمسح على يدها وينقل الراحه اللي تسري فيه ليد دانه : لا تخافين..اخوج بعده حيَ

[bnt aldo7a]

مشاركة: قصه قطريه في منتهى الروعه ((احزان قلبي))

الجــــــزء الـســـادس عـشـــــر

---------------------------



محمد ونايف ردوا البيت على الساعه10 ونص.. ماطولوا لان باجر وراهم دوام..صعدوا الطابق العلوي ومحمد راح صوب المطبخ الصغيرون وفتح الثلاجه يدور على شي يشربه لانه عطشان ونايف راح غرفة ساره..فج الباب شافها نايمه..صكر الباب وقعد في الصاله..شوي ويي محمد ويقعد بس بعيد عنه وكل واحد ساكت

نايف افتتح السالفه : محمد
محمد بدون نفس: نعم
نايف : شفيك علي ؟؟
محمد : مافيني شي
نايف : كلمني عدل وبلا سخافه ترى السالفه طولت وهي قصيره
محمد : تعتقد انها قصيره ؟؟
نايف بعصبيه : يــه قلت لها شلونج شخبارج وعصبت ؟؟ مايسوى علي ؟؟
محمد بلا اهتمام : عادي سولف معاها انا شخَصني ؟؟
نايف وهو يشيل الغتره ويحطها على السيت: دام مالك خص ليش عصبت ؟؟
محمد : لان لي خص
نايف افتر راسه : مو تقول مالك خص ؟؟
محمد يحط عيونه في عيون نايف ونظراته بارده : عاد كيفي احسبها مثل ما ابي
نايف : ولين متى بتطالعني بهالبرود ؟؟ شمسوي لك انا ؟؟
محمد يمسح على خده وهو مضغوط مايعرف شيقول : مامسوي لي شي
نايف : اروح لك يمين تطلع لي يسار اروح لك يسار تطلع لي يمين..ماعرفت لك ؟؟
محمد :..............
نايف يطالعه بطرف عينه : زين..انا استأذن

هم نايف بالوقوف..وسحب غترته وعقاله معاه.. وكان يبي يروح غرفته..وهو في طريقه كان يشوفه محمد بنظرات احتقار..يكلمه ببراءه جنه مامسوي شي !!

نايف وقف فجأه لكن مالتفت : تدري ؟؟
محمد بترقب :.............؟؟
نايف وهو يناظر الارض : ماحب اتعدى على ممتلكات غيري..ماديه او معنويه..عمري مافكرت بهالشي..وخصوصاً احبابي..ماحب آخذ شي منهم..واذا هم مايبون اتقرب من اللي يحبونهم...عادي..( حس بحرقه في عيونه..لان الدموع تجمعت) مابقرب ولا شبر..بس ترى ماكان بينا شي..وكنت بس ابي..اهدم الجدار اللي بينا..وصدقني..ماكنت ابي آخذ شي ولا راح آخذ..لان سعادتكم هي اولاً.....وبعدين.....سعادتي...

راح غرفته وترك محمد وسط ذهول من هالكلام..معروف عن نايف انه يحب اخوانه بس مب لدرجة التضحيه ؟؟...يضحي بسعادته علشان محمد..وكاهو قال انه مابيقرب صوب دانه..بس عشان محمد !!

هيييييه يا نايف لين متى بتم اتضحي وماتحس في روحك ؟؟

-----------

يوم جديــد
العصـــر

ساره ودانه تغدوا وقعدوا في الصاله شوي قبل لا تروح دانه البيت..لانها راده مع ساره وتغدت عندها بس بترد عشان الدراسه..

ساره : الله يعينا على التاريخ مادري شلون بكمله
دانه : وي الله يخليج لا تذكريني

ويدخل محمد..مشى وفي طريقه رفع راسه وشاف دانه وساره قاعدين في الصاله..
محمد بخياس نفس : السلام..عليكم
ساره ودانه : وعليكم السلام
ساره : تبي غدى ؟؟
محمد بضيق : لاااا
ساره : ليش ؟؟ متغدي ؟؟
محمد : لاااا..(ويقط الكلام بكرْه على دانه )..بس نفسي منســــــده
وراح عنهم وساره تحس ان اخوها متضايق بس ماتدري ليش..ودانه المسكينه تركها محمد في اكبر صدمه..من ايام يغازل بنات مدرستها..واليوم مخيس النفس..الله يستر شبيصير بكره ؟؟

وعت دانه من التفكير على صوت الهرن : يالله عيل..بروح الحين
ساره : ماتبيين اوصلج ؟؟
دانه مشت صوب الباب : مب دريولنا اللي مار علي..هذا ابوووي
ساره ابتسمت وتذكرت ابوها : سلمي عليه
دانه بابتسامه: يوصل
وقبل ماتروح دانه : داااانه
التفتت عليها : هلأ ؟؟
ساره :امم..لا تحطين في خاطرج...ترى في الفتره الاخيره تغير وصار ماينطاق
دانه تنهدت : ماصار شي
ساره : خلاص عيل..بااااي..وسوي لي تلفون لما توصلين
دانه : ان شاءالله

محمد من بعد كلام نايف امس في الليل..حس ان نايف صاج في كلامه وماكان يقصد شي..بس الغيره ساعات!!..تذبح
بس دانه..هو شدراه ان هي ماكانت تقصد شي ؟؟ وانها بريئه ...؟؟

----------

بدر تحسنت احواله..والحراره راحت عنه بس باقي اثر المرض اللي بعد ايام بيزول..تغير هالانسان..صار انسان ثاني بعد ماعرف من بتكون زوجته..صج انه ظلم نفسه لما ماكان يبي يعرف من هي..بس لو ماكانت هي شكان بيسوي..؟؟..مايعرفها ويرحم نفسه احسن من انه يعرفها ويموت..ولكن الآن..هو متفائل..متحمس..مشتاق لموعد الخطوبه..اللي تحدد في اجازة الربيع..الحمدلله صار شي كنت في يوم احلم به..عاشه..وهي شي ؟؟..لا...هي كل شـــي

دشت عليهم الصاله وهي مكتئبه حدهااااا..محد كان قاعد غير بدر وخواتها

بدر : سمعووووني ولا تعاندون
فجر ونوره : ماااااااااااانبي
بدر : شنو ماتبون ؟ بكيفكم هووووووو ؟؟
فجر : اففففففف شفيك ياخي ماتفهم
نوره السوسه : مالت عليك ليش صرت زين شصار فيك انقلب مزاجك مو كنت محبوس فـ غرفتك ؟؟؟
بدر فتح عيونه : يالياهل لسانج طويل..سمعووواااا.. بوديكم الستي يعني بوديكم وتسون لكم عبي سامعيييييين ؟؟
دانه بدهشه : عبي ؟؟؟
بدر : اي..خلاص كبروا عيزوا مب زين يطلعون جذي
دانه معاه في الراي : اي والله
نوره بتصيح الحين : دنوي انتي معاه ؟؟
فجر لانت شوي : زين..نجرب نوروه شبيصير اذا ماعجبنا الوضع بنقط العبي
بدر نقز : لااااااااا والله بعد عجبكم ولا ماعجبكمممم ؟؟
نوره : اي..لنااا الحق نجوف اذا كان الوضع اوكيك او نو
بدر يهددهم باصبعه السبابه قبل مايروح غرفته ويرقد : سمعوا يالعيايز..بتسوون لكم عبي يعني بتسوون..عيل بنات 12 مادري 11 يتمون بدون عبي..سمعوووني عدل..اذا تميتوا بدون عبي مافي طلعه برع البيت..وعااااد كيفكم
نوره عصبت : بعـــــــد ؟؟
فجر : خلاص..امري لله

دانه ضحكت عليهم لانها مرت بنفس الوضع..التفتت على التلفون وطقت رقم بيت عمها

ردت ساره : الووو
دانه بضيق : هلا سويره
ساره : اهلييين
دانه : ترى وصلت اوكي
ساره : الحمدلله على السلامه فديت عمرج
دانه : الله يسلمج
ساره حست بنبرة ضيق في صوت دانه : شفيج متضايقه ؟؟
دانه وهي تلعب في شعرها : ولا شي
ساره : لا قولي..ادري فيج ماتقدرين تمسكين نفسج غير عني..يالله فضفضي
دانه بعد تنهيده..تكلمت بنغزات لان خواتها عندها : شفيه علي دريولكم ؟؟
ساره : ههههههههههههههههههههههههههههه مالقيتي الا تقولين دريولنا ؟؟
دانه مسكينه : هههههههههههههه شسوي تدرين الجو مغبر
ساره : زين معلي..شفيه دريولنا ؟؟
دانه : شدراااني..انتي ادرى فيه
ساره حاطه ريل على ريل وتهز ريولها: والله شوفي..صح انه اخوي..بس مايقولي شفيه..وشمضيق صدره..حتى انا احسه متضايق هالايام
دانه تقصر حسها : اممم..بس مب جذي..جني حشره ويبي يذبحهااا..شسويت انا ؟؟
ساره : شسويتي انتي ؟؟ تذكري عدل
دانه : ويه مامسويه شي..الا هو المتخلف غير عن اخوه الثاني
ساره : من نيوف ؟؟ فديت عمره كل ساعه يسأل عني وهذا حمود اوريج فيه
دانه بخوف : شبتسوين ؟؟
ساره بخبث: ماعليج..(شافت محمد نازل من الدري )..باي دنووووي..
سكرت الخط في ويهها ورجعت شلت السماعه..وصارت تتصنع

ساره بخوف ورهبه : شنووووو ؟؟ من صجكم ؟؟ وينهي الحين وشخبارها ؟؟ الله يسترررر.....صكرت السماعه
محمد قعد حذاها : شسالفه شفيج متخرعه ؟؟
ساره وهي تحن : فديتها ياعمري عليها ماتستاهل والله
محمد : من ؟؟
ساره : بنت عمي بعد قلبي
محمد رجف قلبه : شفيها ؟؟؟؟؟؟؟؟؟
ساره وهي تقول في قلبها..سااااامحني ياربي :في الطريج دعمت السياره وهي الحين في المستشفى
محمد بقلق : قومي خل نروح لها
ساره شوي وتصيح: آآآآآآآآه يابنت عمي..آآآآآآآه ياخيتي
محمد بعصبيه وقف وقال لها : ماتقومين ؟؟
ساره تخفي ابتسامتها : ماقدر روح بروحك ريولي مااااااتشيلني من الصدمــه
محمد طنشها وراح صوب الباب
ساره : ليش بترووووح ؟؟
محمد التفت : عيل انطرج واصيح ؟؟ اروح اشوف شفيها البنيه
ساره تسحبه بالكلام : وانت شعليك منهاااااا
محمد نسى نفسه : يه بنت عمي
ساره : عندها اخوووها مب محتاجين حد ثاني..وآآآه يادااااانـــة الدنيااااااااا
محمد كل مايسمع اسمها يتلاشى الصبر منه : انا رايح
ساره بطرف عينها: بتروح بجلابيتك ؟؟
محمد يطالع نفسه : اوووه..بروح ابدل...
وفي طريقه للدري وقفته ساره : يعني بترووووح ؟؟
محمد : اي
ساره : لا ماتروووح
محمد : على كيفج ؟؟
ساره : لانها مب في المستشفى..هي فبيتهم
محمد ثواني واستوعب السالفه : تجذبين علي ؟؟
ساره بخوف من محمد : ماكنت اقصد..بس عشان تعرف ان لوووو شنووو...واسكتت
محمد يبلع ريجه : كملي ؟؟
ساره بخوووف همست : انك مهتم فيها
محمد سمع شي وعرف ان ساره تحس فيه..حس بقلق..بس شفيها اذا ساره اللي هي اخته وامه حست فيه ؟؟...مافيها شي..بس المقلب

محمد راح لها وهي بعدت عنه وكل مايقرب تبعد..
ساره : آآآآآسفه محمد ماكنت اقصد والله
محمد مسك شعرها ويره : ماكنتي تقصدين ؟؟ حلفي ؟؟ وليش تجذبين؟؟(شد على شعرها)..هااااااااااااا ؟؟
ساره بخوف : لاني احبكم انتوا الاثنين ومابيكم تتضايقون
محمد يهزها : انتي شعليـــج ؟؟
ساره : شعري الله يخليك هددده الله يخليك بيطيييييح
محمد : الا اطيحــه
ساره خايفه على شعرها : لاااااااا تكفى محمد..نااااااااااايف الحق علي ناااااااايف
محمد : ههههههههاااي..مابيسمعج راقد وصاك الباب
ساره عيونها دمعت : آآسفه محمد آآآآآآآآآآآآآسفه
محمد مستلمها : قولي آسفه مب عايدتها
ساره : آآآسفه مب عاايدتها
محمد : عيديهاااااا
ساره وهي تحاول تشيل يده: آآآآآآآآآآآسفه
محمد هد شعرها : عشان اتعلمين..واذا ماتعلمتي..مابتشوفين شعره وحده في راسج
ساره شافت محمد بنظرات كره اول مره تشوفه فيها..يعني اتسوي له خير..تخليه يختبر نفسه اذا هو مهتم في دانه او لا ؟؟ هذي جزاتها ؟؟ يمجع شعرها !!
محمد بابتسامه : آآآآسف..ماااااااكنت اقصد
ساره بقهر : اكررررهــك
محمد صعد الدري : وانا امووووت فيج

اختفى من مرآ ساره..لمت شعرها وشافت يدها..3 شعرات طايحين..حرااااااام عليه..

فجأه يظهر راس من الدري : آآآآسف
ويصعد مره ثانيه
ساره تصرخ : محمدددد..خرعتني ناوي علي اليووووم

-------

[bnt aldo7a]

مشاركة: قصه قطريه في منتهى الروعه ((احزان قلبي))

بعد مرور ساعتين..وفي غرفة نايف..الذكريات تتقلب في ذاكرة نايف وترجع له ايام حلوه ماضيه..عاشها مع امه وابوه..وينتقل لمرحله ثانيه..ولذكريات حلوه تجلب الحزن لان الانسان فقد حلاوتها..ونايف حس بالتغير اللي صار..تغير كبير..قبل كان البيت يعم بالصراخ والضجيج وصوت امه ينسمع من صوب وصوت ابوه من صوب ثاني وساره ومحمد..كانت ايااااام...والحين البيت فاضي..غابوا عنه اغلى اثنين..في هالثانيه نايف محتاج لاحد يواسيه لان الدموع شوي وتنزل

ماعندي حد..ومحد يبيني..ساره لها عالمها..ومحمد له عالمه..الاااا انااااا..نحس على الدنيا
خذ المخده وضمها وهو يقول : انااااا..محتــــــاج

وكأن احد سمع افكاره..رن جواله وشاف المتصل

نايف بفرح : هلااااا عمي
بو عيسى : يمسييييك بالخير
نايف : يمسيك بمثله يالغالي..شخبااااارك عساك طيب ؟؟
بو عيسى : تمااام الحمدلله
نايف : ها عمي..زين افتكرت فينا واتصلت ؟؟
بو عيسى : اذا انا مافتكرت فيكم من بيفتكر ؟؟ انا المسؤول عنكم من بعد عمك بو بدر..واذا احتجتوا اي شي تحجوا ولا تستحون ؟؟
نايف : الحمدلله مب ناقصنا شي.. الله يطول باعماركم
بو عيسى : وشخبار حبيبتي سويره ؟؟
نايف : بخير عمي تسأل عنك ..تقول وينه مايسأل عن بنت اخوووه
بو عيسى : شسوي يانيوف الشغل منسيني اسمي
نايف تنهد : الله يعينك
بو عيسى : وانت شلونك ؟؟
نايف : متضاااايق بس
بو عيسى : من شنو ؟؟
نايف : من الوحده ياعمي
بو عيسى : مو جنك مصختها مع عمي مالتك هذي..لا تكبرنـــي
نايف : هههههههههههههههه توك شباب بس احتراماً لك
بو عيسى : قول منصور وخلاص
نايف : ان شاءالله..عمي
بوعيسى :ههههههههههههههه..(بعد ثانيتين).. نايف..ابيك تطلع اختك وتدورها وتهتم فيها..محمد يقدر يهتم بعمره بس ساره بنيه ومالها حد..وانت تدري كانت متعلقه في ابوك وايد
نايف : كلنا كنا متعلقين فيه
بو عيسى : الله يرحمه...يالله اخليك ولا تنسى تشوف اختك
نايف : ان شاءالله..
بو عيسى : مع السلامه
نايف : حياك الله..

ورجع ينبذ نفسه..دووووووم يوصوني في الناس عمرهم ماوصوا فيني..بموووت فـ غرفتي ومحد داري عني

طلع من حجرته وراح عند حجرة ساره وطق الباب..محد رد عليه..فتح الباب وفحص الغرفه بعيونه..مالقاهااا...راح الصاله وضغط على زر الـسبيكر في التلفون وقعد ينادي على ساره وصوته ينسمع في زواياااا البيت كلهااااا...ليما ردت عليه : انااااااا هني في المكتب

نزل تحت..لان المكتب في الطابق التحتي..وقبل مايفتح الباب سمع صوت كبتات تتسكر..مااهتم وفتح الباب..لقاها في وسط الغرفه واقفه وهي متوتره والقلق ماكلها..واللي اكد له هالشي ان نفسها كان ينسمع وكانت ترتب شعرها وايدها ترتجف

نايف وعلامة استفهام كبيره على راسه : شفيج ؟؟
ساره : ابد..مافيني شي

تنهد وحط ويدينه بمخابيه..شافها..ذبلت اكثر من قبل..شفيها هالبنت ماتاكل ؟؟..اخاف الا تفكر وايد !!؟؟

نايف قعد على الكرسي الجلدي المريح : ها ساره..ما قلتي لي..شخبار الرسمه ذيج ؟؟
ساره : اي وحده ؟؟
نايف : اللي ماكملتيها ؟؟
ساره تذكرت وتغيرت ملامحها : اي ذيييج..ماكملتها والله
نايف يفحص ساره بعيونه..قلقه..متوتره..مرتبكه..كل هالصفات تجمعت في كلمه..= خااااايفه..: سؤال..شيايبج هني ؟؟
ساره : أأ.أ..ولا شي بس قلت ادش المكتب وانظفه تدري محد داشه من فتره

نايف استغرب..مكتب ابوهم محد يدشه الا بأذن منه لان فيه اشيا خاصه وسريه جدا..بس الحين ابوهم مب موجود ويقدرون يدشون

نايف : امم..انزين..شعندج اليوم ؟؟
ساره : ولا شي
نايف : خلاص عيل..زهبي نفسج بعد نص ساعه بنطلع..
ساره : بنطلع ؟؟ وين ؟؟
نايف : انتي زهبي نفسج ونزلي تحت والمكان اللي بنروح له بيعجبج
واخيراً بطلع وبتنفس : مفاجأه يعني ؟؟ اوووووكي
نايف : بس هاااا..لا تتأخرين في التعدل لان وراي طلعه ثانيه مع رفيجي ..يمكن اهدج واروح معاااااه ؟؟
ساره : لاااااا شنو..من صجك..؟؟..انا ماصدقت اطلع
نايف شاف الساعه المعلقه ع الطوفه : تراج قاعده اتأخرين الوقت
ساره ركضت : بروووووح البس
نايف : هههههههههههههههه

نايف ابتسم على براءتها وطلع من المكتب..بدلت ملابسها..لبست تنوره جينز موديلها اسباني وبادي وردي(كريستيان ديور)اكمامه(جابانيز)..ونعاله ورديه(كريستيان ديور) كعبها دقيق وقصير.. وكحلت عيونها على خفيف..لبست عباتها ونزلت تحت شافت نايف ينتظرها..طلعوا ولما قربوا صوب المكان ساره ضحكت بسخريه

نايف : شفيج تضحكين ؟؟
ساره : ههههههههههههه يايبني السنتر ؟؟ شسوي هني ؟؟
نايف : اي ضحكي معلي
ساره : السنتر عااااااد ؟؟ تدري آخر مره طابته يمكن من 5 سنين
نايف : عاد تغير طول هالفتره..وبتشوفين...اقوووول
ساره : قووول
نايف : تغشي لو سمحتي
ساره استغربت : كله هنود وفلبينيين !!
نايف بصدق : هالهنود والفلبينيين مالهم رب ؟؟
ساره مدت البوز : ان شااااءالله

نزلوا من السياره ودخلواالسنتر..مشوا ومشوا ومشوا..لين ماوصلها نايف في مكان..فيه اشيا خاصه حق التلوين..من جميع نواحيه..وكل شي يحتاجه الرسام..مــوجـــود

ساره مب مصدقه : واااااااااااي
نايف : ها شرايج ؟؟
ساره وهي تمشي بين الرفوف المصففه عليها احلى الاشيا : اشيااااا فضيعه
نايف يمشي وراها : فضيعه وبس؟؟..وغاليه بعد
ساره تشققت : واااااااي..من زمان ماشريت لي اشيا حق المرسم
نايف : ههههههههههههه مرسمج تحجر والله..
ساره ماترضى على مرسمها: مرسمي كلاسيكي يالمثقف
نايف بعد ماشاف ان السنتر فاضي : لما تخلصين دقي علي..بروح الكافيه..اوكي ؟؟
ساره وهي لاهيه : اوووكي

راح عنها وياتها اللي تشتغل في المحل..(المحادثه انجليزيه)..: محتاجه مساعده ؟؟
ساره : لا مشكوره
العامله ابتسمت : شكلج تعرفين العده هني
ساره : اكييييد
العامله : اللي كان معاج ريلج ؟؟ ماشاءالله عليه وسيم
ساره شافت العامله بصدمه : هههه...لاااا اخوووووي
العامله : اووووه..آآآسفه بس ماشفت شبه بينكم وقلت اكيد ريلج
ساره : صح مايشبهني ابد

خلتها العامله عشان تشوف الاشيا براحتها..وساره تقول في قلبها..نايف مايشبهني كلش..وكل اللي يشوفونه يقولون عنه وسيــم..هو يمكن وسيم بس هالفلبينيه رفعت لي ضغطي...بس عاااااد ريلي ؟؟ قويه شوي....


خذت لها كم من غريضه واتصلت في نايف وياها على طول..طبعا هو اللي دفع وقالها هديه منه لها..وكل شي غـــالــي..


في السياره

ساره : نيوف تدري اللي تشتغل شقالت ؟؟
نايف : شقالت ؟؟
ساره : قالت اللي معاج ريلج
نايف : هههههههههههههههههههههههههه
ساره : ايه اضحك..دب واحد
نايف : انتي مرتي ؟؟ نو واي اختي العزيزه
ساره : لا بعد قالت انك وسيم..شوي وتقولي عطيه رقمي
نايف بغشمره :لا يكون ماعطتج رقمها ؟؟
ساره : بس عااااااد..رفعتولي ضغطي انت وهيا
نايف : يـــه..غيوووووره
ساره : اخوي واغار عليه..كيفــــــي
نايف : فديت هالـ كيفــي اناااا

مسكين نايف استانس..اخته يحليلها تغار عليه وذيج تقول عنه وسيم..وسيم ومحد معطيه ويه والكل مطنش له..قال في قلبه وهو يوهم نفسه..يوم من الايام نايف بيطلع على حقيقته وبيكسر العالم !!

--------
على الساعه 7 محمد مر على بدر ودق عليه وقاله يطلع له بس بدر بارد ومستحيل يطلع بهالسهوله..نزل من السياره على اساس انه ينتظر بدر في الحوش..دش البيت ومشى شوي..مشى ومشى الى ان وصل لحديقه من حدائق البيت..مال بجسمه على اليمين واليسار,,يتمظر في هالطبيعه في الليل شلون شكلها..غير عن الصبح..وهو يتأمل المنظر شاف ويه مألوف..اووووه..هاذي اللي بدى يكرهها

دانه حمدت ربها انها اول ماتطلع في الحوش تحط الشيله دوووم..شافت محمد وماعطت اهتمام الا بكلمتين وبظره لا مباليه : هلا بأخوي
محمد تحطم زود : عن اذنج
دانه بلا شعور : وين رايح ؟؟
محمد لما التفت عنها : بروح اشوف سيارتي لانها مشتغله
دانه :…………
محمد مشى خطوتين ووقف : ليش تسألين ؟؟
دانه : عن شنو ؟؟
محمد بجرأه: مهتمه اذا بقعد ولا بروح ؟؟
دانه وهي تتحاشى نظرات محمد :..لا عادي بس عبالي بتدش الميلس
محمد يسبح في الاسئله الجريئه ونسى ان دانه بنت عمه : ولو بدش الميلس..كنتي ماتبيني اروح ؟؟
دانه استغربت من محمد..يختبرها باسئله تدوخ :……..

ماجاوبت على سؤاله..ونتج من هالشي سكوت بينهم بس النظرات تتكلم..نظرات محمد تترجم سؤاله اللي طرحه من شوي..ونظرات دانه تصمت بهدوء غريب يحرك القلب..هبت عليهم ريح المساء.. ريح حركت غترة محمد بنعومه وريح رقصت بشيلة ساره الرقيقه..ومشاعرهم تطير..وكل منهم يسبح في عيون الثاني ويحاول يلقى نفسه فيها..واحد منهم حس بنفسه في عيون الثاني..وواحد منهم حس بنفسه في قلــب الثاني

ويقطع الهدوء رنين جوال محمد المزعج..رفعه وهو متخدر : الوووو
بدر : حمود ومرض نقعتني في السياره وينك انت ؟؟
محمد يأشر حق دانه بالوقوف بس هي هربت ودشت البيت : اففففففف..يايك الحين

راح له وهو يلتفت لورى مابين كل ثانيه..يمكن دانه ترجع…ومثل ماأكدت له بالنظرات انها ماقربت صوب نايف..بتأكد له بالكـــلام

------
بدر ومحمد كنسلوا طلعتهم لان بدر بيودي خواته الستي عشان يفصلون لهم عبي مثل ماوعدوه..وطبعا هو مايعرف بسوالف العبي من جذي ام بدر بتروح معاهم

دخلوا محل من محلات العبي المعروفه..وبدر وقف برا المحل وبالصدفه التقى بـ نايف وجابر

نايف : هلا بالمختفي
بدر : اي مختفي يالقاطع
نايف : ماقطعت الا عشان اخليك على راحتك وانت تعرف الباقي
بدر بابتسامه : ها جابر..شخبار الدنيا معاك ؟؟
جابر وهو يشوف البنيه اللي في محل العبي : تسلم عليك
بدر : هههههههههههههههه الله يسلمها..(التفت للبنيه اللي يطالعها جابر)..تطالع من ؟؟
جابر : بنيه صغيره يحليلها
بدر : تراها اختي
جابر تفشل : اختك ؟؟ آسفين حبيبنا البدر
نايف يتساءل بدهشه: فجر بتلبس عبايه ؟؟
بدر : اي..هي ونوره
جابر يفكر..نوره وفجر..لايقين على ويوههم الحلوه : مصخوها مايصير جذي خلاص كبروا
بدر : لو ماقلت لهم سالفه العبي ماكانوا بيلبسون
جابر بعصبيه : بعد ؟؟ لو خواتي جان مسحتهم من الوجود
نايف : الحمدلله انهم مب خواتك ياشيخ
بدر : ههههههههههههه جابر شبلاك معصــب ؟؟
جابر : ولاشي...
بدر : يالله عيل..اخليكم..الوالده تبيني
نايف بشوق لمرت عمه اللي ابتعد عنها بسبب الظروف..امه الثانيه: سلم على خالتي ماشفتها من زمان
بدر : يوصل..
جابر : لا تنسى تقول حق خواتك يحطون العبي على روسهم اول مايطلعون
نايف بقق عيونه: على روسهم مره وحده ؟؟
بدر : ههههههههههه..يالله..مع السلامه
نايف : الله يسلمك حبيبي...(بعد ماتأكد ان بدر ابتعد عنهم )..شفيك على خواته يالخبل ؟؟
جابر مشى ونايف معاه : مافيني شي..
نايف : يه..ليش حار نفسك ؟؟
جابر معور قلبه : حار نفسي ؟؟ ماتخاف على بنات عمك الحلوات ؟؟
نايف : الا اخاف ونص..تبي ترقمهم بعد ؟؟
جابر كان بيرقم وحده منهم لو هي مب اخت بدر..بس : لا طبعا مستواهم اكبر من الترقيم
نايف بطرف عينه : حسبالي بعد..كنت بقطك من الطاابق الرابع
جابر : هذاا وانا الغالي ؟؟
نايف :هه... كل شي ولا بنـات عمــي..

-------
بدر ومحمد كنسلوا طلعتهم لان بدر بيودي خواته الستي عشان يفصلون لهم عبي مثل ماوعدوه..وطبعا هو مايعرف بسوالف العبي من جذي ام بدر بتروح معاهم

دخلوا محل من محلات العبي المعروفه..وبدر وقف برا المحل وبالصدفه التقى بـ نايف وجابر

نايف : هلا بالمختفي
بدر : اي مختفي يالقاطع
نايف : ماقطعت الا عشان اخليك على راحتك وانت تعرف الباقي
بدر بابتسامه : ها جابر..شخبار الدنيا معاك ؟؟
جابر وهو يشوف البنيه اللي في محل العبي : تسلم عليك
بدر : هههههههههههههههه الله يسلمها..(التفت للبنيه اللي يطالعها جابر)..تطالع من ؟؟
جابر : بنيه صغيره يحليلها
بدر : تراها اختي
جابر تفشل : اختك ؟؟ آسفين حبيبنا البدر
نايف يتساءل بدهشه: فجر بتلبس عبايه ؟؟
بدر : اي..هي ونوره
جابر يفكر..نوره وفجر..لايقين على ويوههم الحلوه : مصخوها مايصير جذي خلاص كبروا
بدر : لو ماقلت لهم سالفه العبي ماكانوا بيلبسون
جابر بعصبيه : بعد ؟؟ لو خواتي جان مسحتهم من الوجود
نايف : الحمدلله انهم مب خواتك ياشيخ
بدر : ههههههههههههه جابر شبلاك معصــب ؟؟
جابر : ولاشي...
بدر : يالله عيل..اخليكم..الوالده تبيني
نايف بشوق لمرت عمه اللي ابتعد عنها بسبب الظروف..امه الثانيه: سلم على خالتي ماشفتها من زمان
بدر : يوصل..
جابر : لا تنسى تقول حق خواتك يحطون العبي على روسهم اول مايطلعون
نايف بقق عيونه: على روسهم مره وحده ؟؟
بدر : ههههههههههه..يالله..مع السلامه
نايف : الله يسلمك حبيبي...(بعد ماتأكد ان بدر ابتعد عنهم )..شفيك على خواته يالخبل ؟؟
جابر مشى ونايف معاه : مافيني شي..
نايف : يه..ليش حار نفسك ؟؟
جابر معور قلبه : حار نفسي ؟؟ ماتخاف على بنات عمك الحلوات ؟؟
نايف : الا اخاف ونص..تبي ترقمهم بعد ؟؟
جابر كان بيرقم وحده منهم لو هي مب اخت بدر..بس : لا طبعا مستواهم اكبر من الترقيم
نايف بطرف عينه : حسبالي بعد..كنت بقطك من الطاابق الرابع
جابر : هذاا وانا الغالي ؟؟
نايف :هه... كل شي ولا بنـات عمــي..
-------